Yawˇbaˆ 17:8 - Akha

⁸ Yawˬ haˇ yawˬ ha yaw sui yaw dawˇ ma lehˇ ehˇ-eu deuˬ tsawˬ guˆ-iˇ-awˇ, aˬ yawꞈ maꞈ dawˬ tawˆ luꞈ ngaˬ-ahˇ miˬ yehˇ maˬ baw-eu tsawˇ haˬ nga lehˇ ja bu ja doeˇ-eu meh.

Yawˇbaˆ 17:8 Iomraidhean Croise

Eˇzaˬlaˬ 9:3

Gaˇ kawˆ kʼoeˇ ngaˇ ya gaˬ ngeh, nui ma cawˆ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, uˬ duˬ tsehˇ kahˇ hawˇ-eu mehˬ mahˬ gʼawˇ doˆ-awˇ dzuˇ-euˬ ma.

Yawˇbaˆ 22:19

Haiˬ-eu tsawˇ haˬ deuˬ kʼehˬ-eu kʼaˆ-eu jeˬ-ahˇ ya daˬ ngeh, tsawˇ muiˬ deuˬ laˬ kʼaˬ cehˇ-awˇ, iˬ baˇ maˬ mˇ-euˬ deuˬ uiˇ yoeˇ-eu meh.

Yawˇbaˆ 34:30

Miˬyehˇ maˬ baw-eu tsawˇ haˬ deuˬ neh bi uˆ lahˇ-awˇ maˬ bi kʼehˬ ni, miˇ kʼahˬ tsawˇ jeuˬ deuˬ tiˬ jeˬ-iˬ maˬ jahˇ nya-a.

Jaceuq 37:1

Yaw haiˬdeuˬneh mˇ-euˬgaˇ-ahˇ, nawˬ-euˬnui ma shaˬzahˬtaˬmˇ. Yaw lehˬmˇgaˇnawˇmyaˆtaˬnaˆ.

Jaceuq 73:3

Haiˬ-eu tsawˇ haˬ deuˬ dehꞈ dzaˬ gaˇ ya mawˇ ngeh, nui ma huiˬ gaˇ mahˇ gaˇ myaˆ naˆ-euˬ ma.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.