Yawˇbaˆ 2:3 - Akha

³ Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 2:3 Iomraidhean Croise

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

2 Saˬmeuˬlaˆ 20:20

Yoˇbaˬ ehˇ-eu, “Kʼoeˇ loꞈ-ehˇ jahˇ-eu lehˇ maˬ ngeuˇ. Naw maꞈ-euˬ meuˬ heu cawˆ-iˇ-awˇ, bi luˬ bi seˇ-iˇ ni ngaˇ tiˬ jawˇ-iˬ maˬ mˇ.

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Yawˇbaˆ 1:11

Ehˇ kʼawꞈ, nymˬ-mˇ aˬ yawꞈ kʼaˇ jaˆ-eu yawˬ jeˬ na luꞈ nawˇ yuˇ kʼoꞈ nehˬ jiˇ law nmˇ-aˬ, nawˬ-euˬ myaˆ kʼeh tuˆ ni aˬ yawꞈ nawˬ-ahˇ yaˬ kʼehˇ yaˬ tehꞈ-a.”

Yawˇbaˆ 1:6

Mˬ taˆ gʼaˬ kʼehˇ deuˬ Sahˬpaˬ Miˬyehˇ jawˇ gaˇ ya uiˬ laˇ-eu aˇ nah keuˆ laˇ ngeh, nehꞈ Saˬdaˬ gʼaˬ kʼawꞈ laˇ taˬ-euˬ meh.

Yawˇbaˆ 1:8

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ Yawˇbaˆ-ahˇ nawˇ siˬ nya ma loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh.”

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Yawˇbaˆ 2:2

“Nawˇ aˬ gaˇ iˇ teˬ” lehˇ Saˬdaˬ-ahˇ Sahˬpaˬ Miˬyehˇ naˇ haˬ ngeh, “Miˇ tsaˬ tahˬ kʼawˇ doe ni cah cah-ehˇ jawˇ luꞈ-eu ma” lehˇ Saˬdaˬ ehˇ-eu meh.

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Yawˇbaˆ 9:17

Ngaˇ tiˬ jeˬ-iˬ jahˇ taˬ-euˬ maˬ jaˆ gaˇ, aˬ yawꞈ jaˬ lehˇ lehˇ ma pyehˬ gʼeh leꞈ-awˇ, ngaˬ-ahˇ laˆ tahˬ laˆ naˇ nehˬ laꞈ-euˬ meh.

Yawˇbaˆ 9:20

Ngaˇ-aˬ, iˬ baˇ maˬ mˇ-ehˇ saˇ jaˇ ziꞈ-eu tsawˇ haˬ pyeuꞈ kʼawꞈ, ngaˬ-euˬ dawˬ bahˬ leˇ-euˬ meh. Ngaˇ kʼaˇ ngehˬ kʼaˇ tmˇ-eu yawˬ jeˬ na luꞈ ngaˬ-euˬ kʼoeˇ taˆ yaw lehˬ yaw ca bi keuˆ le gaˇ duˇ-eu meh.

Jaceuq 26:1

Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

Jaceuq 37:37

Tsawˇshawˇtiˬgʼaˬ-ahˇnoeˬtaˬ-awˇ, tsawˇmuiˬtiˬgʼaˬ-ahˇhaw taˬ-awˬ. tsaˬleˇdzoeˇleˇ-eu tsawˇhaˬdeuˬ, zaˬoeˬsahˇgaˇya mawˇtehꞈ-a.

Jaceuq 41:12

Ngaˇyaw muiˬjeˬmˇ-eu miˇneh, nawˇngaˬ-ahˇcaw ba le tehꞈ-a. mˬmaˬmaˬbyaˆzaˇziˇngaˬ-ahˇ, nawˬ-euˬmehˬshi bi jawˇlaꞈ-awˬ.

Dawqdaq 11:8

Yaw tsaˬ yaw dawˇ deuˬ guˆ-eu gaˆ-eu jeˬ-ahˇ ya dzeuˇ-iˇ kʼawꞈ, haiˬ-eu tsawˇ haˬ deuˬ maˬ dzeuˇ-iˇ nya-a.

Dawqdaq 13:6

Muiˬ-eu jaˬ-eu tsawˇ haˬ yaw tsaˬ yaw dawˇ jeˬ neh bi ciˬ tuˇ-awˇ, haiˬ-eu tsawˇ haˬ iˬ baˇ neh bi nawˬ lah-eu meh.

Dawqdaq 14:2

Yaw sui yaw dawˇ deuˬ Sahˬpaˬ Miˬyehˇ-ahˇ guˆ-awˇ, maˬ sui maˬ dawˇ-eu deuˬ aˬ yawꞈ-ahˇ yaw zeu maˬ baw-a.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 16:17

Tsawˇ muiˬ-euˬ gaˇ jawˬ yaw haiˬ-ahˇ gaˇ jaw jaw-awˇ, yawˬ ha gaˇ ma yawˬ ha yahˇ-awˇ cah naˇ, yawˬ ha-euˬ saꞈ laˇ-ahˇ haw piˇ gaˇ duˇ-eu meh.

Yoˇhaˬ 9:3

Yeˬ suˇ ehˇ-eu, “Aˬ yawꞈ myaˆ behꞈ behꞈ-eu kʼoeˇ-aˬ, aˬ yawꞈ-euˬ iˬ baˇ baˬ da neh maˬ ngeuˇ-a. Aˬ da aˬ ma euˬ iˬ baˇ baˬ da neh kʼawꞈ maˬ ngeuˇ-a. Miˬyehˇ tehꞈ-ehˇ mˇ nya-eu zahˬ leˇ paˬ-ehˇ gʼeh-eu jeˬ-ahˇ aˬ cawˬ ya mawˇ ni aˬ yawꞈ myaˆ behꞈ behꞈ-eu jeˬ pyeuꞈ-eu meh.

Piˇliˇpiˆ 3:12

Ngaˇ heu loꞈ-ehˇ ehˇ-eu-aˬ, nymˬ-mˇ za gʼaˬ-euˬ ma lehˇ ehˇ-eu maˬ ngeuˇ. Byah laˇ gʼaˬ-euˬ ma lehˇ ehˇ-eu kʼawꞈ maˬ ngeuˇ. Yeˬsuˇ Ka li neh ngaˬ-ahˇ aˬ yawꞈ-euˬ tsawˇ haˬ bi pyeuꞈ laˇ-euˬ loꞈ-ehˇ, laꞈ sawˬ kʼoeˇ-ahˇ ngaˇ za nya ni leh jeh luꞈ-eu ma.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.