Yawˇbaˆ 12:9 - Akha

⁹ Jeˬ zaˬ kʼoeˇ deuˬ dawˬ tawˆ luꞈ Sahˬpaˬ Miˬyehˇ-euˬ aˬ laꞈ neh aˬ yawꞈ maꞈ-ahˇ beh-euˬ meh lehˇ siˬ nya meh.

Yawˇbaˆ 12:9 Iomraidhean Croise

Aˇ dahˬ 1:20

Kʼoeˇ naˇ, “Iˇ cuꞈ laꞈ kʼoeˇ kʼaˇ dehꞈ kʼaˇ jawˇ nya-eu jeˬ iˇ cuꞈ laꞈ kʼoeˇ byah laˇ-awˇ, yaw goˇ-ahˇ zaw-eu aˇ jiˇ deuˬ jaˬ lehˇ laꞈ kʼoeˇ byah laˇ-awˬ” lehˇ, Miˬyehˇ dawˬ biꞈ-euˬ meh.

Yawˇbaˆ 12:3

Ngaˇ kʼawꞈ naw maꞈ naˆ ni noeˬ siˬ noeˬ mawˇ nya ma. Ngaˇ naw maꞈ naˆ maˬ tseˇ teˬ-eu tsawˇ haˬ maˬ ngeuˇ. Naw maꞈ neh kʼaˇ ehˇ-euˬ jeˬ-ahˇ tsawˇ haˬ zaˬ yawˬ gʼaˬ na luꞈ siˬ nya meh.

Yawˇbaˆ 12:8

Miˇ tsaˬ kʼoeˇ taˆ jawˇ-eu jeˬ zaˬ deuˬ hawˇ-eu iˇ cuꞈ laꞈ kʼoeˇ jawˇ-eu ngaˬ shaˬ deuˬ-ahˇ, zaˬ siˬ tsawˇ gahˇ naˇ haˬ geuꞈ-awˬ.

Yawˇbaˆ 13:1

Naw maꞈ kʼaˇ ehˇ-eu yawˬ jeˬ na luꞈ-ahˇ ngaˇ myaˆ mawˇ haw-awˇ, naˬ gaˬ haw-euˬ ma.

Yawˇbaˆ 22:18

Ehˇ kʼawꞈ, aˬ yawꞈ maꞈ baw le za le ni jahˇ nehˬ-eu gʼaˬ Miˬyehˇ meh. Haiˬ-eu tsawˇ haˬ deuˬ-euˬ nui noeˬ ngaˬ-ahˇ maˬ gʼoˆ shaw nya nya.

Iˇsaˬyaˇ 41:20

Sahˬpaˬ Miˬyehˇ pyeuꞈ-eu ngaˬ-euˬ kuiˇ zaˇ laꞈ zaˇ-ahˇ, miˇ tsaˬ zaˬ deuˬ mawˇ-awˇ siˬ nya tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ neh, kʼoeˇ loꞈ-ehˇ pyeuꞈ laˇ ni mˇ-euˬ gaˇ kawˆ, aˬ yawꞈ maꞈ siˬ nya laˇ tehꞈ-a.”

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Daˬyeˬlaˇ 9:17

Miˬyehˇ-oˇ, ngaˇ guiˬ lahˬ shaˇ gaˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ naˬ bawˇ ciˬ kʼmˇ nehˬ laꞈ. Nawˇ Miˬyehˇ pyeuꞈ-eu gaˇ kawˆ tsawˇ haˬ yawˬ gʼaˬ na luꞈ-ahˇ siˬ duˬ leˇ ni, cawˆ-iˇ taˬ-euˬ Uˬ duˬ tahˬ nymˇ nymˇ ma paˇ laˆ muiˬ kʼoꞈ nehˬ laꞈ.

Gʼaˬkʼehˇ 19:35

Aˇ saˬ saˬ laˇ ngeh, meuˬ-euˬ jeˇ leˇ loˇ neh tsawˇ haˬ aˇ maꞈ kʼoeˇ maꞈ-ahˇ laˆ coꞈ-euˬ meh. Aˬ yawꞈ heu loꞈ-ehˇ ehˇ nehˬ-euˬ meh. “Eˇpeˇsu meuˬ-ahˇ jawˇ-eu aˬ yuiꞈ aˬ nyiˇ deuˬ-oˇ, Eˇpeˇsu meuˬ-aˬ, huiˬ-eu mahˇ-eu Aˬdeˬmiˇ miˬ yehˇ ma-euˬ uˬ duˬtahˬ nymˇ hawˇ-eu mˬ-ahˇ neh ga le-euˬ muiˬ-eu shawˇ-eu kʼaˬ lo-ahˇ jeˬ hmˬ bo saˆ taˬ-euˬ meuˬ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ siˬ nya meh.

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

1 Saˬmeuˬlaˆ 2:7

Tiˬ paˆ na deuˬ iˇ shaˬ shaˬ-awˇ, tiˬ paˆ na deuˬ smˇ muiˬ muiˬ ni, tiˬ paˆ na deuˬ laꞈ oꞈ teˬ-awˇ, tiˬ paˆ na deuˬ laꞈ taꞈ tsehˆ ni, aˬ yawꞈ neh bymˇ-euˬ shaˬ bymˇ meh.