Yawˇbaˆ 21:15 - Akha

¹⁵ Miˬyehˇ-euˬ nui kʼahˇ mˇ-eu maˬ loˬ-ehˇ, aˬ yawꞈ-ahˇ guiˬ lahˬ shaˇ-eu gaˇ dahˇ maˬ tsoeˬ-a lehˇ aˬ yawꞈ maꞈ noeˬ luꞈ meh.

Yawˇbaˆ 21:15 Iomraidhean Croise

Yawˇbaˆ 22:17

Tsawˇ haˬ heu deuˬ Miˬyehˇ-ahˇ maˬ ha geuꞈ-ehˇ, aˬ yawꞈ maꞈ-ahˇ Miˬyehˇ tiˬ jeˬ-iˬ maˬ jahˇ laˇ nya-a lehˇ jah-eu meh.

Yawˇbaˆ 22:3

Nawˇ yaw tsaˬ yaw dawˇ dawˇ-ehˇ dehꞈ gaˇ Miˬyehˇ nui kʼahˇ shiˇ tehꞈ-a loˇ. Nawˇ yaw muiˬ yaw jaˬ jeˬ mˇ-eu aˬ yawꞈ gʼaˇ duˬ gaˇ dahˇ tsoeˬ tehꞈ-a loˇ.

Yawˇbaˆ 34:9

Miˬyehˇ nui ma tsaˬ-eu jeˬ-ahˇ caw teh-awˇ mˇ-eu tiˬ jeˬ-iˬ gaˇ dahˇ maˬ tsoeˬ-a lehˇ aˬ yawꞈ ehˇ-eu meh.

Yawˇbaˆ 35:3

‘Ngaˬ-euˬ iˬ baˇ nawˬ-ahˇ aˬ jeˬ coeˬ ta’ lehˇ hawˇ-eu, ‘Iˬ baˇ maˬ mˇ-euˬ baˬ da neh ngaˇ aˬ jeˬ za ta’ lehˇ, Miˬyehˇ-ahˇ nawˇ ehˇ-eu maˬ tsaˬ-a.

Jaceuq 12:4

“Kʼaˇmawꞈ-eu jeˬja geuꞈnya ma. Kʼaˇngehˬmawꞈ-eu jeˬngehˬ-eu ma. aˬsuˇgʼaˬlaˆtsoeˬnya ta” lehˇ, aˬyawꞈmaꞈnui ma huiˬ-eu meh.

Jaceuq 73:13

Toˆ-ehˇ ngeuˇ naˇ, ngaˇ iˬ baˇ maˬ pi yaw muiˬ yaw shawˇ shawˇ-ehˇ dehꞈ-eu, aˬ jeˬ gaˇ dahˇ tsoeˬ ta.

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Iˇsaˬyaˇ 30:11

“Nga maꞈ cah-eu gaˇ ma-ahˇ taˬ laˆ tsoeˬ Iˇsaˬleˬlaˆ-euˬ muiˬ-eu shawˇ-eu Miˬyehˇ gaˇ kawˆ, nga maꞈ maˬ gaˬ mawꞈ nya” lehˇ ehˇ-eu meh.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Maꞈtehˬ 7:7

“Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Yoˇhaˬ 16:24

Iˬ nah keuˆ ni, ngaˬ-euˬ tsawˇ myahˇ laꞈ kʼoeˇ naw maꞈ tiˬ jeˬ-iˬ maˬ shaˇ-aˬ siˬ. Naw maꞈ laˬ kʼaˬ cehˇ-eu jeˬ tiˬ byah tiˬ loꞈ za ni shaˇ-awˬ. Shaˇ naˇ za tehꞈ-a.”