Yawˇbaˆ 13:16 - Akha

¹⁶ Haiˬ-eu tsawˇ haˬ Miˬyehˇ-ahˇ maˬ tahˬ puˬ leˇ peuˬ-eu-aˬ, ngaˬ-euˬ nui kʼaˬ ngaˬ-ahˇ ka kʼoꞈ-eu maˬ siˬ.

Yawˇbaˆ 13:16 Iomraidhean Croise

Yawˇbaˆ 13:17

Nymˬ-mˇ ngaˇ ngehˬ-eu dawˬ-ahˇ, naw maꞈ naˬ bawˇ ciˬ kʼmˇ-awˇ naˇ haˬ sheˇ.

Yawˇbaˆ 23:7

Ngaˇ-aˬ yaw sui yaw dawˇ miˇ neh Miˬyehˇ-ahˇ ja cawˬ peuˬ ma. Ngaˇ mˇ lehˬ taˬ-euˬ maˬ jaˆ-a lehˇ mˬ maˬ maˬ byaˆ zaˇ ziˇ aˬ yawꞈ daˇ tsehˆ tehꞈ-a.

Yawˇbaˆ 34:21

Tsawˇ haˬ zaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ haw luꞈ-eu meh.

Yawˇbaˆ 36:13

Miˬyehˇ maˬ baw-eu tsawˇ haˬ aˬ myah luꞈ nui ma pehˇ-awˇ, kʼehˬ gaˇ kʼaˆ gaˇ ya daˬ kʼawꞈ caw ba nehˬ laꞈ lehˇ shaˇ-eu maˬ siˬ nya-a.

Yawˇbaˆ 8:13

Miˬyehˇ maˬ baw-eu tsawˇ haˬ deuˬ aˇ toꞈ kʼoeˇ deuˬ-ahˇ duˇ-eu meh. Miˬyehˇ-ahˇ ngehˇ naˇ aˬ yawꞈ maꞈ gʼaˇ duˬ noeˬ tmˬ kʼaˇ maˬ paˇ za meh.

Jaceuq 118:14

Sahˬpaˬ Miˬyehˇ ngaˬ-ahˇ gʼaˬ bi kʼaˆ laˇ-awˇ, ngaˬ-ahˇ ka kʼoꞈ nehˬ laꞈ-euˬ meh.

Jaceuq 118:21

Ngaˬ-euˬ shaˇ dawˬ-ahˇ nawˇ naˇ haˬ-euˬ uˬ taꞈ, guiˇ deuˆ-euˬ bi gʼaˬ leˇ laꞈ-euˬ miˇ neh, nawˬ-ahˇ ngaˇ ja ceuˬ-eu ma.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Doˆ-iˇ 15:2

Sahˬpaˬ Miˬyehˇ-aˬ, gʼaˬ huiˬ-awˇ, ngaˬ-ahˇ haw piˇ-eu gʼaˬ pyeuꞈ-eu meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ pyeuꞈ-eu meh. Aˬ yawꞈ ngaˬ-euˬ Miˬyehˇ pyeuꞈ-awˇ, aˬ yawꞈ-ahˇ ngaˇ ja ceuˬ ma. Aˬ yawꞈ ngaˬ da-euˬ Miˬyehˇ pyeuꞈ-awˇ, aˬ yawꞈ huiˬ-eu mahˇ-eu gaˇ kawˆ, ngaˇ caˇ-awˇ ja ceuˬ ma.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Gʼaˬkʼehˇ 13:47

Aˬ jeˬ miˇ neh ehˇ naˇ, SahˬpaˬMiˬyehˇ neh nga maꞈ-ahˇ biꞈ taˬ-euˬ dawˬ-aˬ, heu loꞈ-ehˇ meh. ‘Mˬ dzeˇ miˇ dzeˇ tuˆ gaˇ keuˆ ni, ka kʼoꞈ-eu jeˬ za-eu gʼaˇ duˬ, aˬ cawˬ tsawˇ jeuˬ-ahˇ bya nehˬ ni, nawˬ-ahˇ yaw shehꞈ bi pyeuꞈ-eu ma”’