Yawˇbaˆ 11:7 - Akha

⁷ Miˬyehˇ-euˬ yaw shehꞈ kʼahˬ sehˇ hawˇ-eu baoˬ aˇ hui ni ahˇ-awˇ aˬ gaˇ keuˆ ni jaˆ-eu nawˇ poˆ mawˇ duˬ nya ma loˇ.

Yawˇbaˆ 11:7 Iomraidhean Croise

Yawˇbaˆ 22:12

Aˬ guiˇ deuˬ yaw goˇ-ahˇ jaˆ gaˇ duˇ kʼawꞈ, goˇ dui dui gaˇ Miˬyehˇ jawˇ-awˇ, aˬ guiˇ-ahˇ haw ka luꞈ-eu maˬ ngeuˇ-a loˇ.

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

Yawˇbaˆ 27:11

Miˬyehˇ baoˬ aˇ naˆ ni huiˬ-awˇ, aˬ yawꞈ gaˇ mˇ-eu gʼaˇ duˬ gaˇ kawˆ kawˆ taˬ-euˬ jeˬ, naw maꞈ-ahˇ ngaˇ ja mehˬ nehˬ nyaˇ.

Yawˇbaˆ 33:12

Ehˇ kʼawꞈ, nawˇ yaw lehˬ meh lehˇ nawˬ-ahˇ ngaˇ ehˇ-eu ma. Miˬyehˇ-aˬ, tsawˇ haˬ yawˬ gʼaˬ na luꞈ naˆ maˬ tseˇ huiˬ dzehˬ meh.

Yawˇbaˆ 33:13

Tsawˇ haˬ zaˬ-euˬ dawˬ-ahˇ maˬ naˇ haˬ nehˬ laꞈ nga lehˇ, aˬ jeˬ miˇ neh Miˬyehˇ-ahˇ nawˇ iˬ baˇ taˬ te.

Yawˇbaˆ 35:5

Mˬ-ahˇ gʼawˇ leuˇ haw sheˇ. Mˬ dmˇ kʼoeˇ deuˬ aˇ naˆ ni goˇ-eu nga.

Yawˇbaˆ 36:26

Aˬ yawꞈ aˇ naˆ ni huiˬ-eu mahˇ-eu aˬ dui maˬ siˬ duˬ nya-ehˇ, aˬ yawꞈ-euˬ aˇ kʼoꞈ aˇ la aˬ dui maˬ toꞈ nya-a.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 37:5

Miˬyehˇ dawˬ biꞈ ngeh aˬ dui zahˬ leˇ paˬ-ehˇ gʼeh-eu kʼaˆ jeˬ-ehˇ gʼeh-eu jeˬ pyeuꞈ doˆ laˇ-eu meh.

Yawˇbaˆ 42:3

Ngaˬ-euˬ tsawˇ gahˇ-ahˇ teh ngehˬ laˇ-eu tsawˇ gahˇ tiˬ pawꞈ-iˬ maˬ ahˇ-eu tsawˇ haˬ heu gʼaˬ aˬ suˇ gʼaˬ-a lehˇ, nawˇ ngaˬ-ahˇ naˇ haˬ-eu meh. Ngaˬ-euˬ gʼaˇ duˬ zahˬ dui dui leˇ paˬ-ehˇ gʼeh-eu ngaˇ maˬ siˬ nya-eu gaˇ kawˆ deuˬ-ahˇ ngaˇ ngehˬ dzeuˇ tmˇ dzeuˇ-euˬ ma.

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Jaceuq 139:6

Nawˇ ngaˬ-euˬ gaˇ kawˆ siˬ nya-eu naꞈ dui dui-awˇ, ngaˇ maˬ noeˬ keuˆ coeˇ gaˇ keuˆ ni siˬ nya-eu meh.

Jaceuq 145:3

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Aˬ yawꞈ huiˬ dui mahˇ dui dui-eu gaˇ kawˆ, aˬ dui maˬ noeˬ miˇ coeˇ-a.

Jaceuq 77:19

Iˇ luˆ dzeh-eu kʼoeˇ taˆ nawˇ cah-awˇ, iˬ ma laˆ shaˆ-ahˇ nawˇ cah tsehˆ gʼeh kʼawꞈ, nawˬ-euˬ pehˬ zaˇ maˬ ya mawˇ-a.

Dawqdaq 30:4

Mˬ taˆ tsawˇ gahˇ dawˬ tawˆ luꞈ tuˆ tehˬ taˬ-euˬ aˬ suˇ gʼaˬ-a. Jaˬ lehˇ-ahˇ nyehꞈ tehˬ taˬ-euˬ aˬ suˇ gʼaˬ-a. Iˇ cuꞈ-ahˇ saˬ paˇ neh paꞈ cu cu taˬ-euˬ aˬ suˇ gʼaˬ-a. Miˇ tsaˬ tahˬ kʼawˇ-euˬ miˇ kaˬ dehˬ biˇ-euˬ aˬ suˇ gʼaˬ-a. Nawˇ siˬ nya-eu jeˬ maˇ-iˬ, aˬ yawꞈ aˬ suˇ gʼaˬ-a. Aˬ yawꞈ-euˬ aˬ li aˬ suˇ gʼaˬ-a.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Dawˬ tsoˆ 7:24

Zaˬ siˬ tsawˇ gahˇ-aˬ, gaˇ mahˇ kaˬ dui dui-awˇ, naꞈ dui dui-eu miˇ neh, aˬ suˇ gʼaˬ poˆ mawˇ nya nmˇ.

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

1 Gawˇliˬtu 2:10

Ehˇ kʼawꞈ, Miˬyehˇ aˬ yawꞈ neh zaꞈ taˬ-euˬ jeˬ, aˬ yawꞈ-euˬ Yaw sahˇ Miˬyehˇ-ahˇ gʼoe-awˇ aˬ dui-ahˇ bi siˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ, yawˬ jeˬ na luꞈ-ahˇ poˆ tseˇ-eu meh. Naꞈ dui dui gaˇ zaꞈ taˬ-euˬ Miˬyehˇ-euˬ nui kʼahˇ-ahˇ kʼawꞈ, poˆ tseˇ doˆ-eu meh.

1 Gawˇliˬtu 2:16

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Sahˬpaˬ Miˬyehˇ-euˬ nui ma-ahˇ, siˬ du nya-eu aˬ suˇ jawˇ ta. Yawꞈ-ahˇ nui noeˬ nui duˇ biꞈ-awˇ, ja mehˬ nya-eu aˬ suˇ jawˇ ta.” Ehˇ kʼawꞈ, aˬ dui-aˬ, Ka li-euˬ nui ma pi luꞈ-eu tsawˇ haˬ ma.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.