Yawˇbaˆ 15:22 - Akha

²² Yaw zahˇ laꞈ kʼoeˇ aˬ yawꞈ ya buˬ-iˇ-eu gaˇ ma maˬ dahˇ-a. Aˬ jeˬ miˇ neh ehˇ naˇ, aˬ yawꞈ-ahˇ sehꞈ-eu mi cehˇ loꞈ luꞈ meh.

Yawˇbaˆ 15:22 Iomraidhean Croise

2 Sahˬpaˬ 6:33

Aˬ yawꞈ kʼoeˇ loꞈ-ehˇ ehˇ gʼaˬ-eu maˬ dah ni, sahˬ paˬ oe keuˆ-awˇ ehˇ-eu, “Nga maꞈ kʼoeˇ taˆ shaˬ-eu zahˬ-eu heu bi keuˆ le-euˬ gʼaˬ Sahˬpaˬ Miˬyehˇ meh loˇ. Aˬ yawꞈ tiˬ jeˬ paˬ jahˇ nehˬ laꞈ gaˇ ngaˇ dawˬ dawˬ-ehˇ maˬ paˇ jawˇ ma.”

Yawˇbaˆ 15:23

Aˬ yawꞈ shiˇ taˬ gaˇ dzaˬ-eu lehˇ, jeˬ shiˇ kʼaˬ dzeˇ deuˬ loꞈ luꞈ meh. Aˬ yawꞈ gʼaˇ duˬ zahˇ tsui ni gʼeh-eu aˇ nah keuˆ le luꞈ-eu aˬ yawꞈ siˬ nya meh.

Yawˇbaˆ 15:30

Kʼoeˇ naˇ yaw zahˇ laꞈ kʼoeˇ aˬ yawꞈ maˬ doˆ-iˇ nya-ehˇ ya shaˬ tehꞈ-a. Uˬ laꞈ deuˬ bi puiˆ sehꞈ jiˇ-awˇ, aˇ yehˆ deuˬ jaˬ lehˇ bi baw byoˆ jiˇ-euˬ aˇ bawˇ tiˬ bawˇ-ahˇ aˬ yawꞈ duˇ leˇ tehꞈ-a.

Yawˇbaˆ 19:29

Ehˇ kʼawꞈ, mi cehˇ-ahˇ naw maꞈ guˆ yawˬ. Iˬ baˇ-ahˇ nui ma pehˇ-eu Miˬyehˇ-euˬ mi cehˇ-ahˇ guˆ yawˬ. Yaˇ kʼaˬ daˇ-eu gʼaˬ jawˇ luꞈ-eu naw maꞈ ya siˬ tehꞈ-a.”

Yawˇbaˆ 27:14

Aˬ yawꞈ maꞈ aˬ li gʼawˬ mya gʼaˬ jawˇ kʼawꞈ, guiˇ deuˆ gaˇ shiˇ jiˇ-awˇ, aˬ yawꞈ maꞈ-euˬ aˬ buˇ aˬ li deuˬ maˬ dzaˬ maˬ dawˇ dehˆ ni ya shaˬ tehꞈ-a.

Yawˇbaˆ 33:18

Aˬ yawꞈ maꞈ-ahˇ maˬ bi luˬ maˬ bi seˇ-iˇ ni haw lahˇ-awˇ, shiˇ-eu jeˬ laꞈ kʼoeˇ aˬ yawꞈ maꞈ-ahˇ ka kʼoꞈ-eu meh.

Yawˇbaˆ 36:12

Kʼoeˇ loꞈ-ehˇ maˬ mˇ naˇ, tsawˇ gahˇ maˬ ahˇ-ehˇ ya shiˇ-awˇ, shiˇ-eu miˇ kʼahˬ-ahˇ iˇ-eu lawˇ gawˆ ya tsehˆ tehꞈ-a.

Yawˇbaˆ 6:11

Mehˬ hu paw dehꞈ daˆ leꞈ-eu gʼaˇ duˬ ngaˬ-euˬ gʼaˬ aˬ gaˇ paˇ ahˇ ta. Noeˬ tmˬ duˬ maˬ jaˆ gaˇ aˬ jeˬ gʼeh yaw dehꞈ paˇ dehꞈ nmˇ.

Yawˇbaˆ 9:16

Aˬ yawꞈ ngaˬ-ahˇ dawˬ bi ngehˬ laꞈ law hawˇ kʼawꞈ, ngaˬ-euˬ dawˬ-ahˇ aˬ yawꞈ naˇ haˬ tehꞈ-a lehˇ maˬ jah nya.

Maꞈtehˬ 27:5

Yuˇdaˆ-aˬ, pyuˇ maˇ byaˆ kʼoeˇ deuˬ Uˬ duˬ tahˬ nymˇ nymˇ ma laꞈ kʼoeˇ biˬ ahˇ yaꞈ-awˇ doˆ-iˇ-euˬ meh. Kʼoeˇ naˇ, yawˬ haˇ yawˬ ya paꞈ gʼeu sehꞈ-iˇ-euˬ meh.