Yawˇbaˆ 13:12 - Akha

¹² Naw maꞈ-euˬ dawˬ daˬ deuˬ gaˇ dahˇ maˬ tsoeˬ-eu kʼaˬ lehˇ-ahˇ duˇ-awˇ, naw maꞈ ja-eu dawˬ deuˬ shaˬ jehˆ-ahˇ duˇ-eu meh.

Yawˇbaˆ 13:12 Iomraidhean Croise

Aˇ dahˬ 18:27

Aˬbyaˬhaˬ paˇ ehˇ-eu, “Sahˬpaˬ Miˬyehˇ-oˇ, ngaˇ nawˬ-ahˇ dawˬ ngehˬ cawˬ laˇ gaˇ iˬ baˇ taˬ taˬ nehˬ laꞈ. Ngaˇ-aˬ, tsawˇ haˬ zaˬ tiˬ gʼaˬ pyeuꞈ-eu miˇ neh, nawˬ-ahˇ teh ngehˬ laˇ-eu maˬ tsaˬ-a. Ehˇ kʼawꞈ, oˇ oꞈ-eu laꞈ kʼoeˇ tiˬ poˆ naˇ haˬ nehˬ laꞈ siˬ.

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

Yawˇbaˆ 13:11

aˬ yawꞈ-euˬ baoˬ naw maꞈ-ahˇ laˆ guˆ ngeh, naw maꞈ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Yawˇbaˆ 13:13

Ciˬ cuˇ ni jawˇ-awˇ ngaˇ ja gaˇ naˇ haˬ sheˇ. Ngaˬ-euˬ kʼoeˇ taˆ kʼaˇ keuˆ le-eu jeˬ, ehˬ-ehˇ keuˆ le luꞈ-uˇ.

Yawˇbaˆ 18:17

Aˬ yawꞈ-euˬ pu hawˇ-eu miˇ kʼahˬ doe ni aˬ yawꞈ tsawˇ myahˇ doˆ-eu byoˆ-iˇ-awˇ, aˬ cawˬ tiˬ gʼaˬ-iˬ aˬ yawꞈ-ahˇ maˬ paˇ siˬ nya meh.

Yawˇbaˆ 21:34

Naw maꞈ-aˬ, tiˬ jeˬ-iˬ gaˇ dahˇ maˬ tsoeˬ-eu dawˬ neh ngaˬ-ahˇ gʼaˬ biꞈ-eu meh. Naw maꞈ kʼaˇ ngehˬ-eu dawˬ yawˬ dawˬ na luꞈ jaˬ myawꞈ meh.”

Yawˇbaˆ 27:1

Yawˇbaˆ paˇ ehˇ-eu,

Yawˇbaˆ 29:1

Kʼoeˇ naˇ, Yawˇbaˆ aˬ yawꞈ-euˬ gaˇ kawˆ heu loꞈ-ehˇ paˇ ehˇ-eu meh.

Yawˇbaˆ 4:19

Shaˬ jehˆ yuˇ-awˇ tehˆ taˬ-euˬ deuˬ-ahˇ aˬ yawꞈ jah coeˇ tehꞈ-a lehˇ nawˇ noeˬ te loˇ. Miˇ tsaˬ neh jahˇ taˬ-awˇ aˇ lu ciˇ teuˆ loꞈ-ehˇ bi nyehꞈ pyehˆ nya-eu jeˬ-ahˇ aˬ yawꞈ jah coeˇ tehꞈ-a loˇ.

Jaceuq 102:12

Ehˇ kʼawꞈ, Sahˬpaˬ Miˬyehˇ nawˇ mˬ maˬ maˬ byaˆ zaˇ ziˇ uˆ lahˇ-eu sahˬ paˬ pyeuꞈ-awˇ, dehꞈ daˆ leꞈ-eu yawˬ ziˇ na luꞈ nawˬ-ahˇ gʼawˬ shaˬ gaˬ nehˬ tehꞈ-a.

Jaceuq 109:15

Aˬ yawꞈ maꞈ-euˬ iˬ baˇ-ahˇ Sahˬpaˬ Miˬyehˇ tiˬ jawˇ-iˬ maˬ ngehˇ-ehˇ, aˬ yawꞈ maꞈ-ahˇ ngehˇ tsehˆ tsehˆ nehˬ luꞈ-uˇ.

Jaceuq 34:16

Yaw haiˬmˇ-eu tsawˇhaˬdeuˬ-ahˇ, SahˬpaˬMiˬyehˇmaˬhaw cawˬ-ehˇ, yawꞈmaꞈshiˇngeh miˇtsaˬtahˬkʼawˇ, yawꞈmaꞈ-ahˇngehˇtsehˆtsehˆ-eu meh.

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Dawqdaq 10:7

Yaw tsaˬ yaw dawˇ tsawˇ haˬ-ahˇ noeˬ keuˆ-eu jeˬ guiˬ lahˬ baw-eu meh. Ehˇ kʼawꞈ, haiˬ-eu tsawˇ haˬ-euˬ tsawˇ myahˇ buꞈ-iˇ tehꞈ-a.

Iˇsaˬyaˇ 26:14

Nymˬ-mˇ aˬ yawꞈ maꞈ shiˇ dzeuˇ-awˇ, maˬ paˇ gʼoꞈ dehꞈ doˆ laˇ nya-ehˇ, nawˬ neh kʼehˬ-awˇ laˆ cawˆ nehˬ-euˬ miˇ neh, aˬ yawꞈ maꞈ-euˬ yaw sahˇ maˬ paˇ tuˇ laˇ nya-ehˇ, mˬ maˬ maˬ byaˆ zaˇ ziˇ byoˆ tsehˆ tehꞈ-a.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.