Yawˇbaˆ 14:1 - Akha

¹ Zaˬ miˬ zaˬ-euˬ uˬ maˆ-ahˇ neh dehꞈ doˆ le-euˬ tsawˇ haˬ zaˬ-aˬ, dehꞈ ziˇ aˇ nah aˇ yamˬ nymˇ-awˇ, shaˬ zahˬ tiˬ byah ni jaˆ meh.

Yawˇbaˆ 14:1 Iomraidhean Croise

Aˇ dahˬ 3:17

Miˬyehˇ pyeuꞈ-eu Sahˬpaˬ Miˬyehˇ-aˬ, kʼaˬ dzeˇ zaˬ gʼaˬ-ahˇ kʼawꞈ heu loꞈ-ehˇ ehˇ nehˬ-euˬ meh. “Nawˬ-euˬ miˬ zaˬ-euˬ ehˇ dawˬ naˇ haˬ-awˇ, ngaˬ neh taˬ dzaˬ lehˇ ehˇ taˬ-euˬ aˇ siˬ-ahˇ nawˇ dzaˬ-euˬ meh. Nawˇ kʼoeˇ loꞈ-ehˇ mˇ-euˬ miˇ neh, miˇ tsaˬ-aˬ, yaˬ kʼehˇ yaˬ nehˬ-eu jeˬ-ahˇ ya daˬ tehꞈ-a. Nawˇ ya dzaˬ ya dawˇ-eu gʼaˇ duˬ, nawˬ-euˬ tiˬ ziˇ maˬ naˬ leˇ ni miˇ tsaˬ-ahˇ ya beuˬ tehꞈ-a.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

2 Sahˬpaˬ 4:19

Ja pyuˬ ni, “Ngaˬ-ahˇ uˬ duˬ naˇ nya. Ngaˬ-ahˇ uˬ duˬ naˇ nya” lehˇ, aˬ li kʼoeˇ li aˬ yawꞈ-euˬ aˬ da-ahˇ guˇ-eu meh. “Aˬ li-ahˇ aˬ yawꞈ aˬ ma jawˇ gaˇ euˬ kʼoꞈ gʼeh nehˬ-awˬ” lehˇ, aˬ da gʼaˬ aˬ yawꞈ-euˬ zaˬ kʼaˆ tiˬ gʼaˬ-ahˇ ehˇ nehˬ-euˬ meh.

Yawˇbaˆ 10:20

Ngaˬ-euˬ ziˇ jiˇ-eu keuˆ le-euˬ maˬ ngeuˇ-a loˇ. Dzeˇ-eu aˇ yamˬ heu tiˬ kʼehˇ kʼehˬ laꞈ kʼoeˇ ngaˇ ya dehꞈ byawˬ ni, nawˇ ngaˬ-ahˇ byehˇ dzeh-awˇ bi jawˇ laꞈ-awˬ.

Yawˇbaˆ 15:14

Shawˇ jehˆ ni gʼeh-eu tsawˇ haˬ maˇ maˇ ni jawˇ meh loˇ. Miˬyehˇ mehˬ shi tsaˬ-eu dawˇ-eu tsawˇ haˬ jawˇ meh loˇ.

Yawˇbaˆ 25:4

Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

Yawˇbaˆ 25:5

Aˬ yawꞈ gʼaˇ duˬ ba la kʼawꞈ yaw shehꞈ bya gaˇ maˬ duˇ-ehˇ, aˬ guiˇ deuˬ kʼawꞈ shawˇ jehˆ ni maˬ gʼeh-a.

Yawˇbaˆ 5:7

Miˬ dzaˬ miˬ dziꞈ kʼoeˇ taˆ paw poˬ daˆ-eu yaw duˬ baw-eu loꞈ-ehˇ, yawˬ ha kʼoeˇ taˆ shaˬ zahˬ keuˆ le ni tsawˇ haˬ zaˬ yawˬ haˇ yawˬ ha mˇ-eu yaw duˬ baw-eu meh.

Yawˇbaˆ 7:1

Tsawˇ haˬ zaˬ yaw dehꞈ dehꞈ-eu jeˬ-aˬ kʼaˆ behˆ baꞈ gaˇ duˇ-awˇ, myawˬ kʼaˆ ya mˇ dui dui-eu meh.

