Yawˇbaˆ 14:5 - Akha

⁵ Tsawˇ haˬ-euˬ ziˇ hawˇ-eu aˬ yawꞈ ya dehꞈ-eu ba la aˇ siˬ-ahˇ, yaw beh neh diˬ tsehˆ taˬ-euˬ meh. Nawˬ neh laˆ tsaˬ jiˇ taˬ-euˬ miˇ neh maˬ paˇ laˆ paˇ nya meh.

Yawˇbaˆ 14:5 Iomraidhean Croise

Yawˇbaˆ 12:10

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ Miˬyehˇ-euˬ aˬ laꞈ laꞈ kʼoeˇ jaˆ-awˇ, tsawˇ haˬ aˬ yawꞈ gʼaˬ yawꞈ-euˬ saꞈ laˇ kʼawꞈ aˬ yawꞈ-euˬ baoˬ laꞈ kʼoeˇ jaˆ jiˇ-eu meh.

Yawˇbaˆ 14:14

Tsawˇ haˬ zaˬ shiˇ dzeuˇ shaw naˇ paˇ dehꞈ laˇ nya ta loˇ. Ehˇ kʼawꞈ, muiˬ-eu aˇ nah aˇ yamˬ-ahˇ ngaˇ dawˬ keuˆ ma. Shaˬ-eu zahˬ-eu aˇ nah aˇ yamˬ heu deuˬ dzeuˇ-iˇ ngeh keuˆ ni dawˬ ma.

Yawˇbaˆ 16:22

Ngaˬ-euˬ aˇ kʼoꞈ aˇ la deuˬ dzeuˇ-iˇ luꞈ-awˇ, gʼoꞈ dmˇ dzeh laˇ-eu maˬ baw-eu gaˇ ma-ahˇ ngaˇ cah luꞈ-eu ma.

Yawˇbaˆ 21:21

Tsawˇ haˬ tiˬ gʼaˬ shiˇ dzeuˇ gʼaˬ ngeh, yawˬ ha-euˬ nymˇ jiˇ gʼaˇ duˬ kʼahˇ kʼoꞈ nya ta loˇ.

Yawˇbaˆ 7:1

Tsawˇ haˬ zaˬ yaw dehꞈ dehꞈ-eu jeˬ-aˬ kʼaˆ behˆ baꞈ gaˇ duˇ-awˇ, myawˬ kʼaˆ ya mˇ dui dui-eu meh.

Jaceuq 104:29

Nawˇ naˇ kʼah ciˬ pyawˇ ngeh, aˬ yawꞈ maꞈ guˆ-eu meh. Aˬ yawꞈ maꞈ saꞈ gʼawˇ kahˬ nawˇ yuˇ kʼoꞈ ngeh, aˬ yawꞈ maꞈ shiˇ tsehˆ-awˇ, miˇ tsaˬ yuˇ-awˇ aˬ yawꞈ maꞈ-ahˇ beh-euˬ loꞈ-ehˇ, miˇ tsaˬ paˇ ya pyeuꞈ-iˇ-eu meh.

Jaceuq 104:9

Miˇ tsaˬ-ahˇ tiˬ poˆ maˬ paˇ bi dahˬ pymˬ-eu gʼaˇ duˬ, iˇ cuꞈ maˬ ya dahˬ daˆ leˇ-eu miˇ kaˬ nawˇ biˇ taˬ-euˬ meh.

Jaceuq 139:16

Ngaˇ maˬ dehꞈ doˆ le mi naˆ ehˇ ngaˬ-ahˇ nawˇ siˬ nya-euˬ meh. Aˇ nah aˇ yamˬ-ahˇ nawˇ maˬ beh mi naˆ ehˇ, ngaˇ aˇ myaˆ nah ya dehꞈ-eu gaˇ kawˆ, nawˬ-euˬ sahˬ boꞈ laꞈ kʼoeˇ nawˇ boꞈ ahˇ gʼaˬ taˬ-euˬ meh.

Jaceuq 31:15

Ngaˬ-euˬaˇnah aˇyamˬdawˬtawˆ, nawˬ-euˬaˬlaꞈlaꞈkʼoeˇjaˆmeh. Muiˇ-eu deuˬ-euˬlaꞈ-ahˇmaˬehˇ, kʼehˬ-eu deuˬ-euˬlaꞈ-ahˇmaˬehˇ, nawˇngaˬ-ahˇka kʼoꞈnehˬlaꞈ-awˬ.

Jaceuq 39:4

“SahˬpaˬMiˬyehˇehˇnehˬlaꞈsheˇ. ngaˬ-euˬziˇlaw aˇmah ahˇ-awˇ, ngaˬ-euˬaˇnah aˇmyaˆjaˆ-awˇ, aˬmyah jiˇle ta lehˇehˇsheˇ.”

Dawˬ tsoˆ 3:2

Dehꞈ le-eu yamˬ baw-eu loꞈ-ehˇ, shiˇ-eu aˇ yamˬ kʼawꞈ baw-eu meh. Toeˬ ka-eu yamˬ baw-eu loꞈ-ehˇ, gʼawˇ doˆ-eu yamˬ kʼawꞈ baw-eu meh.

Dawˬ tsoˆ 8:8

Tsawˇ haˬ tiˬ gʼaˬ-iˬ ziˇ lahˬ maˬ ka nya-ehˇ, shiˇ nah maˬ shiˆ byoˆ nya-a. Kʼoeˇ-aˬ, aˬ dui maˬ dzeuˇ-iˇ nya ni ya deuˆ-eu guiˇ meh. Mehˇ shuiˇ maˬ shuiˇ dzeuˇ nya-a.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Daˬyeˬlaˇ 5:26

Ehˇ mawꞈ-eu dawˬ tsuiꞈ-aˬ, heu loꞈ-ehˇ meh. MEˬNEˬ lehˇ ehˇ-eu-aˬ, naˬ baꞈ-ahˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ-euˬ aˇ nah aˇ yamˬ-ahˇ Miˬyehˇ gui taˬ-awˇ, aˇ saˬ saˬ-eu aˇ nah bi keuˆ le-eu lehˇ gʼeh-eu meh lehˇ ehˇ mawꞈ-eu meh.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.