Yawˇbaˆ 19:3 - Akha

³ Tiˬ poˆ saˇ-iˬ tiˬ poˆ naw maꞈ ngaˬ-ahˇ naˬ gʼa-awˇ, shaꞈ dawˇ maˬ baw ni ngaˬ-ahˇ cehꞈ lehꞈ ka niˇ gʼa-eu meh.

Yawˇbaˆ 19:3 Iomraidhean Croise

Aˇ dahˬ 31:7

Aˬ yawꞈ gʼaˇ duˬ kʼoeˇ naˆ ni ngaˇ mˇ nehˬ gʼaˬ-euˬ kʼawꞈ, aˬ yawꞈ ngaˬ-ahˇ jaˬ myawꞈ myawꞈ-awˇ, tseˇ poˆ keuˆ ni ngaˬ-euˬ gʼaˬ gaˇ aˇ poeˬ-ahˇ mehˇ shuiˇ shuiˇ dzaˬ-euˬ meh. Ehˇ kʼawꞈ, aˬ yawꞈ ngaˬ-ahˇ yehˬ bawˬ sehˇ lu-ehˇ maˬ ya jahˇ ni, Miˬyehˇ haw piˇ nehˬ laꞈ-euˬ meh.

Aˇ dahˬ 42:7

Aˬ yawꞈ maꞈ-ahˇ Yoˇsehˆ ya mawˇ ngeh, aˬ yawꞈ-euˬ aˇ doˆ deuˬ nga lehˇ tiˬ poˆ tehꞈ-ehˇ haw siˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ siˬ nya-eu geuꞈ-awˇ, dawˬ kʼaˆ ngehˬ-eu laꞈ kʼoeˇ, “Naw maꞈ aˬ gaˇ jawˇ-eu oe teˬ” lehˇ naˇ haˬ ngeh, “Nga maꞈ Kaˬnaˬ miˇ kʼahˬ-ahˇ jawˇ-eu, cehˇ zeuˇ dzaˬ le-euˬ ma” lehˇ aˬ ha mehˇ nmˇ ehˇ kʼoꞈ nehˬ-euˬ meh.

Neˬhaˬmiˇ 4:12

Nga maꞈ-ahˇ muiˇ-eu tsawˇ haˬ deuˬ nga maꞈ-ahˇ kʼoeˇ loꞈ-ehˇ jahˇ laˇ-eu lehˇ lehˬ hmˬ luꞈ-eu gaˇ kawˆ, muiˇ-eu tsawˇ haˬ kʼoeˇ deuˬ nehˬ-ehˇ jawˇ luꞈ-eu Yuˇdaˆ tsawˇ haˬ deuˬ tiˬ poˆ saˇ-iˬ tiˬ poˆ ehˇ gaˬ laˇ tehˇ tehˬ-eu meh.

Yawˇbaˆ 11:14

Nawˬ-euˬ nymˇ jiˇ laꞈ kʼoeˇ yaw haiˬ jeˬ hawˇ-eu yaw lehˬ jeˬ taˬ paˇ bi jaˆ.

Yawˇbaˆ 11:3

Yawˇbaˆ-oˇ, nawˬ-euˬ dawˬ teu deuˬ-ahˇ nga maꞈ maˬ ehˇ kʼoꞈ nya-a lehˇ nawˇ noeˬ te loˇ. Nawˇ aˬ jaꞈ jaꞈ haw-eu dawˬ-ahˇ nga maꞈ ciˬ cuˇ ni naˇ haˬ tehꞈ-a lehˇ noeˬ te loˇ.

Yawˇbaˆ 19:17

Ngaˇ saꞈ gʼawˇ-eu behꞈ laꞈ gaˇ, ngaˬ-euˬ miˬ zaˬ maˬ daˬ coeˇ-a. Ngaˬ-euˬ mehˇ nmˇ deuˬ kʼawꞈ, ngaˬ-euˬ dawˬ peh maˬ nyiˬ laˇ-a.

Yawˇbaˆ 19:2

“Aˬ jeˬ miˇ neh naw maꞈ ngaˬ-ahˇ dawˬ ngehˬ ngehˬ-awˇ maˬ tsehˆ leˇ ni kʼehˬ luꞈ kʼaˆ luꞈ te.

Yawˇbaˆ 19:4

Ngaˇ yaw lehˬ jeˬ mˇ-euˬ law hawˇ kʼawꞈ, naw maꞈ-ahˇ aˬ jeˬ coeˬ ta.

Yawˇbaˆ 20:3

Nawˇ ngaˬ-ahˇ bi coeˬ leˇ-eu dawˬ ngehˬ nehˬ laꞈ-euˬ meh. Ehˇ kʼawꞈ, nawˬ-ahˇ aˬ joˆ-ehˇ paˇ ya ehˇ kʼoꞈ-eu ngaˇ siˬ nya ma.

Jaceuq 69:8

Ngaˬ-euˬ mehˇ nmˇ deuˬ mehˬ shi boeˇ miˬ shi kʼaˬ loꞈ-ehˇ ngaˇ jawˇ-awˇ, ngaˬ-euˬ aˬ yuiꞈ aˬ nyiˇ deuˬ mehˬ shi boeˇ miˬ shi kʼaˬ loꞈ-ehˇ dehꞈ luꞈ-eu ma.

Daˬyeˬlaˇ 1:20

Sahˬ paˬ neh kʼaˇ naˇ haˬ-euˬ dawˬ deuˬ hawˇ-eu, zaˬ siˬ tsawˇ gahˇ kʼaˇ pyehˆ tseˇ haw-euˬ yawˬ jeˬ na luꞈ laꞈ kʼoeˇ, miˇ kʼahˬ kʼoeˇ kʼahˬ-ahˇ kʼaˇ jawˇ-eu nyiˇ paˬ shaˆ ma dawˬ tawˆ luꞈ naˆ maˬ tseˇ, aˬ ha oeˬ gʼaˬ tseˇ bymˇ nya dzehˬ gaˇ ya mawˇ-euˬ meh.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.