Yawˇbaˆ 21:2 - Akha

² “Ngaˇ ehˇ gaˇ yaw muiˬ-ehˇ naˇ haˬ sheˇ. Ngaˇ nui ma saˇ laˇ ni ngaˇ ehˇ gaˇ naˇ haˬ nehˬ laꞈ-awˬ lehˇ naw maꞈ-ahˇ ngaˇ shaˇ-eu ma.

Yawˇbaˆ 21:2 Iomraidhean Croise

Yawˇbaˆ 13:17

Nymˬ-mˇ ngaˇ ngehˬ-eu dawˬ-ahˇ, naw maꞈ naˬ bawˇ ciˬ kʼmˇ-awˇ naˇ haˬ sheˇ.

Yawˇbaˆ 13:6

Ngaˬ-euˬ gaˇ kawˆ ngaˇ ja ngeh, ngaˬ-euˬ nui noeˬ-ahˇ naˇ haˬ sheˇ.

Yawˇbaˆ 15:11

“Miˬyehˇ nawˬ-ahˇ gʼawˬ shaˬ gaˬ nehˬ laꞈ gaˇ, nawˇ aˬ jeˬ gʼeh maˬ ha geuꞈ te. Aˬ yawꞈ dawˬ nahˬ yu ni ngehˬ gaˇ, nawˇ aˬ jeˬ gʼeh maˬ naˇ haˬ te.

Yawˇbaˆ 16:2

“Teu loꞈ-ehˇ gʼeh-eu dawˬ ngaˇ gaˬ haw-euˬ ma. Naw maꞈ ngaˬ-ahˇ gʼaˬ biꞈ-eu dawˬ teu, ngaˬ-ahˇ ciˬ pi-eu dawˬ-ahˇ duˇ nya.

Yawˇbaˆ 18:2

“Yawˇbaˆ-oˇ, nawˇ loꞈ-ehˇ gʼeh-eu tsawˇ haˬ ciˬ cuˇ ni maˬ jawˇ nya ta loˇ. Nawˇ ciˬ cuˇ ni naˬ leˇ naˇ, nga maꞈ nawˬ-ahˇ paˇ ngehˬ cawˬ nya tehꞈ-a.

Yawˇbaˆ 21:1

Kʼoeˇ naˇ, Yawˇbaˆ ehˇ-eu,

Yawˇbaˆ 21:3

Ngaˬ-ahˇ dawˬ ngehˬ-eu aˇ yamˬ tiˬ kʼehˬ biꞈ laꞈ-awˇ, ngaˇ dawˬ ngehˬ gʼaˬ naˇ naw maꞈ ngaˬ-ahˇ kʼaˇ naˬ gʼa mawꞈ-eu loꞈ-ehˇ naˬ gʼa-awˬ.

Yawˇbaˆ 33:1

Yawˇbaˆ-oˇ, nymˬ-mˇ ngaˇ kʼaˇ ngehˬ kʼaˇ tmˇ-eu jeˬ-ahˇ yaw muiˬ paˬ-ehˇ naˇ haˬ-awˬ.

Yawˇbaˆ 34:2

“Naw maꞈ siˬ-eu gahˇ-eu tsawˇ haˬ deuˬ, nymˬ-mˇ ngaˇ ehˇ gaˇ naˇ haˬ-awˬ.

Iˇsaˬyaˇ 55:2

Dzaˬ-eu jeˬ maˬ ngeuˇ-eu gʼaˇ duˬ, aˬ jeˬ miˇ neh pyuˇ zmˬ dzeh te. Uˬ maˆ maˬ dehˆ-eu jeˬ gʼaˇ duˬ, aˬ jeˬ miˇ neh gʼaˬ gaˇ poeˬ zmˬ dzeh te. Ngaˬ-euˬ dawˬ-ahˇ naˇ haˬ geuꞈ-awˇ, gaˇ dahˇ tsoeˬ-eu jeˬ-ahˇ dzaˬ-awˬ. Kuiˇ-eu dzaˇ muiˬ naw maꞈ dzaˬ ngeh, naw maꞈ nui ma tmˬ jawˆ ni jaˆ tehꞈ-a.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

Yaˇ kʼaˬ daˇ 9:7

Gaˇ kawˆ kʼoeˇ Yoˇdamˬ ya gaˬ ngeh, Geˬlaˬzmˬ gawˬ jawˬ uˬ du daˆ leˇ-awˇ, aˬ yawꞈ maꞈ-ahˇ heu loꞈ-ehˇ guˇ gaˬ nehˬ-euˬ meh. “Sheˬkmˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ dawˬ-ahˇ Miˬyehˇ naˇ haˬ ni, ngaˇ ehˇ gaˇ naw maꞈ naˇ haˬ sheˇ.