Yawˇbaˆ 12:4 - Akha

⁴ Ngaˬ-euˬ cawˬ deuˬ-ahˇ keuˆ ni nymˬ-mˇ ngaˬ-ahˇ haw haw-ehˇ uiˇ-eu meh. Ngaˇ iˬ baˇ maˬ ahˇ-eu yaw tsaˬ yaw dawˇ tsawˇ haˬ pyeuꞈ kʼawꞈ aˬ yawꞈ maꞈ ngaˬ-ahˇ uiˇ-eu meh. Ehˇ kʼawꞈ, ngaˬ-euˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ jaˆ ma.

Yawˇbaˆ 12:4 Iomraidhean Croise

Yawˇbaˆ 11:3

Yawˇbaˆ-oˇ, nawˬ-euˬ dawˬ teu deuˬ-ahˇ nga maꞈ maˬ ehˇ kʼoꞈ nya-a lehˇ nawˇ noeˬ te loˇ. Nawˇ aˬ jaꞈ jaꞈ haw-eu dawˬ-ahˇ nga maꞈ ciˬ cuˇ ni naˇ haˬ tehꞈ-a lehˇ noeˬ te loˇ.

Yawˇbaˆ 12:5

Naw maꞈ maˬ ya shaˬ maˬ ya zahˬ ni jawˇ-awˇ, ngaˬ-ahˇ haw-awˇ uiˇ-eu meh. Coˬ-iˇ luꞈ-eu tsawˇ haˬ tiˬ gʼaˬ-ahˇ naw maꞈ paˇ diˬ caw nehˬ-eu meh.

Yawˇbaˆ 13:18

Ngaˇ yaw tsaˬ ma lehˇ ngaˇ siˬ nya-eu miˇ neh, ngaˬ-euˬ gaˇ kawˆ ja-eu lehˇ ngaˇ lehˬ hmˬ taˬ-euˬ ma.

Yawˇbaˆ 16:10

Aˬ cawˬ ngaˬ-ahˇ naˬ gʼa-eu jeˬ-ehˇ uiˇ cawˬ laˇ-eu meh. Aˬ yawꞈ maꞈ ngaˬ-euˬ tiˬ jawˬ oe-awˇ ngaˬ-euˬ baˬ ba-ahˇ tehˆ laˇ-eu meh.

Yawˇbaˆ 16:20

Ngaˬ-euˬ cawˬ deuˬ ngaˬ-ahˇ aˬ jaꞈ jaꞈ haw-awˇ, Miˬyehˇ mehˬ shi ngaˇ myaˆ biˇ yoeˇ le miˇ-a.

Yawˇbaˆ 17:2

Tsawˇ haˬ yawˬ gʼaˬ na luꞈ ngaˬ-ahˇ yehˬ bawˬ sehˇ lu-ehˇ ehˇ niˇ gʼa gaˇ ngaˇ mawˇ luꞈ-eu ma.

Yawˇbaˆ 17:6

Nymˬ-mˇ aˬ cawˬ dawˬ daˬ kʼoeˇ hmˬ zmˬ-awˇ ngaˬ-ahˇ laꞈ noeˇ toeˬ luꞈ meh. Aˬ yawꞈ maꞈ ngaˬ-euˬ myaˆ kʼahˬ-ahˇ duˬ kʼaˬ kʼa shehˬ laˇ-eu meh.

Yawˇbaˆ 21:3

Ngaˬ-ahˇ dawˬ ngehˬ-eu aˇ yamˬ tiˬ kʼehˬ biꞈ laꞈ-awˇ, ngaˇ dawˬ ngehˬ gʼaˬ naˇ naw maꞈ ngaˬ-ahˇ kʼaˇ naˬ gʼa mawꞈ-eu loꞈ-ehˇ naˬ gʼa-awˬ.

Yawˇbaˆ 30:1

Ehˇ kʼawꞈ, ngaˇ naˆ-ehˇ aˇ kʼoꞈ maˬ kʼawˆ-eu tsawˇ haˬ deuˬ nymˬ-mˇ ngaˬ-ahˇ naˬ gʼa-eu meh. Aˬ yawꞈ maꞈ-euˬ aˬ da deuˬ gaˇ dahˇ tiˬ pawꞈ-iˬ maˬ tsoeˬ-ehˇ, yawˇ bo-eu ngaˬ-euˬ aˬ kuiˬ maˬ tawˬ-a.

