Yawˇbaˆ 2:4 - Akha

⁴ Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Yawˇbaˆ 2:4 Iomraidhean Croise

Aˇ dahˬ 47:17

Kʼoeˇ naˇ, miˇ kʼahˬ zaˬ deuˬ yawˬ ha-euˬ mahˬ, yawˇ, ciꞈ myehꞈ, mawˇ neˇ, mahˬ tahˬ laˆ deuˬ teh leꞈ-awˇ, Yoˇsehˆ jawˇ gaˇ cehˇ paˇ dzaˬ le-euˬ meh. Aˬ yawꞈ maꞈ-euˬ jeˬ zaˬ kʼoeˇ deuˬ-ahˇ cehˇ neh paˇ nehˬ-awˇ, kʼoeˇ ngeh kʼoꞈ, kʼoꞈ bi dehꞈ doˆ-euˬ meh.

Aˇ dahˬ 47:19

Nga maꞈ-ahˇ maˬ bi shiˇ nehˬ laꞈ ni, nga maꞈ gʼaˇ duˬ tiˬ jeˬ paˬ paˇ shaˇ noeˬ neh laꞈ-awˬ. Nga maꞈ-euˬ deh yaˇ deuˬ kʼawꞈ yawˬ ngehꞈ-ehˇ taˬ paˇ bi jaˆ cawˆ nehˬ laꞈ. Nga maꞈ-euˬ gʼawˇ mawˇ hawˇ-eu nga maꞈ-euˬ deh yaˇ deuˬ-ahˇ, cehˇ neh paˇ nehˬ laꞈ-awˬ. Nga maꞈ sahˬ paˬ-euˬ zaˬ kʼaˆ geuꞈ jiˇ-awˇ, nga maꞈ-euˬ deh yaˇ deuˬ kʼawꞈ, sahˬ paˬ-ahˇ biꞈ jiˇ ma. Nga maꞈ yaw dehꞈ ya dehꞈ ni cehˇ biꞈ nehˬ laꞈ-awˇ, nga maꞈ deh yaˇ tsehˬ dzaˬ nya ni cehˇ siˬ yoeˬ kʼawꞈ biꞈ nehˬ laꞈ-awˬ.”

1 Sahˬpaˬ 20:31

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ aˬ yawꞈ jawˇ gaˇ iˇ-awˇ ehˇ-eu, “Iˇsaˬleˬlaˆ sahˬ paˬ deuˬ gʼawˬ shaˬ gaˬ-eu siˬ nya meh lehˇ ehˇ-eu nga maꞈ gaˬ haw-euˬ ma. Nga maꞈ-euˬ joꞈ-ahˇ guˬ daˇ pehˇ zeuˇ dm-awˇ, nga maꞈ-euˬ kawˬ lahˇ-ahˇ aˇ caˆ sheu lahˇ-awˇ, Iˇsaˬleˬlaˆ sahˬ paˬ jawˇ gaˇ bi le laꞈ-awˬ. Aˬ yawꞈ nawˬ-ahˇ maˬ sehꞈ ni taˬ nehˬ laꞈ-eu baw tehꞈ-a.”

Yawˇbaˆ 2:3

Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 2:5

Ehˇ kʼawꞈ, nymˬ-mˇ nawˇ aˬ yawꞈ-euˬ gʼawˇ mawˇ-ahˇ laˆ tahˬ laˆ naˇ nehˬ law nmˇ-aˬ, nawˬ-euˬ myaˆ kʼeh tuˆ ni aˬ yawꞈ nawˬ-ahˇ yaˬ kʼehˇ yaˬ tehꞈ-a.”

Dawqdaq 13:8

Smˇ muiˬ deuˬ pyuˇ shuiˇ neh uˬ kʼawˇ ya shaˬ piˇ kʼawꞈ, iˇ shaˬ zaˬ-ahˇ muiˇ-eu gʼaˬ maˬ jawˇ-a.

Yeˬlaˬmiˇ 41:8

Ehˇ kʼawꞈ, tsawˇ haˬ kʼoeˇ deuˬ laꞈ kʼoeˇ tseˇ gʼaˬ-aˬ, “Nga maꞈ-ahˇ taˬ sehꞈ nehˬ laꞈ. Nga maꞈ cehˇ, lawˬ loeˇ, saˬ loˬ tsiˇ, hawˇ-eu byaˬ byaˬ uiˇ deuˬ deh yaˇ-ahˇ laˆ zaꞈ taˬ-awˇ jaˆ ma” lehˇ ehˇ-eu miˇ neh, maˬ sehꞈ ni byehˇ nehˬ-euˬ meh.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 6:25

“Kʼoeˇ miˇ neh, naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, naw maꞈ-euˬ gʼawˇ mawˇ gʼaˇ duˬ aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ. Yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu maˬ ngeuˇ-a loˇ.

Luˇkaꞈ 12:23

Aˬ jeˬ miˇ neh ehˇ naˇ, yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu meh.

Yawˇshuˆ 9:24

Aˬ yawꞈ maꞈ ehˇ-eu, “Miˇ kʼahˬ heu kʼahˬ kʼahˬ lahˬ ni naw maꞈ-ahˇ biꞈ-awˇ, naw maꞈ laˇ uˇ-eu nehˬ-ehˇ miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-ahˇ sehꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ dawˬ biꞈ taˬ-euˬ aˬ diˇ aˬ maˇ ngeuˇ meh lehˇ nga maꞈ ya siˬ duˬ-euˬ miˇ neh, kʼoeˇ loꞈ-ehˇ mˇ-euˬ ma. Naw maꞈ-ahˇ nga maꞈ guˆ dui dui-awˇ, nga maꞈ ya shiˇ gaˇ kʼahˬ lahˇ-eu miˇ neh, kʼoeˇ loꞈ-ehˇ mˇ-euˬ ma.