Yawˇbaˆ 19:14 - Akha

¹⁴ Ngaˬ-euˬ aˬ yuiꞈ aˬ nyiˇ deuˬ hawˇ-eu cawˬ deuˬ maˬ paˇ jawˇ ma.

Yawˇbaˆ 19:14 Iomraidhean Croise

Aˇ dahˬ 40:23

Ehˇ kʼawꞈ, aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu kʼoeˇ gʼaˬ-aˬ, Yoˇsehˆ-ahˇ maˬ paˇ noeˬ keuˆ-ehˇ, ngehˇ-awˇ jawˇ-euˬ meh.

2 Saˬmeuˬlaˆ 16:23

Aˇ nah aˇ yamˬ kʼoeˇ yamˬ-aˬ, Aˬhiˇtawˇpeˬlaˆ neh nui noeˬ nui duˇ kʼaˇ biꞈ-euˬ jeˬ-ahˇ, Miˬyehˇ-euˬ dawˬ loꞈ-ehˇ naˇ haˬ geuꞈ luꞈ-eu aˇ yamˬ meh. Daˬbiˇ hawˇ-eu Aˬbaˇsaˬloˬ aˬ ha nyaꞈ nyiˬ da zaˬ luꞈ, Aˬhiˇtawˇpeˬlaˆ-euˬ dawˬ-ahˇ maˬ leuˇ ni caw teh-euˬ meh.

Yawˇbaˆ 19:15

Ngaˬ-euˬ nymˇ-ahˇ daˬ yah geuꞈ haw-euˬ deuˬ ngaˬ-ahˇ ngehˇ jiˇ-awˇ, ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, maˬ siˬ maˬ suˇ-eu boeˇ miˬ siˬ kʼaˬ tiˬ gʼaˬ loꞈ-ehˇ ngaˬ-ahˇ sawˇ nehˬ laꞈ-euˬ meh.

Yawˇbaˆ 19:19

Ngaˇ gʼoeˇ dui dui-eu cawˬ deuˬ ngaˬ-ahˇ nui daˆ daˆ-awˇ, ngaˇ gaˬ dui dui-eu tsawˇ haˬ deuˬ ngaˬ-ahˇ byehˇ dzeh-euˬ meh.

Yawˇbaˆ 42:11

Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.

Jaceuq 31:12

Shiˇ-euˬdeuˬ-ahˇngehˇ-eu loꞈ-ehˇ, yawˬ gʼaˬna luꞈngaˬ-ahˇngehˇ-awˇ, oeˬlahˬlahˬpyehˬmaˬtawˬmiˇ-a.

Jaceuq 38:11

Maˇcuˬmaˇlu lu-eu miˇneh, cawˬyaw gʼoeˇdeuˬmaˬlaˇpeuˬ-ehˇ, ngaˬ-euˬnymˇkʼahˬzaˬ-ahˇkeuˆni, dawˬpeh maˬlaˇni yahˇ-eu meh.

Dawqdaq 18:24

Cawˬ kʼaˇ ngeuˇ-eu yaw gʼoeˇ maˬ ngeuˇ, cawˬ muiˬ mehˇ nmˇ maˬ tseˇ tawˬ-mˇ jeˇ.

Yeˬlaˬmiˇ 20:10

“Yawˬ gaˇ na luꞈ guˆ-eu gaˆ-eu jeˬ keuˆ le-euˬ gaˆ kawˆ, Sahˬ paˬ sahˬ ma deuˬ-ahˇ tsaꞈ gaˬ-iˇ kaˇ-euˇ” lehˇ, yawˬ gʼaˬ na luꞈ dawˬ saˆ saˆ kʼoeˬ luꞈ-eu ngaˇ gaˬ-euˬ ma. Ngaˇ gʼoeˇ dui dui-eu cawˬ deuˬ-ahˇ keuˆ ni, ngaˇ coˬ-iˇ gaˇ dawˬ luꞈ-eu meh. “Aˬ dui maꞈ aˬ yawꞈ-ahˇ tsawˇ gahˇ gahˇ-awˇ, aˬ yawꞈ-ahˇ kʼmˇ paꞈ-awˇ laꞈ poˆ poˆ kaˇ-euˇ” lehˇ, aˬ yawꞈ maꞈ ngaˬ-euˬ gaˇ kawˆ ja luꞈ meh.

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Maꞈtehˬ 10:21

“Mehˇ nmˇ yaw kaˬ tiˬ gʼaˬ tiˇ gʼaˬ bi shiˇ ni ahˬ dzaˬ-awˇ, aˬ da deuˬ kʼawꞈ zaˬ deuˬ-ahˇ kʼoeˇ loꞈ-ehˇ jahˇ nehˬ-eu jeˬ keuˆ le tehꞈ-a. Zaˬ deuˬ yawˬ ha-euˬ aˬ da aˬ ma bi shiˇ-eu jeˬ toˆ tehꞈ-a.

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.