Yawˇbaˆ 19:22 - Akha

²² Miˬyehˇ ngaˬ-ahˇ kʼehˬ-eu loꞈ-ehˇ naw maꞈ aˬ jeˬ gʼeh paˇ ya kʼehˬ ta. Naw maꞈ ngaˬ-ahˇ maˬ kʼehˬ dehˆ nyaˬ siˬ loˇ.

Yawˇbaˆ 19:22 Iomraidhean Croise

Yawˇbaˆ 10:16

Ngaˇ tiˬ jeˬ paˬ mˇ pyeuꞈ-eu lehˇ gʼeh ngeh, aˇ laˬ jaˬ shiˇ loꞈ-ehˇ nawˇ ngaˬ-ahˇ teh le-awˇ, ngaˬ-ahˇ laˆ coeˬ laˆ ciˆ-eu gʼaˇ duˬ, kʼaˆ jeˬ-ehˇ gʼeh-eu jeˬ kʼawꞈ nawˇ mˇ-eu meh.

Yawˇbaˆ 13:24

“Aˬ jeˬ miˇ neh nawˬ-euˬ myaˆ pyawˬ ngaˬ-ahˇ maˬ bi mawˇ laꞈ te. Aˬ jeˬ miˇ neh muiˇ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ te.

Yawˇbaˆ 13:25

Nawˇ ngaˬ-ahˇ laˆ guˆ-eu lehˇ gʼeh te loˇ. Ngaˇ-aˬ, aˇ paꞈ tiˬ paꞈ maˬ tawˬ-eu tsawˇ haˬ ma. Nawˇ gʼo yoeˬ-ahˇ ceh gaˇ duˇ meh.

Yawˇbaˆ 16:11

Miˬyehˇ ngaˬ-ahˇ haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.

Yawˇbaˆ 19:28

Aˬ jeˬ miˇ neh ehˇ naˇ, ngaˬ-ahˇ aˬ joˆ-ehˇ kʼehˬ nmˇ lehˇ naw maꞈ ehˇ-awˇ, ngaˬ-ahˇ kʼehˬ-eu gaˇ ma poˆ luꞈ meh.

Yawˇbaˆ 19:6

Heu loꞈ-ehˇ pyeuꞈ laˇ ni mˇ-euˬ gʼaˬ Miˬyehˇ meh lehˇ, naw maꞈ-ahˇ maˬ siˬ laˇ nya loˇ. Ngaˇ bi paꞈ leˇ-eu lehˇ aˬ yawꞈ lahˇ ju kʼmˇ-euˬ maˬ ngeuˇ-a loˇ.

Yawˇbaˆ 2:5

Ehˇ kʼawꞈ, nymˬ-mˇ nawˇ aˬ yawꞈ-euˬ gʼawˇ mawˇ-ahˇ laˆ tahˬ laˆ naˇ nehˬ law nmˇ-aˬ, nawˬ-euˬ myaˆ kʼeh tuˆ ni aˬ yawꞈ nawˬ-ahˇ yaˬ kʼehˇ yaˬ tehꞈ-a.”

Yawˇbaˆ 30:21

Nawˇ ngaˬ-ahˇ tiˬ pawꞈ-iˬ gʼawˬ shaˬ maˬ gaˬ ni, nawˬ-euˬ baoˬ neh ngaˬ-ahˇ kʼehˬ nehˬ laꞈ-eu meh.

Yawˇbaˆ 31:31

Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

Jaceuq 69:26

Nawˬ neh kʼehˬ nehˬ-euˬ tsawˇ haˬ-ahˇ aˬ yawꞈ maꞈ paˇ kʼehˬ poˆ-awˇ, nawˬ neh laˆ tahˬ laˆ naˇ nehˬ-euˬ tsawˇ haˬ deuˬ-ahˇ aˬ yawꞈ maꞈ dawˬ doeˇ paˇ ciˬ pi nehˬ-eu meh.

Jaceuq 69:27

Aˬ yawꞈ maꞈ-ahˇ kʼehˬ nehˬ-eu uˬ taꞈ-ehˇ paˇ kʼehˬ nehˬ-awˇ, nawˬ-euˬ ka kʼoꞈ-eu jeˬ laꞈ kʼoeˇ aˬ yawꞈ maꞈ-ahˇ taˬ sawˇ ahˇ.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

Miˇkaˬ 3:3

Naw maꞈ ngaˬ-euˬ tsawˇ haˬ deuˬ-euˬ shaˬ jiˇ dzaˬ-euˬ meh. Naw maꞈ aˬ yawꞈ maꞈ-ahˇ baˆ kʼoˆ leuꞈ-awˇ, shaˬ yoeˬ kʼoˆ kʼehꞈ-awˇ, oeˬ lahˬ-ahˇ dawˆ ahˇ-awˇ caꞈ dzaˬ-eu shaˬ jiˇ deuˆ-eu loꞈ-ehˇ aˬ yawꞈ maꞈ-euˬ shaˬ jiˇ deuˆ-eu meh.