Yawˇbaˆ 18:5 - Akha

⁵ Haiˬ-eu tsawˇ haˬ-euˬ yaw shehꞈ miˆ-iˇ tehꞈ-a. Miˬ dzaˬ miˬ lmˇ maˬ paˇ doˆ laˇ-ehˇ pyeuꞈ-iˇ tehꞈ-a.

Yawˇbaˆ 18:5 Iomraidhean Croise

Yawˇbaˆ 15:30

Kʼoeˇ naˇ yaw zahˇ laꞈ kʼoeˇ aˬ yawꞈ maˬ doˆ-iˇ nya-ehˇ ya shaˬ tehꞈ-a. Uˬ laꞈ deuˬ bi puiˆ sehꞈ jiˇ-awˇ, aˇ yehˆ deuˬ jaˬ lehˇ bi baw byoˆ jiˇ-euˬ aˇ bawˇ tiˬ bawˇ-ahˇ aˬ yawꞈ duˇ leˇ tehꞈ-a.

Yawˇbaˆ 18:4

Nawˇ nui ma pehˇ-eu teu-aˬ, yawˬ haˇ yawˬ ha coeˬ leˇ ni mˇ-eu tehꞈ nga. Nawˇ nui ma pehˇ-eu miˇ neh, miˇ tsaˬ tahˬ kʼawˇ heu cawˬ maˬ baw-ehˇ pyeuꞈ-iˇ tehꞈ-a loˇ. Nawˇ nui kʼahˇ bi shiˇ-eu lehˇ Miˬyehˇ gawˬ jawˬ deuˬ-ahˇ ciˬ jiˆ nehˬ laꞈ tehꞈ-a loˇ.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Yawˇbaˆ 21:17

Haiˬ-eu tsawˇ haˬ-euˬ tsiˇ kʼmˬ bi baw miˆ haw taˬ loˇ. Aˬ yawꞈ maꞈ tiˬ gʼaˬ na luˬ-iˇ seˇ-iˇ-eu jeˬ-ahˇ ya tahˬ puˬ haw taˬ loˇ. Haiˬ-eu tsawˇ haˬ-ahˇ Miˬyehˇ nui ma pehˇ-awˇ kʼehˬ nehˬ haw-euˬ jaˆ-awˇ,

Dawqdaq 13:9

Yaw tsaˬ yaw dawˇ deuˬ bya dui dui-eu tsiˇ kʼmˬ kʼmˬ ma-ahˇ duˇ-awˇ, yaw haiˬ deuˬ miˆ-iˇ luꞈ-eu tsiˇ du du zaˬ-ahˇ duˇ-eu meh.

Dawqdaq 20:20

Aˬ ma aˬ da-ahˇ yaˬ kʼehˇ yaˬ-eu tsawˇ haˬ, zahˇ tsui ni gʼeh ngeh tsiˇ kʼmˬ miˆ-iˇ tehꞈ-a.

Dawqdaq 21:4

Haiˬ-eu deuˬ-euˬ nui ma yaw huiˬ yaw mahˇ, iˬ baˇ huiˬ dui dui meh.

Dawqdaq 24:20

Maˬ tsaˬ maˬ dawˇ-eu tsawˇ haˬ yaw dehꞈ dehꞈ-eu uˬ duˬ duˬ leˇ kʼaˇ maˬ za-a. Noeˬ tmˬ duˬ tiˬ jeˬ-iˬ maˬ jaˆ-a. -30-

Dawqdaq 4:19

Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Iˇsaˬyaˇ 50:11

Aˬ cawˬ-ahˇ yaw cawˆ jeˬ mˇ-eu naw maꞈ dawˬ tawˆ, yawˬ ha cawˆ-iˇ ni mˇ luꞈ-eu tehꞈ meh. Kʼoeˇ loꞈ-ehˇ pyeuꞈ laˇ ni Sahˬpaˬ Miˬyehˇ jahˇ-awˇ, naw maꞈ-euˬ shaˬ zahˬ naꞈ dui dui tehꞈ-a.

Iˇsaˬyaˇ 57:20

Ehˇ kʼawꞈ, haiˬ-eu tsawˇ haˬ deuˬ-aˬ, iˇ luˆ dzeh-eu maˬ naˬ leˇ-ehˇ, yaw jawꞈ yaw laꞈ beuˬ poˆ doˆ-eu laˆ shaˆ loꞈ-ehˇ, tiˬ jawˇ-iˬ yaw saˇ maˬ oꞈ-a.

Yeˬsaˬgeˬlaˇ 32:7

Nawˬ-ahˇ ngaˇ laˆ cawˆ nehˬ ngeh nah, mˬ-ahˇ ngaˇ dehˬ kaˬ-eu laꞈ kʼoeˇ, aˬ guiˇ zahˇ tsui ni bi jaˆ ma. Nahˇ ma-ahˇ mˬ dmˇ dehˬ kaˬ-awˇ, ba la tsehˬ-eu bi naˬ leˇ ma.