Yawˇbaˆ 21:5 - Akha

⁵ Ngaˬ-ahˇ haw sheˇ. Naw maꞈ dawˬ maˬ ngehˬ doˆ nya ni tsoˆ leˇ jiˇ paˬ-ehˇ maˬ gʼeh nya loˇ.

Yawˇbaˆ 21:5 Iomraidhean Croise

Yawˇbaˆ 13:5

Naw maꞈ tiˬ jeˬ-iˬ maˬ ehˇ ni jawˇ naˇ, tsawˇ gahˇ ahˇ-eu tsawˇ haˬ nga lehˇ tiˬ gʼaˬ na noeˬ tehꞈ-a.

Yawˇbaˆ 17:8

Yawˬ haˇ yawˬ ha yaw sui yaw dawˇ ma lehˇ ehˇ-eu deuˬ tsawˬ guˆ-iˇ-awˇ, aˬ yawꞈ maꞈ dawˬ tawˆ luꞈ ngaˬ-ahˇ miˬ yehˇ maˬ baw-eu tsawˇ haˬ nga lehˇ ja bu ja doeˇ-eu meh.

Yawˇbaˆ 2:12

Aˬ yawꞈ maꞈ maˬ iˇ keuˆ mi naˆ-ehˇ, ui cuiˆ gaˇ mahˇ kaˬ ngeh neh Yawˇbaˆ-ahˇ ya mawˇ-euˬ kʼawꞈ, maˬ haw siˬ nya-a. Yawˇbaˆ-ahˇ haw siˬ ngeh jawˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, kʼoeˇ taˆ paw kʼaˬ lehˇ byaˆ byaˆ-ehˇ yawˬ ha-euˬ uˬ duˬ-ahˇ byaˆ daˆ-awˇ, guˇ guˇ-ehˇ ngoeˇ-euˬ meh.

Yawˇbaˆ 29:9

Aˬ yuiꞈ aˬ tsu deuˬ dawˬ ja ja-eu naˬ leˇ-awˇ,

Yawˇbaˆ 40:4

“Sahˬpaˬ Miˬyehˇ-oˇ, ngaˇ siˬ-eu nya-eu tsawˇ haˬ maˬ ngeuˇ. Ngaˇ nawˬ-ahˇ aˬ jeˬ paˇ ehˇ kʼoꞈ nya nmˇ. Ngaˇ tiˬ jeˬ-iˬ leh jeh-awˇ maˬ paˇ ehˇ ma.

Jaceuq 39:9

Ngaˬ-euˬshaˬzahˬnaꞈ-eu heu-aˬ, nawˬneh jahˇnehˬlaꞈ-euˬmiˇneh, dawˬmaˬngehˬni ciˬcuˇjawˇma.

Dawqdaq 30:32

Nawˇ aˬ dzawˬ aˇ gah gah-awˇ nui ma huiˬ-eu laꞈ kʼoeˇ yaw haiˬ jeˬ mˇ luꞈ naˇ, gʼaˬ naˬ naˬ-awˇ shaˇ noeˬ-awˬ.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Aˬmoˆ 5:13

Kʼoeˇ miˇ neh, heu loꞈ-ehˇ gʼeh-eu haiˬ-eu aˇ yamˬ laꞈ kʼoeˇ tiˬ jeˬ-iˬ maˬ ngehˬ maˬ tmˇ ni ciˬ cuˇ ni jawˇ-eu-aˬ, muiˬ dzehˬ meh.

Miˇkaˬ 7:16

Aˬ cawˬ tsawˇ jeuˬ deuˬ gʼaˬ kʼaˆ dui dui kʼawꞈ, kʼoeˇ loꞈ-ehˇ mˇ mehˬ nehˬ ngeh nui ma gʼaˬ baˬ dui dui-iˇ tehꞈ-a. Aˬ yawꞈ maꞈ zahˬ leˇ jiˇ-awˇ, kʼaˬ meh hawˇ-eu naˬ bawˇ dehˬ kaˬ tehꞈ-a.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Yaˇ kʼaˬ daˇ 18:19

Aˬ yawꞈ maꞈ ehˇ-eu, “Dawˬ tiˬ dawˬ-iˬ maˬ ngeh ni aˬ ciˇ cu ni jawˇ-awˬ. Nga maꞈ nehˬ-ehˇ oe-awˇ, nga maꞈ-ahˇ nui noeˬ nui duˇ biꞈ-awˇ, nga maꞈ-euˬ piˇ ma geuꞈ le-awˬ. Tsawˇ haˬ tiˬ pehˬ zaˬ-euˬ piˇ ma geuꞈ-eu naˆ maˬ tseˇ, Iˇsaˬleˬlaˆ tsawˇ jeuˬ tiˬ jeuˬ kʼoeˇ taˆ piˇ ma maˬ geuꞈ mawꞈ nya loˇ.”