Yawˇbaˆ 14:12 - Akha

¹² shiˇ-euˬ tsawˇ haˬ maˬ paˇ tuˇ laˇ nya meh. Mˬ kʼaˇ ziꞈ kʼoeˇ keuˆ ni maˬ tuˇ laˇ-ehˇ, maˬ luˆ maˬ laˆ ni yuꞈ tehꞈ-a.

Yawˇbaˆ 14:12 Iomraidhean Croise

Yawˇbaˆ 3:13

Ngaˇ kʼoeˇ ngeh neh shiˇ dzeuˇ-euˬ law nmˇ-aˬ, nymˬ-mˇ saˇ lehˆ ni ya naˬ luꞈ-awˇ,

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Yawˇbaˆ 7:21

Ngaˬ-euˬ iˬ baˇ-ahˇ nawˇ maˬ pyehˬ nehˬ nya nya loˇ. Ngaˬ neh mˇ lehˬ-euˬ jeˬ-ahˇ maˬ taˬ nehˬ nya-a loˇ. Gʼawˬ myahˇ maˬ gʼeh-ehˇ ngaˇ lmˬ bymˇ-ahˇ ya yuꞈ-awˇ, nawˇ ngaˬ-ahˇ poˆ le ngeh-aˬ, ngaˇ maˬ paˇ dehꞈ-aˇ.”

Yawˇbaˆ 7:9

Mˬ dmˇ zaw gʼeh-awˇ zaw byoˆ jiˇ-eu loꞈ-ehˇ, shiˇ dzeuˇ-euˬ tsawˇ haˬ maˬ paˇ gʼoꞈ doˆ laˇ nya meh.

Jaceuq 102:26

Mˬ miˇ byoˆ-iˇ jiˇ kʼawꞈ, nawˇ maˬ byoˆ-iˇ nya-a. Kʼoeˇ deuˬ dawˬ tawˆ luꞈ mehˬ tsoeˬ loꞈ-ehˇ peuˬ-iˇ tehꞈ-a. Saˬ paˇ paˇ cehˇ loꞈ-ehˇ biˬ dzeh-awˇ, bi piˬ bi byoˆ-iˇ jiˇ tehꞈ-a.

Jaceuq 90:5

Iˇ jeuˬ jeuˬ-eu loꞈ-ehˇ nga maꞈ-ahˇ nawˇ hehˇ byoˆ gʼeh-awˇ, ngaˬ maꞈ-euˬ ziˇ yuꞈ maˆ maˆ-eu loˆ ni tehꞈ meh. Nga maꞈ yaw dehꞈ dehꞈ-eu jeˬ-aˬ, uˬ shawˬ paw dehꞈ doˆ laˇ-awˇ,

Dawˬ tsoˆ 11:8

Aˬ yawꞈ kʼoꞈ yawꞈ nawˇ ya dehꞈ-eu guiˬ lahˬ-ahˇ taˬ ngehˇ. Nawˇ aˇ myah ni yaw dehꞈ ya dehꞈ-eu kʼawꞈ, yaw shiˇ aˇ yamˬ kʼoeˇ myah maˬ tseˇ myahˇ dzehˬ-eu meh. Mehˬ hu paw noeˬ tmˬ duˬ tiˬ jeˬ-iˬ maˬ jaˆ-a.

Dawˬ tsoˆ 12:5

Yaw goˇ-ahˇ nawˇ maˬ daˆ peuˬ-ehˇ, nawˇ gaˇ ma cah-eu kʼahˬ lahˇ paˬ-ehˇ pyeuꞈ-iˇ tehꞈ-a. Nawˬ-euˬ uˬ duˬ pyuˇ le-awˇ, yawˬ ha-euˬ gʼawˇ mawˇ maˬ laˆ luˆ coeˇ-eu uˬ taꞈ, nui kʼahˇ dawˬ tawˆ luꞈ byoˆ jiˇ tehꞈ-a. Aˇ saˬ saˬ-eu naˬ duˬ-ahˇ aˬ dui le luꞈ-awˇ, poˆ kaˬ lehˆ kawˆ-ahˇ tsawˇ ngoeˇ ngoeˇ-eu teˇ saˇ gaˬ doˆ laˇ tehꞈ-a.

