Yawˇbaˆ 13:7 - Akha

⁷ Aˬ jeˬ miˇ neh naw maꞈ jaˬ myawꞈ myawꞈ te. Naw maꞈ jaˬ myawꞈ myawꞈ-eu teu Miˬyehˇ mehˬ shi gaˇ dahˇ tsoeˬ tehꞈ-a lehˇ noeˬ te loˇ.

Yawˇbaˆ 13:7 Iomraidhean Croise

2 Sahˬpaˬ 10:18

Saˬmaˬliˆ meuˬ-ahˇ jawˇ-eu tsawˇ haˬ deuˬ-ahˇ Yeˬhuˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Aˬhaˆ-aˬ, Baˬlaˇ miˬyehˇ-euˬ nui kʼahˇ ui cuiˆ na tehꞈ-ehˇ mˇ byah-euˬ meh. Ngaˇ-aˬ, kʼoeˇ naˆ maˬ tseˇ mˇ byah ma.

Yawˇbaˆ 12:16

Miˬyehˇ-aˬ, gʼaˬ huiˬ-awˇ aˬ myah luꞈ gʼaˬ leˇ-eu gʼaˬ pyeuꞈ-eu meh. Gahˇ dzaˬ-eu deuˬ maˬ ehˇ, bi gahˇ dzaˬ-euˬ deuˬ maˬ ehˇ, dawˬ tawˆ luꞈ aˬ yawꞈ-euˬ baoˬ laꞈ kʼoeˇ jawˇ-eu meh.

Yawˇbaˆ 13:6

Ngaˬ-euˬ gaˇ kawˆ ngaˇ ja ngeh, ngaˬ-euˬ nui noeˬ-ahˇ naˇ haˬ sheˇ.

Yawˇbaˆ 17:5

Tsawˇ haˬ tiˬ gʼaˬ pyuˇ shuiˇ myaˆ pyawˬ-ahˇ haw-awˇ yawˬ ha-euˬ cawˬ-ahˇ byehˇ naˇ, yawˬ ha-euˬ zaˬ deuˬ ya shaˬ ya zahˬ tehꞈ-a lehˇ dawˬ daˬ jaˆ-eu meh.

Yawˇbaˆ 27:4

Ngaˬ-euˬ kʼaˬ meh yaw haiˬ jeˬ maˬ paˇ ngehˬ-ehˇ, ngaˬ-euˬ mehˬ laˇ jaˬ myawꞈ maˬ paˇ myawꞈ ma.

Yawˇbaˆ 36:4

Ngaˇ kʼaˇ ngehˬ-eu jeˬ tiˬ hmˬ-iˬ yaw lehˬ maˬ ahˇ, tsawˇ gahˇ byah dui dui-eu tiˬ gʼaˬ nymˬ-mˇ naw maꞈ mehˬ shi jawˇ-eu naw maꞈ mawˇ luꞈ meh.

Yawˇbaˆ 4:7

Dzeuˇ laˇ-euˬ gaˇ kawˆ-ahˇ paˇ shaˇ noeˬ haw sheˇ. Yaw tsaˬ yaw dawˇ tsawˇ haˬ tiˬ gʼaˬ na, shaˬ-eu zahˬ-eu jeˬ-ahˇ ya tahˬ puˬ haw-euˬ jaˆ ta loˇ.

Yoˇhaˬ 16:2

Naw maꞈ-ahˇ Yuˇdaˆ tawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ laꞈ tehꞈ-a. Naw maꞈ-ahˇ sehꞈ-eu kʼoeˇ-aˬ, Miˬyehˇ-euˬ nui kʼahˇ mˇ-eu jeˬ pyeuꞈ-eu ma lehˇ, naw maꞈ-ahˇ sehꞈ-eu tsawˇ haˬ deuˬ noe-eu aˇ nah keuˆ le tehꞈ-a.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.