Yawˇbaˆ 16:9 - Akha

⁹ Miˬyehˇ nui ma pehˇ-awˇ ngaˬ-ahˇ ngawˬ paˆ ngawˬ shaˆ-euˬ meh. Aˬ yawꞈ ngaˬ-ahˇ bye-awˇ mˇ guiˇ haw laˇ-eu meh.

Yawˇbaˆ 16:9 Iomraidhean Croise

Yawˇbaˆ 13:24

“Aˬ jeˬ miˇ neh nawˬ-euˬ myaˆ pyawˬ ngaˬ-ahˇ maˬ bi mawˇ laꞈ te. Aˬ jeˬ miˇ neh muiˇ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ te.

Yawˇbaˆ 13:27

Ngaˬ-euˬ aˬ kuiˇ-ahˇ nawˇ caˆ shoˆ shoˆ-awˇ, kuiˇ toꞈ yawˬ toꞈ na luꞈ-ahˇ haw-eu uˬ taꞈ, aˬ kuiˇ pehˬ zaˇ-ahˇ kʼawꞈ pyehˆ tseˇ-eu meh.

Yawˇbaˆ 18:4

Nawˇ nui ma pehˇ-eu teu-aˬ, yawˬ haˇ yawˬ ha coeˬ leˇ ni mˇ-eu tehꞈ nga. Nawˇ nui ma pehˇ-eu miˇ neh, miˇ tsaˬ tahˬ kʼawˇ heu cawˬ maˬ baw-ehˇ pyeuꞈ-iˇ tehꞈ-a loˇ. Nawˇ nui kʼahˇ bi shiˇ-eu lehˇ Miˬyehˇ gawˬ jawˬ deuˬ-ahˇ ciˬ jiˆ nehˬ laꞈ tehꞈ-a loˇ.

Yawˇbaˆ 19:11

Miˬyehˇ ngaˬ-ahˇ nui ma pehˇ dui dui-awˇ, aˬ yawꞈ-ahˇ muiˇ dui dui-eu gʼaˬ loꞈ-ehˇ jahˇ nehˬ laꞈ-euˬ meh.

Yawˇbaˆ 30:21

Nawˇ ngaˬ-ahˇ tiˬ pawꞈ-iˬ gʼawˬ shaˬ maˬ gaˬ ni, nawˬ-euˬ baoˬ neh ngaˬ-ahˇ kʼehˬ nehˬ laꞈ-eu meh.

Yawˇbaˆ 33:10

Ehˇ kʼawꞈ, Miˬyehˇ ngaˬ-ahˇ iˬ baˇ poˆ-awˇ, muiˇ-eu tsawˇ haˬ tiˬ gʼaˬ loꞈ-ehˇ jahˇ nehˬ laꞈ-euˬ meh.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Jaceuq 35:16

Kuiˇkuˆ-ahˇ naˬgʼa-eu loꞈ-ehˇ, ngaˬ-ahˇ mˇziˇhaw laˇ-eu meh.

Jaceuq 37:12

Tsawˇmuiˬ-ahˇyaw doeˇmˇ-eu lehˇ, yaw haiˬdeuˬseuˬtsehꞈtehˬ-eu meh.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Ngoeˇ dawˬ 2:16

Nawˬ-ahˇ kʼaˇ muiˇ-eu deuˬ dawˬ tawˆ, nawˬ-ahˇ bye-awˇ naˬ gʼa luꞈ meh. Aˬ yawꞈ maꞈ seuˬ tsehꞈ tehˬ taˬ-awˇ, nawˬ-ahˇ lmˬ lmˬ-ehˇ ehˇ luꞈ-eu, “Aˬ yawꞈ-ahˇ laˆ cawˆ gʼaˬ-euˬ ma. Aˇ nah heu nah bi yehꞈ laˇ ni, nga maꞈ dawˬ luꞈ-eu dza laˇ-euˬ, nymˬ-mˇ myaˆ ya mawˇ duˬ miˇ-a.”

Ngoeˇ dawˬ 3:10

Kʼaˬ hmˇ loꞈ-ehˇ ngaˬ-ahˇ loꞈ-awˇ, aˇ laˬ jaˬ shiˇ loꞈ-ehˇ shahˇ-awˇ,

Hawˇseˬ 5:14

Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Miˇkaˬ 7:8

Muiˇ-eu deuˬ aˬ dui-ahˇ aˬ jaꞈ maˬ paˇ jaꞈ nya meh. Aˬ dui coˬ-iˇ gʼaˬ-euˬ kʼawꞈ tiˬ poˆ paˇ tuˇ laˇ tehꞈ-a. Nymˬ-mˇ aˬ dui yaw zahˇ laꞈ kʼoeˇ ya jawˇ kʼawꞈ, Sahˬpaˬ Miˬyehˇ aˬ dui-ahˇ yaw shehꞈ biꞈ laꞈ tehꞈ-a.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.