Yawˇbaˆ 2:12 - Akha

¹² Aˬ yawꞈ maꞈ maˬ iˇ keuˆ mi naˆ-ehˇ, ui cuiˆ gaˇ mahˇ kaˬ ngeh neh Yawˇbaˆ-ahˇ ya mawˇ-euˬ kʼawꞈ, maˬ haw siˬ nya-a. Yawˇbaˆ-ahˇ haw siˬ ngeh jawˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, kʼoeˇ taˆ paw kʼaˬ lehˇ byaˆ byaˆ-ehˇ yawˬ ha-euˬ uˬ duˬ-ahˇ byaˆ daˆ-awˇ, guˇ guˇ-ehˇ ngoeˇ-euˬ meh.

Yawˇbaˆ 2:12 Iomraidhean Croise

Aˇ dahˬ 27:34

Dawˬ kʼoeˇ dawˬ-ahˇ Iˇsawˇ ya gaˬ ngeh, nui ma naˇ dui dui-eu laꞈ kʼoeˇ yaw kʼaˆ-ehˇ guˇ guˇ-ehˇ ngoeˇ-awˇ, “Aˬ da-oˇ, ngaˬ-ahˇ kʼawꞈ dawˬ ngehˬ gʼeh nehˬ laꞈ-awˬ.”

2 Saˬmeuˬlaˆ 13:36

Aˬ yawꞈ kʼoeˇ loꞈ-ehˇ ehˇ gʼaˬ-euˬ tiˬ dehˬ, Daˬbiˇ-euˬ aˬ li deuˬ gʼoꞈ uˇ le-euˬ meh. Aˬ yawꞈ maꞈ ngoeˇ-awˇ, Daˬbiˇ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ kʼawꞈ, yaw kʼaˆ-ehˇ ngoeˇ-euˬ meh.

Eˇzaˬlaˬ 9:3

Gaˇ kawˆ kʼoeˇ ngaˇ ya gaˬ ngeh, nui ma cawˆ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, uˬ duˬ tsehˇ kahˇ hawˇ-eu mehˬ mahˬ gʼawˇ doˆ-awˇ dzuˇ-euˬ ma.

Neˬhaˬmiˇ 9:1

Ba la kʼoeˇ siˬ nyiˬ tseˇ oeˬ nah tiˬ nah-ahˇ Iˇsaˬleˬlaˆ tsawˇ haˬ deuˬ maˬ dzaˬ maˬ dawˇ ni tiˬ gaˇ uiˬ leˇ-awˇ, aˬ yawꞈ maꞈ noeˬ shaˬ dui dui-eu jeˬ bi siˬ bi mawˇ-eu gʼaˇ duˬ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, yawˬ ha-euˬ uˬ duˬ-ahˇ kʼaˬ lehˇ tawˆ daˆ-euˬ meh.

Iˇsaˬtaˆ 4:1

Pyeuꞈ laˇ-euˬ gaˇ kawˆ kʼoeˇ deuˬ dawˬ tawˆ luꞈ-ahˇ Mawˬdaˬkehˇ ya siˬ ngeh, noeˬ shaˬ noeˬ zahˬ-eu laꞈ kʼoeˇ aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh. Kʼoeˇ naˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ-awˇ, meuˬ gʼahˇ lahˇ ceh ngoeˇ ngoeˇ-ahˇ cah-euˬ meh.

Yawˇbaˆ 1:20

Kʼoeˇ ngeh, Yawˇbaˆ tsawˬ tuˇ laˇ-awˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-euˬ meh. Aˬ yawꞈ uˬ jehˆ jehˆ dzeh-awˇ, miˇ tsaˬ-ahˇ moꞈ tsahˬ-ehˇ yuꞈ-euˬ meh.

Yawˇbaˆ 19:14

Ngaˬ-euˬ aˬ yuiꞈ aˬ nyiˇ deuˬ hawˇ-eu cawˬ deuˬ maˬ paˇ jawˇ ma.

