Yawˇbaˆ 16:19 - Akha

¹⁹ Ngaˇ jawˇ paw pyawˬ-awˇ ngaˬ-euˬ gʼaˇ duˬ yawꞈ dah-eu tsawˇ haˬ tiˬ gʼaˬ na, mˬ kʼoeˇ taˆ jawˇ luꞈ meh.

Yawˇbaˆ 16:19 Iomraidhean Croise

Aˇ dahˬ 31:50

Laˬbaˬ ehˇ-eu, “Ngaˬ-euˬ zaˬ miˬ deuˬ-ahˇ nawˇ yehˬ bawˬ sehˇ lu-ehˇ jahˇ nehˬ-eu maˬ kaˬ, nawˇ miˬ zaˬ paˇ sheuˬ-eu maˬ kaˬ, ngaˇ maˬ mawˇ nya kʼawꞈ, Miˬyehˇ aˇ nyaꞈ-ahˇ haw luꞈ meh lehˇ, nawˬ-euˬ nui ma laꞈ kʼoeˇ aˬ myah luꞈ noeˬ taˬ-awˬ.

Yawˇbaˆ 16:18

Miˇ tsaˬ tahˬ kʼawˇ-oˇ, ngaˬ-euˬ kʼoeˇ taˆ mˇ lehˬ laꞈ-euˬ jeˬ-ahˇ taˬ zaꞈ taˬ. Yaw tsaˬ yaw dawˇ jeˬ bi keuˆ le-awˬ lehˇ ngaˬ neh guˇ-euˬ dawˬ taˬ bi byoˆ-iˇ nehˬ laꞈ.

Yawˇbaˆ 19:25

Ehˇ kʼawꞈ, aˇ saˬ saˬ ngeh ngaˬ-ahˇ ka kʼoꞈ le-eu gʼaˬ, mˬ kʼoeˇ taˆ jawˇ meh lehˇ ngaˇ siˬ nya ma.

Yawˇbaˆ 25:2

“Miˬyehˇ-aˬ, baoˬ huiˬ dui dui-awˇ, dawˬ tawˆ luꞈ aˬ yawꞈ-euˬ mehˬ shi zahˬ dui dui leˇ-eu laꞈ kʼoeˇ ya yawꞈ tehꞈ-a. Aˬ yawꞈ-euˬ mˬ taˆ miˇ kʼahˬ-ahˇ aˬ yawꞈ coꞈ ngehˇ ni bi jaˆ-euˬ meh.

Yawˇbaˆ 31:2

Baoˬ huiˬ-eu Miˬyehˇ aˬ dui-ahˇ aˬ jeˬ mˇ nehˬ laꞈ ta. Tsawˇ haˬ zaˬ neh gaˇ mˇ-euˬ aˇ poeˬ aˬ yawꞈ aˬ jeˬ biꞈ nehˬ ta.

Jaceuq 113:5

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu tiˬ gʼaˬ-iˬ maˬ jawˇ-a. Yaw goˇ-ahˇ aˬ yawꞈ jawˇ luꞈ kʼawꞈ,

Jaceuq 148:1

Sahˬpaˬ Miˬyehˇ-ahˇ ja ceuˬ-awˬ. Yaw goˇ-ahˇ jawˇ-eu deuˬ-oˇ, mˬ kʼoeˇ taˆ jawˇ-awˇ Sahˬpaˬ Miˬyehˇ-ahˇ ja ceuˬ-awˬ.

Jaceuq 89:37

Aˬ yawꞈ-euˬ miˇ kʼahˬ tiˬ jawˇ-iˬ maˬ byoˆ-iˇ-eu gaˇ kawˆ, mˬ taˆ tsehˬ-eu ba la kʼoeˇ siˬ, saˇ jaˇ ziꞈ-eu saˇ kiˇ ma.”