Iˇsaˬyaˇ 26:19

Shiˇ dzeuˇ-euˬ nga maꞈ tsawˇ haˬ deuˬ, paˇ gʼoꞈ doˆ laˇ tehꞈ-a. Aˬ yawꞈ maꞈ-euˬ gʼawˇ mawˇ paˇ gʼoꞈ dehꞈ laˇ tehꞈ-a. Lmˬ bymˇ-ahˇ yuꞈ-eu deuˬ gʼoꞈ dehꞈ doˆ laˇ jiˇ-awˇ, laˬ kʼaˬ cehˇ-eu caˇ dawˬ paˇ caˇ tehꞈ-a. Ceuˬ ga ngeh jawˇ miˇ tsaˬ dehꞈ zoˇ laˇ-eu loꞈ-ehˇ, aˇ hu neh shiˇ dzeuˇ-euˬ tsawˇ haˬ deuˬ-ahˇ, Sahˬpaˬ Miˬyehˇ bi dehꞈ zoˇ laˇ tehꞈ-a.

Iˇsaˬyaˇ 51:6

Mˬ-ahˇ gʼawˇ leuˇ haw-awˇ, miˇ tsaˬ-ahˇ awˆ kʼoꞈ-awˇ haw-awˬ. Uˬ kʼoeˬ loꞈ-ehˇ mˬ byoˆ-iˇ-awˇ, mehˬ tsoeˬ paˇ cehˇ loꞈ-ehˇ miˇ tsaˬ peuˬ-iˇ tehꞈ-a. Miˇ tsaˬ zaˬ deuˬ puˬ saˆ loꞈ-ehˇ shiˇ jiˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-euˬ jeˬ maˬ poˆ maˬ paˇ laˇ-a.

Iˇsaˬyaˇ 65:17

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ yaw shuiꞈ miˇ yaw shuiꞈ ngaˇ beh luꞈ ma. Kʼaˇ pyeuꞈ dzeuˇ-euˬ jeˬ dawˬ tawˆ luꞈ ya ngehˇ byoˆ jiˇ tehꞈ-a.

Iˇsaˬyaˇ 66:22

“Ngaˬ-euˬ baoˬ baˬ da neh, mˬ yaw shuiꞈ hawˇ-eu miˇ kʼahˬ yaw shuiꞈ maˬ cawˆ-iˇ ni ziꞈ-eu loꞈ-ehˇ, naw maꞈ-euˬ zaˬ deuˬ uˆ deuˬ hawˇ-eu naw maꞈ-eu tsawˇ myahˇ, maˬ cawˆ-iˇ ni ziꞈ tehꞈ-a.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Gʼaˬkʼehˇ 3:21

Muiˬ-eu shawˇ-eu Yaw sahˇ Miˬyehˇ gʼaˇ duˬ ngehˬ dah-eu deuˬ-ahˇ gʼoe-awˇ yawˬ jeˬ na luꞈ yaw shuiꞈ beˬ paˇ jiˇ-eu aˇ yamˬ maˬ keuˆ laˇ kʼoeˇ keuˆ ni, mˬ kʼoeˇ taˆ aˬ yawꞈ ya jawˇ tawˬ meh.

Lormav 8:20

Kʼaˇ beh taˬ-euˬ yawˬ jeˬ na luꞈ, laˆ cawˆ-eu jeˬ-ahˇ ya daˬ-eu meh. Ehˇ kʼawꞈ, aˬ yawˇ yawꞈ kʼoeˇ loꞈ-ehˇ ya daˬ-eu maˬ ngeuˇ-a. Miˬyehˇ nui ma tsaˬ-eu miˇ neh kʼoeˇ loꞈ-ehˇ pyeuꞈ luꞈ-eu meh. Ehˇ kʼawꞈ, noeˬ tmˬ duˬ heu loꞈ-ehˇ jaˆ-a siˬ.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

2 Beˬtuˆluˆ 3:7

Ehˇ kʼawꞈ, nymˬ-mˇ jaˆ luꞈ-eu mˬ hawˇ-eu miˇ heu deuˬ kʼawꞈ, Miˬyehˇ-euˬ dawˬ aˬ yawꞈ tiˬ dawˬ neh maˬ bi cawˆ-iˇ ni jeˬ hmˬ daˆ laꞈ-euˬ jeˬ pyeuꞈ-eu meh. Kʼoeˇ-aˬ, miˬ dzaˬ neh paˇ bi laˆ cawˆ-eu gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh. Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ yaˇ kʼaˬ daˇ nehˬ-awˇ laˆ luˬ laˆ seˇ nehˬ-eu aˇ nah kʼoeˇ nah gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 21:1

Kʼoeˇ naˇ, mˬ yaw shuiꞈ hawˇ-eu miˇ yaw shuiꞈ-ahˇ ngaˇ ya mawˇ-euˬ ma. Yaw beh jaˆ-euˬ mˬ hawˇ-eu miˇ byoˆ-iˇ-awˇ, iˬ ma laˆ shaˆ maˬ paˇ jaˆ ni pyeuꞈ-iˇ-euˬ meh.