Yawˇbaˆ 16:4 - Akha

⁴ Naw maꞈ ngaˇ pyeuꞈ-awˇ, ngaˇ naw maꞈ pyeuꞈ law nmˇ-aˬ, naw maꞈ kʼaˇ ngehˬ-euˬ dawˬ teu deuˬ ngaˇ ngehˬ nya ma. Naw maꞈ ehˇ-eu maˬ ngeuˇ-a lehˇ ngaˇ uˬ duˬ juiꞈ-awˇ, lawˇ baˬ-ahˇ sheu bu-eu loꞈ-ehˇ ngaˬ-euˬ dawˬ laꞈ kʼoeˇ naw maꞈ-ahˇ bi bu dzaˬ nya ma.

Yawˇbaˆ 16:4 Iomraidhean Croise

2 Sahˬpaˬ 19:21

Sahˬpaˬ Miˬyehˇ heu loꞈ-ehˇ ehˇ-eu meh. ‘Saˬneˬkaˬliˇ-oˇ, Yeˬluˇsaˬlehˬ meuˬ nawˬ ahˇ uiˇ-awˇ naˬ gʼaˬ luꞈ meh.

Yawˇbaˆ 11:2

“Dawˬ heu deuˬ-ahˇ ngehˬ cawˬ tmˇ cawˬ-eu tiˬ gʼaˬ-iˬ maˬ jawˇ-a loˇ. Dawˬ ja myaˬ-eu tsawˇ haˬ tsaˬ meh loˇ.

Yawˇbaˆ 16:5

Muiˬ-eu nui noeˬ nui duˇ biꞈ-eu dawˬ neh naw maꞈ-ahˇ gʼaˬ biꞈ-awˇ, naw maꞈ nui ma saˇ laˇ ni kʼawꞈ, ngehˬ nya tmˇ nya ma.

Yawˇbaˆ 35:16

Nawˇ dawˬ ja ja kʼawꞈ tiˬ jeˬ-iˬ gaˇ dahˇ maˬ tsoeˬ luꞈ-a. Yawˬ ha aˬ jeˬ ehˇ luꞈ-eu yawˬ ha maˬ siˬ duˬ-eu yaw duˬ baw ngaˇ.”

Yawˇbaˆ 6:14

Heu loꞈ-ehˇ gʼeh-eu shaˬ zahˬ puˬ le ngeh, Miˬyehˇ-ahˇ ngaˇ byehˇ dzeh-eu maˬ kaˬ, maˬ byehˇ dzeh-eu maˬ kaˬ, saˇ jaˇ ziꞈ-eu cawˬ-ahˇ ngaˇ loˬ miˇ-a.

Jaceuq 109:25

Aˬ cawˬ ngaˬ-ahˇ mawˇ ngeh uiˇ-awˇ, uˬ duˬ dzuiꞈ-awˇ cehꞈ lehꞈ ka haw-eu meh.

Jaceuq 22:7

Kʼaˇmawˇle-eu deuˬnaˬgʼa-awˇ, mehˬlaˇcawˬdoˆmehˬnehˬlaꞈ-awˇ, uˬduˬjuiꞈmehˬnehˬlaꞈ-eu meh.

Jaceuq 22:8

“SahˬpaˬMiˬyehˇ-ahˇnawˇgʼoe-euˬ, maˬhaw ni bi shaˬlaꞈtaˬloˇ. SahˬpaˬMiˬyehˇnawˬ-ahˇgaˬnaˇ, aˬjeˬmiˇneh ngehˬmaˬgʼeh-ehˇ, maˬka kʼoꞈni byehˇcoeˇta”lehˇ, yawꞈmaꞈcehꞈlehꞈka haw-eu meh.

Jaceuq 44:14

Aˬcawˬtsawˇjeuˬja bu laˇni, nawˇnga maꞈ-ahˇmˇlaꞈ-euˬmeh. Nga maꞈ-ahˇcehꞈlehꞈka ka-ehˇ, uˬduˬjuiꞈhaw nehˬlaꞈ-eu meh.

Dawqdaq 10:19

Dawˬ ja myaˬ gaˇ, iˬ baˇ doˆ laˇ-awˇ, dawˬ tmˇ cuiˆ-eu tsawˇ haˬ yaw gahˇ meh.

Dawˬ tsoˆ 10:14

Aˬ dzawˬ aˇ gah dawˬ saˬ dawˬ li maˬ baw-a. Mehˬ hu paw pyeuꞈ laˇ-eu gaˇ kawˆ tsawˇ haˬ tiˬ gʼaˬ-iˬ maˬ siˬ nya-a. Aˬ dui shiˇ dzeuˇ naˇ kʼah pyeuꞈ laˇ-eu gaˇ kawˆ, ehˇ nehˬ laꞈ nya-eu gʼaˬ maˬ jawˇ-a.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Yeˬlaˬmiˇ 48:27

Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Maꞈtehˬ 7:12

“Aˬ cawˬ neh yawˬ ha-ahˇ kʼaˇ bi mˇ nehˬ mawꞈ-eu loꞈ-ehˇ, aˬ cawˬ-ahˇ mˇ nehˬ-awˬ. Aˬ jeˬ miˇ neh ehˇ naˇ, dawˬ heu dawˬ-aˬ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ-euˬ dawˬ deuˬ laꞈ kʼoeˇ, dawˬ ma yaw dzahˇ pyeuꞈ-eu meh.

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

1 Gawˇliˬtu 12:26

Aˇ sehˇ tiˬ sehˇ naˇ laˇ naˇ, aˇ sehˇ dawˬ tawˆ luꞈ ya caw naˇ-eu meh. Aˇ sehˇ tiˬ sehˇ-ahˇ aˬ cawˬ ja ceuˬ kʼaˇ za naˇ, aˇ sehˇ dawˬ tawˆ luꞈ laˬ kʼaˬ ya caw cehˇ-eu meh.