Lormav 1:9

Ngaˇ ehˇ-eu dawˬ heu deuˬ tsaˬ-eu gaˇ kawˆ saˇ kiˇ-aˬ, Miˬyehˇ meh. Aˬ jeˬ miˇ neh ehˇ naˇ, ngaˇ nui ma keuˆ dui dui-awˇ aˬ yawꞈ-euˬ Zaˬmaˇ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ aˬ yawꞈ-euˬ gaˇ mˇ luꞈ-eu ma. Ngaˇ naw maꞈ-ahˇ noeˬ keuˆ luꞈ meh lehˇ Miˬyehˇ siˬ nya meh.

Lormav 9:1

Ngaˇ dawˇ coe ni ehˇ-eu ma. Ka li-euˬ tsawˇ haˬ pyeuꞈ-eu miˇ neh jaˬ myawꞈ maˬ myawꞈ. Muiˬ-eu Shawˇ-eu Yaw sahˇ Miˬyehˇ uˆ lahˇ-eu ngaˬ-euˬ siˬ nya-eu nui ma kʼawꞈ, ngaˇ jaˬ myawꞈ maˬ myawꞈ-a lehˇ ngaˬ-ahˇ maˇ jawˆ ni ehˇ nehˬ laꞈ-eu meh.

2 Gawˇliˬtu 1:23

Miˬyehˇ-ahˇ tsawˇ kaˬ bi geuꞈ ma. Ngaˬ-euˬ nui ma-ahˇ aˬ yawꞈ siˬ nya meh. Ngaˇ Gawˇliˬtu meuˬ-ahˇ maˬ oe lehˇ ehˇ-eu-aˬ, naw maꞈ-ahˇ maˬ bi naˇ leˇ ni shaˇ noeˬ-awˇ ehˇ-eu ma.

2 Gawˇliˬtu 11:31

Ngaˇ jaˬ myawꞈ maˬ myawꞈ-eu gaˇ kawˆ Sahˬpaˬ Yeˬsuˇ-euˬ Aˬda pyeuꞈ-eu Miˬyehˇ siˬ nya luꞈ meh. Aˬ yawꞈ-euˬ tsawˇ myahˇ mˬ maˬ maˬ byaˆ zaˇ ziˇ guiˬ lahˬ huiˬ luꞈ-uˇ.

Piˇliˇpiˆ 1:8

Ngaˇ naw maꞈ-ahˇ gaˬ dui dui-eu heu-aˬ, Yeˬsuˇ Ka li-euˬ nui ma-ahˇ neh doˆ le-euˬ gʼoeˇ-eu gaˬ-eu jeˬ neh gaˬ-eu ma lehˇ ngaˇ ehˇ-eu heu tsaˬ-eu gaˇ kawˆ, Miˬyehˇ ngaˬ-euˬ gʼaˇ duˬ saˇ kiˇ pyeuꞈ-eu ma.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

1 Teˇsaˬloˇni 2:5

Naw maꞈ-ahˇ nga maꞈ maˬ ja poeˬ-ehˇ, yawˬ ha gʼaˇ duˬ jiˇ jeuˬ doˆ laˇ ni maˬ ngehˬ maˬ tmˇ-euˬ gaˇ kawˆ naw maꞈ siˬ duˬ luꞈ meh. Miˬyehˇ-aˬ, nga maꞈ-euˬ saˇ kiˇ ma.

1 Saˬmeuˬlaˆ 12:5

Saˬmeuˬlaˆ ehˇ-eu, “Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ-aˬ, ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ-a lehˇ iˬ nah naw maꞈ ehˇ-eu dawˬ heu dawˬ-euˬ saˇ kiˇ pyeuꞈ-eu ma.” Aˬ yawꞈ maꞈ ehˇ-eu, “Ngeuˇ meh. Sahˬpaˬ Miˬyehˇ-aˬ, aˬ dui maꞈ-euˬ saˇ kiˇ pyeuꞈ-eu ma.”