Yawˇbaˆ 11:16 - Akha

¹⁶ Iˇ jeuˬ oe-euˬ myahˇ laˇ ngeh ngehˇ-eu loꞈ-ehˇ, nawˬ-euˬ shaˬ zahˬ nawˇ ngehˇ byoˆ jiˇ tehꞈ-a.

Yawˇbaˆ 11:16 Iomraidhean Croise

Aˇ dahˬ 41:51

Kʼoeˇ ngeh, “Ngaˬ neh tahˬ puˬ-eu shaˬ-eu zahˬ-eu jeˬ hawˇ-eu, ngaˬ da-euˬ nymˇ jiˇ gaˇ kawˆ ngaˇ ngehˇ ni, Miˬyehˇ jahˇ nehˬ laꞈ-euˬ nga” lehˇ Yoˇsehˆ ehˇ-awˇ, aˬ li aˬ yuiꞈ gʼaˬ-ahˇ Maˬnaˇseˬ lehˇ myahˇ nehˬ-euˬ meh.

Aˇ dahˬ 9:11

Dawˬ heu deuˬ-ahˇ gʼoe-awˇ, naw maꞈ nehˬ-ehˇ dawˬ ma saˇ jaˇ dzaˬ taꞈ-eu ma. Aˬ kaˇ naˇ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, iˇ cuꞈ tiˬ jawˇ-iˬ maˬ paˇ bi dahˬ pymˬ ma. Aˬ kaˇ naˇ, iˇ cuꞈ bi dahˬ pymˬ-eu laꞈ kʼoeˇ, miˇ tsaˬ-ahˇ tiˬ jawˇ-iˬ maˬ paˇ laˆ cawˆ ma lehˇ, ngaˇ ehˇ tsehˆ-eu ma.

Yawˇbaˆ 22:11

Zahˇ dui dui le-euˬ miˇ neh nawˇ tiˬ gaˇ-iˬ maˬ haw mawˇ nya-ehˇ, iˇ jeuˬ oe-awˇ nawˬ-ahˇ dehˬ pymˬ-euˬ meh.

Yawˇbaˆ 6:15

Ehˇ kʼawꞈ, ngaˬ-euˬ cawˬ deuˬ-oˇ, uˬ yehˇ maˬ jaˆ ngeh gui-iˇ-eu lawˇ gawˆ deuˬ loꞈ-ehˇ, naw maꞈ ngaˬ-ahˇ saˇ jaˇ maˬ ziꞈ-a.

Dawqdaq 31:7

Aˬ yawꞈ maꞈ dawˇ-awˇ, shaˬ zahˬ hawˇ-eu nui ma cawˆ-eu jeˬ ngehˇ byoˆ jiˇ luꞈ-uˇ.

Dawˬ tsoˆ 5:20

Miˬyehˇ neh aˬ yawꞈ-ahˇ laˬ kʼaˬ cehˇ-eu jeˬ biꞈ oꞈ nehˬ-euˬ miˇ neh, yaw dehꞈ dehꞈ-eu aˇ yamˬ nymˇ gaˇ nui kʼahˇ shiˇ-eu tsaˬ meh.

Iˇsaˬyaˇ 54:4

Maˬ guˆ ni jawˇ-awˬ. Nawˇ ya shaꞈ dawˇ-eu jeˬ maˬ paˇ jaˆ meh. Maˬ noeˬ shaˬ ni dehꞈ-awˬ. Nawˇ daˬ maˬ paˇ ga meh. Miˬ daꞈ daꞈ ngeh nawˇ ya shaꞈ dawˇ-euˬ jeˬ hawˇ-eu, miˬ coeˬ miˬ ma pyeuꞈ ngeh daˬ ga-euˬ jeˬ dawˬ tawˆ, ya ngehˇ byoˆ jiˇ tehꞈ-a.

Iˇsaˬyaˇ 54:9

“Miˇ tsaˬ kʼoeˇ taˆ iˇ cuꞈ maˬ paˇ bi dahˬ pymˬ-eu gʼaˇ duˬ, Noˇaˬ-euˬ ziˇ-ahˇ ngaˇ saˇ jaˇ biꞈ-euˬ loꞈ-ehˇ, nawˬ-ahˇ nui ma maˬ paˇ pehˇ-eu gʼaˇ duˬ nymˬ-mˇ ngaˇ saˇ jaˇ biꞈ-eu ma. Nawˬ-ahˇ ngaˇ maˬ paˇ byehˇ dzeh ma.

Iˇsaˬyaˇ 65:16

Miˇ kʼahˬ heu kʼahˬ laꞈ kʼoeˇ guiˬ lahˬ yaw dzahˇ kʼaˇ shaˇ-eu deuˬ, saˇ jaˇ ziꞈ-eu Miˬyehˇ-euˬ guiˬ lahˬ yaw dzahˇ shaˇ tehꞈ-a. Saˇ jaˇ kʼaˇ dzaˬ-eu tsawˇ haˬ deuˬ, saˇ jaˇ ziꞈ-eu Miˬyehˇ-euˬ tsawˇ myahˇ uˬ moˆ dzaˬ tehꞈ-a. Dzeuˇ laˇ ngeh kʼaˇ ya tahˬ puˬ-euˬ shaˬ zahˬ dawˬ tawˆ, dzeuˇ-iˇ jiˇ-awˇ ya ngehˇ byoˆ jiˇ tehꞈ-a.”

Yoˇhaˬ 16:21

Zaˬ miˬ zaˬ tiˬ gʼaˬ zaˬ baw-eu lehˇ gʼeh ngeh, shaˬ zahˬ ya mˇ-eu aˇ yamˬ keuˆ le-euˬ miˇ neh noeˬ shaˬ-eu meh. Ehˇ kʼawꞈ, zaˬ ciˬ doˆ leꞈ gʼaˬ ngeh, shaˬ zahˬ naꞈ-eu jeˬ-ahˇ ngehˇ jiˇ-eu meh. Aˬ jeˬ miˇ neh ehˇ naˇ, zaˬ tiˬ gʼaˬ miˇ tsaˬ kʼoeˇ taˆ dehꞈ doˆ le-euˬ miˇ neh, aˬ yawꞈ laˬ kʼaꞈ cehˇ-eu meh.