Yawˇbaˆ 18:11 - Akha

¹¹ Guˆ-eu gaˆ-eu jeˬ aˬ yawꞈ-euˬ tiˬ jawˬ loꞈ luꞈ-awˇ aˬ yawꞈ kuiˇ toꞈ kʼaˇ ciˬ gaˇ caw teh luꞈ meh.

Yawˇbaˆ 18:11 Iomraidhean Croise

Yawˇbaˆ 15:21

Guˆ-eu gaˆ-eu teˇ saˇ aˬ yawꞈ-euˬ naˬ bawˇ-ahˇ ya gaˬ-awˇ, kʼahˬ lahˇ kʼaˇ maˬ za ma lehˇ noeˬ ngeh, tahˇ joe joe gaˇ ya daˬ tehꞈ-a.

Yawˇbaˆ 18:10

Miˇ tsaˬ-ahˇ caˆ kʼmˇ beuˬ pahˬ taˬ-awˇ, aˬ yawꞈ iˇ-eu gaˇ ma-ahˇ lahˇ ju kʼmˇ taˬ-euˬ meh.

Yawˇbaˆ 18:18

Dehꞈ-eu deuˬ jawˇ-eu miˇ kʼahˬ-ahˇ neh aˬ yawꞈ-ahˇ teh dzeh-awˇ, yaw shehꞈ bya gaˇ neh yaw zahˇ laꞈ kʼoeˇ bi teh uˇ tehꞈ-a.

Yawˇbaˆ 20:25

Kaˆ myaˬ neh aˬ yawꞈ-euˬ gʼawˇ mawˇ-ahˇ deh byoe-awˇ, guiˇ nyiˬ ni gʼeh-eu kaˆ myaˬ uˬ duˬ-ahˇ aˬ yawꞈ-euˬ shiˬ jaˆ ka-eu miˇ neh, aˬ yawꞈ guˆ dui dui-eu meh.

Yawˇbaˆ 20:8

Yuꞈ maˆ maˆ-eu hawˇ-eu uˬ ciꞈ paw yaw sahˇ laꞈ kʼoeˇ ya mawˇ-eu loꞈ-ehˇ, aˬ yawꞈ byoˆ kʼaꞈ-iˇ-awˇ, tiˬ jawˇ-iˬ maˬ paˇ ya mawˇ meh.

Yawˇbaˆ 22:10

Kʼoeˇ miˇ neh nymˬ-mˇ nawˬ-euˬ tiˬ jawˬ lahˇ ju bi kʼmˇ coeˬ-awˇ, nawˇ tsawˬ guˆ dui dui-iˇ-euˬ meh.

Yawˇbaˆ 27:20

Ja pyuˬ ni oe-euˬ iˇ jeuˬ loꞈ-ehˇ aˬ yawꞈ maꞈ kʼoeˇ taˆ guˆ-eu gaˆ-eu jeˬ keuˆ le-awˇ, uˬ ciꞈ paw baw-eu jaˬ lehˇ aˬ yawꞈ maꞈ-ahˇ baw byoˆ gʼeh tehꞈ-a.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Jaceuq 53:5

Aˬ yawꞈ-euˬ tsawˇ haˬ-ahˇ muiˇ-eu deuˬ-euˬ shaˬ yoeˬ-ahˇ, Miˬyehˇ ngawˬ kʼehꞈ ngawˬ kʼoeˆ-awˇ byaˆ dzeh ngeh, tiˬ jawˇ-iˬ maˬ puˬ maˬ mawˇ haw-euˬ guˆ-eu gaˆ-eu jeˬ, aˬ yawꞈ maꞈ tahˬ puˬ-awˇ laˇ baˇ-iˇ tehꞈ-a. Aˬ yawꞈ maꞈ-ahˇ Miˬyehˇ byehˇ dzeh nehˬ-euˬ miˇ neh Iˇsaˬleˬlaˆ tsawˇ jeuˬ aˬ yawꞈ maꞈ-ahˇ nui kʼahˇ tiˬ shiˇ gʼaˬ leˇ tehꞈ-a.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Iˇsaˬyaˇ 28:19

Naw maꞈ kʼoeˇ taˆ guˆ-eu gaˆ-eu jeˬ tiˬ kʼehˬ maˬ taˬ ni keuˆ le-awˇ, yawˬ shawˬ na luꞈ shaˬ zahˬ ya mˇ-awˇ, uˬ ciꞈ nah gʼahˇ maˬ ehˇ ya daˬ tehꞈ-a. Miˬyehˇ-euˬ dawˬ kawˬ kʼaˇ gaˬ keuˆ le ngeh, naw maꞈ ya tsawˬ guˆ-iˇ tehꞈ-a.

Yeˬlaˬmiˇ 46:5

Sahˬpaˬ Miˬyehˇ heu loꞈ-ehˇ ehˇ-eu, “Ehˇ kʼawꞈ, ngaˇ heu loꞈ-ehˇ ya mawˇ-euˬ ma. Aˬ yawꞈ maꞈ guˆ-awˇ cehˆ gʼoꞈ leꞈ-euˬ meh. Aˬ yawꞈ maꞈ-euˬ yehˇ deuˬ bi deuˆ gʼaˬ-awˇ, laˇ baˇ-iˇ-euˬ miˇ neh nahˇ gʼoꞈ maˬ gʼoꞈ haw ni, cehˆ coeˬ coeˬ doˇ kʼoꞈ leꞈ-eu meh.

Yeˬlaˬmiˇ 49:29

Aˬ yawꞈ maꞈ-euˬ sehˬ gʼawˆ deuˬ maˬ ehˇ, jeˬ zaˬ baˬ maꞈ maˬ ehˇ, sehˬ gʼawˆ laꞈ kʼoeˇ zmˬ-eu saˬ paˇ lawˆ kaˬ hawˇ-eu sehˬ gʼawˆ laꞈ kʼoeˇ kʼaˇ jaˆ-eu yawˬ jeˬ na luꞈ maˬ ehˇ, yuˇ geuꞈ jiˇ-awˬ. Aˬ yawꞈ maꞈ-euˬ law taw deuˬ tsahˇ geuꞈ-awˇ, ‘Guˆ-eu gaˆ-eu jeˬ naw maꞈ-euˬ tiˬ jawˬ keuˆ le luꞈ meh’ lehˇ, aˬ yawꞈ maꞈ-ahˇ ehˇ nehˬ-awˬ.

Yeˬlaˬmiˇ 6:25

Muiˇ-eu deuˬ guiˇ deuˆ-eu keu ka baꞈ-awˇ, nga maꞈ-euˬ tiˬ jawˬ jawˇ luꞈ-eu miˇ neh, myawˬ kʼahˬ yaˇ kʼahˬ-ahˇ maˬ iˇ doˆ peuˬ-eu uˬ taꞈ, gaˇ jawˬ-ahˇ kʼawꞈ maˬ cah peuˬ nya.”

Daˬyeˬlaˇ 5:9

Sahˬ paˬ Beˬlaˇshaˬzaˬ guˆ dui dui-iˇ-awˇ, myaˆ pyawˬ shiˬ maˬ dahˬ ni pyeuꞈ-iˇ-euˬ meh. Aˬ yawꞈ-euˬ gaˇ mˇ-eu sahˬ paˬ sahˬ ma deuˬ kʼawꞈ, noeˬ maˬ doˆ ni tsoˆ leˇ jiˇ-euˬ meh.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

1 Saˬmeuˬlaˆ 28:5

Piˇliˇtiˆ guiˇ maꞈ deuˬ-ahˇ Sawˇluˆ ya mawˇ ngeh, guˆ dui dui-eu meh.