Ngoeˇ dawˬ 2:10

Ziˇoˬ meuˬ-euˬ tsawˇ mawˬ tsawˇ kʼaˆ, uˬ duˬ kʼaˬ lehˇ jehˆ daˆ taˬ-awˇ, guˬ daˇ pehˇ zeuˇ mehˬ tsoeˬ dm-awˇ, miˇ tsa ciˬ cuˇ ni dzuˇ-eu meh. Ziˇoˬ-euˬ aˬ buˇ miˬ daꞈ deuˬ, miˇ tsa uˬ duˬ tahˬ moꞈ-eu meh.

Yeˬsaˬgeˬlaˇ 27:30

Uˬ duˬ-ahˇ kʼaˬ lehˇ tawˆ daˆ-awˇ, kʼaˬ lehˇ tsahˬ-ahˇ mahˬ poˆ poˆ-awˇ, nawˬ-euˬ gʼaˇ duˬ aˬ yawꞈ maꞈ neh, tsawˇ ngoeˇ ngoeˇ dui dui nehˬ-eu meh.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

Panmaeq 18:19

Aˬ yawꞈ maꞈ uˬ duˬ-ahˇ kʼaˬ lehˇ tawˆ daˆ-awˇ, heu loꞈ-ehˇ dawˬ kawˬ kawˬ-awˇ ngoeˇ-eu meh. Aˬ huˇ-i, huiˬ-eu meuˬ-ahˇ haw sheˇ. Aˬ yawꞈ pyuˇ shuiˇ byehˬ-euˬ miˇ neh, laˆ shaˆ saˇ baoˬ kʼaˇ jaˆ-euˬ deuˬ, q3 smˇ muiˬ muiˬ laˇ-euˬ meh. Ehˇ kʼawꞈ naˬ liˬ tiˬ laꞈ laꞈ kʼoeˇ, aˬ yawꞈ piˬ le byoˆ le-euˬ meh.

Yaˇ kʼaˬ daˇ 2:4

Mˬ taˆ gʼaˬ kʼehˇ kʼoeˇ gʼaˬ kʼoeˇ loꞈ-ehˇ ehˇ gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ ngoeˇ-eu meh.

1 Saˬmeuˬlaˆ 11:4

Dawˬ tsaꞈ tsaꞈ le-euˬ tsawˇ haˬ deuˬ, Sawˇluˆ jawˇ-eu Giˇbyaˬ meuˬ-ahˇ oe keuˆ-awˇ gaˇ kawˆ kʼoeˇ dzawˇ nehˬ ngeh, kʼoeˇ gaˇ jawˇ-eu tsawˇ haˬ deuˬ noeˬ shaˬ dui dui-eu laꞈ kʼoeˇ ngoeˇ-eu meh.

1 Saˬmeuˬlaˆ 30:4

Kʼoeˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ, gʼaˬ ngoeˇ jiˇ ngeh keuˆ ni maˬ naˬ leˇ ni ngoeˇ-euˬ meh.

1 Saˬmeuˬlaˆ 4:12

Beˬyaˬmiˬ tsawˇ jeuˬ tiˬ gʼaˬ, guiˇ deuˆ duˬ-ahˇ neh Shiˇloˬ meuˬ-ahˇ keuˆ ni maˬ naˬ leˇ ni cehˆ-awˇ, tiˬ nah laꞈ kʼoeˇ tehꞈ-ehˇ cehˆ keuˆ-euˬ meh. Aˬ yawꞈ noeˬ shaˬ dui dui-eu gaˇ kawˆ aˬ cawˬ bi siˬ-eu gʼaˇ duˬ, aˬ yawꞈ-euˬ mehˬ tsoeˬ cehˬ pyaˬ cehˬ shaˇ-awˇ, aˬ yawꞈ-euˬ uˬ duˬ-ahˇ shaˬ jehˆ baꞈ daˆ taˬ-euˬ meh.