Yawˇbaˆ 23:14 - Akha

¹⁴ Ngaˬ-euˬ gʼaˇ duˬ aˬ yawꞈ neh lehˬ hmˬ taˬ-euˬ loꞈ-ehˇ aˬ yawꞈ mˇ byah tehꞈ-a. Kʼoeˇ loꞈ-ehˇ lehˬ hmˬ taˬ-euˬ jeˬ aˬ yawꞈ-euˬ nui ma laꞈ kʼoeˇ maˬ ehˇ jiˇ coeˇ ni jaˆ luꞈ meh.

Yawˇbaˆ 23:14 Iomraidhean Croise

Yawˇbaˆ 10:13

Ehˇ kʼawꞈ, aˇ yamˬ kʼoeˇ dawˬ tawˆ luꞈ laꞈ kʼoeˇ, ngaˬ-ahˇ heu loꞈ-ehˇ jahˇ coeˬ nehˬ-eu gʼaˇ duˬ nawˇ nawˬ jawˬ luꞈ-eu nymˬ-mˇ ngaˇ siˬ duˬ ma.

Yawˇbaˆ 23:13

Aˬ yawꞈ tiˬ jawˇ-iˬ poˆ laˇ paˇ laˇ-eu maˬ baw-ehˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ ciˬ daˬ leˇ peuˬ-a. Aˬ yawꞈ mˇ mawꞈ-eu jeˬ mˇ gaˇ kʼawꞈ, tiˬ gʼaˬ-iˬ maˬ laˆ tsoeˬ leˇ nya-a.

Yawˇbaˆ 23:15

Kʼoeˇ miˇ neh aˬ yawꞈ-euˬ mehˬ shi ngaˬ-ahˇ yaw dzuˬ dzuˬ nya. Gaˇ kawˆ heu deuˬ shaˇ noeˬ ngeh ngaˬ-ahˇ yaw zawˇ guˆ nya.

Yawˇbaˆ 7:3

Ba la tiˬ siˬ saˇ-iˬ tiˬ siˬ ngaˇ shaˬ shaˬ-ehˇ dehꞈ dzeuˇ laꞈ-awˇ, tiˬ miˇ saˇ-iˬ tiˬ miˇ noeˬ shaˬ-eu jeˬ keuˆ le-eu meh.

Jaceuq 77:19

Iˇ luˆ dzeh-eu kʼoeˇ taˆ nawˇ cah-awˇ, iˬ ma laˆ shaˆ-ahˇ nawˇ cah tsehˆ gʼeh kʼawꞈ, nawˬ-euˬ pehˬ zaˇ maˬ ya mawˇ-a.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Miˇkaˬ 6:9

Sahˬpaˬ Miˬyehˇ-ahˇ guˆ-eu tsawˇ haˬ-aˬ, tsawˇ gahˇ ahˇ-eu tsawˇ haˬ meh. Yeˬluˇsaˬlehˬ meuˬ-ahˇ Sahˬpaˬ Miˬyehˇ guˇ-awˇ ehˇ-eu, “Meuˬ laꞈ kʼoeˇ uiˬ leˇ taˬ-euˬ tsawˇ haˬ deuˬ naˇ haˬ yawˬ.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

1 Teˇsaˬloˇni 3:3

Kʼehˬ-eu kʼaˆ-eu heu jeˬ baˬ da neh jah-eu jeˬ-ahˇ naw maꞈ maˬ ya byehˇ dzeh-eu gʼaˇ duˬ bi laˇ-euˬ ma. Kʼehˬ-eu kʼaˆ-eu jeˬ-ahˇ aˬ dui ya daˬ-eu heu-aˬ, Miˬyehˇ nui ma tsaˬ-eu tiˬ jehˬ meh lehˇ naw maꞈ siˬ nya meh.

1 Teˇsaˬloˇni 5:9

Miˬyehˇ aˬ dui-ahˇ tseˇ doˆ-euˬ-aˬ, aˬ yawꞈ-euˬ nui ma pehˇ-eu jeˬ-ahˇ bi daˬ-eu gʼaˇ duˬ maˬ ngeuˇ-a. Aˬ dui-euˬ Sahˬpaˬ Yeˬsuˇ Ka li baˬ da neh ka kʼoꞈ-eu jeˬ bi za-eu lehˇ tseˇ doˆ-euˬ meh.

1 Beˬtuˆluˆ 2:8

Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ jaˆ-eu meh. “Tsawˇ haˬ zaˬ sahˬ tiꞈ bi tiꞈ-awˇ, bi coˬ dzeh-iˇ-eu kʼaˬ lo meh.” Miˬyehˇ dawˬ kawˬ-ahˇ aˬ yawꞈ maꞈ maˬ jah-eu baˬ da neh, aˬ yawꞈ maꞈ sahˬ tiˬ tiꞈ-eu meh. A yawꞈ maꞈ sahˬ tiˬ tiꞈ-eu kʼoeˇ-aˬ, Miˬyehˇ aˇ hu ba neh lehˬ hmˬ taˬ-euˬ jeˬ pyeuꞈ-eu meh.