Yawˇbaˆ 30:9

Nymˬ-mˇ aˬ yawꞈ maꞈ ngaˬ-ahˇ naˬ gʼa laˇ-eu meh. Ngaˇ-aˬ aˬ yawꞈ maꞈ-euˬ cehꞈ lehꞈ ka niˇ gʼa duˬ-ahˇ duˇ miˇ-a.

Yawˇbaˆ 34:7

Yawˇbaˆ loꞈ-ehˇ gʼeh-eu tsawˇ haˬ naw maꞈ mawˇ haw maˬ loˇ. Aˬ yawꞈ Miˬyehˇ-ahˇ yaw zeu tiˬ pawꞈ-iˬ maˬ baw-a.

Yawˇbaˆ 6:29

Naw maꞈ maˬ tsaˬ maˬ dawˇ-eu jeˬ aˇ dzehˬ mˇ dzeuˇ gʼaˬ meh. Maˬ paˇ mˇ ni byehˇ dzeh-awˬ. Ngaˬ-ahˇ naw maꞈ taˬ ja doeˇ. Ngaˇ-aˬ, tsaˬ-eu dawˇ-eu ma.

Yawˇbaˆ 9:21

Ngaˇ iˬ baˇ maˬ-ahˇ. Ehˇ kʼawꞈ, yawˬ ngehꞈ meh. Yaw dehꞈ maˬ paˇ dehꞈ nahˇ miˇ-a.

Jaceuq 35:16

Kuiˇkuˆ-ahˇ naˬgʼa-eu loꞈ-ehˇ, ngaˬ-ahˇ mˇziˇhaw laˇ-eu meh.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Dawqdaq 14:2

Yaw sui yaw dawˇ deuˬ Sahˬpaˬ Miˬyehˇ-ahˇ guˆ-awˇ, maˬ sui maˬ dawˇ-eu deuˬ aˬ yawꞈ-ahˇ yaw zeu maˬ baw-a.

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Maꞈtehˬ 27:29

Aˬ yawꞈ maꞈ aˬ gah ciˇ ni neh sahˬ paˬ kʼoˆ-eu shuiˇ uˬ kʼoˆ loꞈ-ehˇ jahˇ-awˇ, Yeˬsuˇ-ahˇ bi kʼoˆ-euˬ meh. Aˬ yawꞈ-euˬ aˇ maˇ laꞈ-ahˇ aˇ toꞈ tiˬ kahˬ bi yuˇ-euˬ meh. Kʼoeˇ naˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ, “Yuˇdaˆ sahˬ paˬ ziˇ baw ziˇ za luꞈ-uˇ” lehˇ naˬ gʼa-eu meh.

Maꞈtehˬ 9:24

“Yawˬ gʼaˬ na luꞈ doˆ-iˇ jiˇ-awˬ. Aˬ buˇ heu gʼaˬ shiˇ-euˬ maˬ ngeuˇ-a. Yuꞈ kʼaˆ luꞈ-eu tehꞈ meh” lehˇ Yeˬsuˇ ehˇ ngeh, aˬ yawꞈ maꞈ dawˬ tawˆ luꞈ aˬ yawꞈ-ahˇ uiˇ-eu meh.

Maˬkuˆ 5:40

Kʼoeˇ ngeh, aˬ yawꞈ maꞈ Yeˬsuˇ-ahˇ uiˇ-eu meh. Aˬ yawꞈ maꞈ dawˬ tawˆ luꞈ-ahˇ Yeˬsuˇ teh doˆ jiˇ-awˇ, zaˬ kʼoeˇ gʼaˬ-euˬ aˬ ma hawˇ-eu, zaˬ lahˇ kʼoeˇ smˇ gʼaˬ-ahˇ tehꞈ-ehˇ sheuˬ-awˇ, zaˬ kʼoeˇ gʼaˬ baꞈ taˬ-euˬ lawˆ-ahˇ uˇ leˇ-euˬ meh.

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

HeˬByehˇ 11:36

Tiˬ paˆ na deuˬ-aˬ, yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-euˬ meh. Tiˬ paˆ na deuˬ-aˬ, shmˇ caˆ bi paꞈ-awˇ, tawˬ-ahˇ bi tsahˇ uˇ gʼeh-euˬ meh.