Yawˇbaˆ 7:6

Ngaˬ-euˬ aˇ nah aˇ yamˬ deuˬ noeˬ tmˬ kʼaˇ maˬ za ni dzeuˇ-iˇ luꞈ-awˇ, shaˬ nmˇ zaꞈ-eu sehˬ naˆ maˬ tseˇ kawˇ-eu meh.

Yawˇbaˆ 8:9

Aˬ dui-euˬ ziˇ nymˇ dui dui-awˇ, aˬ dui tiˬ jeˬ-iˬ maˬ siˬ maˬ nya-a. Aˬ dui-euˬ aˇ nah aˇ yamˬ-aˬ, naˇ shmˇ shmˇ gaˇ duˇ-eu meh.

Yawˇbaˆ 9:25

Ngaˬ-euˬ aˇ nah deuˬ-aˬ, cehˆ ceh ceh-eu deuˬ naˆ maˬ tseˇ dzeuˇ-iˇ-eu kawˇ-awˇ, nah muiˬ tiˬ nah-iˬ maˬ ahˇ-a.

Jaceuq 39:5

Nawˬneh bi dehꞈlaꞈ-euˬaˇyamˬ, laꞈzaˬtiˬdaˬbyah-eu tehꞈmeh. Ngaˬ-euˬziˇheu nawˬ-euˬmehˬshi, tiˬpawꞈ-iˬ ehˇnyaꞈmaˬnyeuˆ-a. Tsawˇhaˬzaˬdehꞈ-eu aˇyamˬ-aˬ, saꞈgʼawˇka-eu myah ni gmˬ-awˇ,

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 51:5

Ngaˇ dehꞈ le ngeh neh haiˬ-eu tsawˇ haˬ pyeuꞈ-eu ma. Dehꞈ doˆ le ngeh nah neh iˬ baˇ ahˇ-euˬ ma.

Jaceuq 89:47

Ngaˬ-euˬ ziˇ aˇ naˆ ni nymˇ gaˇ noeˬ keuˆ nehˬ laꞈ-awˬ. Tsawˇ haˬ dawˬ tawˆ luꞈ nawˬ neh beh taˬ-euˬ gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ gaˇ noeˬ keuˆ nehˬ laꞈ-awˬ.

Dawˬ tsoˆ 2:17

Yaw dehꞈ dehꞈ-eu jeˬ-ahˇ ngaˇ bye dui dui nya. Aˬ jeˬ miˇ neh ehˇ naˇ, nahˇ ma heu siˬ uˬ moˆ kʼaˇ mˇ kʼaˇ shaˇ-euˬ dawˬ tawˆ luꞈ, ngaˬ-ahˇ bi noeˬ shaˬ-eu jeˬ tehꞈ meh. Gaˇ dahˇ tsoeˬ-eu tiˬ jeˬ-iˬ maˬ jaˆ-ehˇ, jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 2:23

Tsawˇ haˬ zaˬ yaw dehꞈ dehꞈ-eu tiˬ ziˇ, noeˬ shaˬ noeˬ zahˬ noeˬ dui noeˬ duiˇ-eu laꞈ kʼoeˇ gaˇ ya mˇ-awˇ, uˬ ciꞈ paw kʼawꞈ nui noeˬ gʼaˬ naˬ naˬ kʼaˇ maˬ za-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Yeˬlaˬmiˇ 20:18

Aˬ jeˬ miˇ neh ngaˇ dehꞈ le taˬ. Shaˬ zahˬ mˇ-eu gʼaˇ duˬ dehꞈ le taˬ loˇ. Tiˬ ziˇ jiˇ ni daˬ ga-eu lehˇ dehꞈ le taˬ loˇ.

Maꞈtehˬ 11:11

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ miˬ zaˬ-euˬ uˬ maˆ laꞈ kʼoeˇ neh kʼaˇ dehꞈ doˆ le-euˬ tsawˇ haˬ zaˬ dawˬ tawˆ luꞈ laꞈ kʼoeˇ, Iˇ cuꞈ shawˇ-eu Yoˇhaˬ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-a. Ehˇ kʼawꞈ, mˬ taˆ Miˇkʼahˬ laꞈ kʼoeˇ aˬ cawˬ taꞈ-ehˇ teˬ dui dui-eu gʼaˬ kʼawꞈ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu meh.