Yawˇbaˆ 1:7 - Akha

⁷ “Nawˇ aˬ jeˬ mˇ mˇ-ehˇ jawˇ luꞈ te lehˇ” Saˬdaˬ-ahˇ Sahˬpaˬ Miˬyehˇ naˇ haˬ ngeh, “Miˇ tsaˬ tahˬ kʼawˇ doe ni cah cah-ehˇ jawˇ luꞈ-eu ma lehˇ” Saˬdaˬ ehˇ-eu meh.

Yawˇbaˆ 1:7 Iomraidhean Croise

2 Sahˬpaˬ 5:25

Kʼoeˇ naˇ, zaˬ kʼaˆ kʼoeˇ nyiˬ gʼaˬ-ahˇ bi gʼoꞈ leˇ-euˬ meh. Aˬ yawꞈ nymˇ laꞈ kʼoeˇ gʼoꞈ uˇ leˇ ngeh, “Nawˇ aˬ gaˇ iˇ teˬ” lehˇ, Eˇliˇshehˇ naˇ haˬ-euˬ meh. “Ngaˇ tiˬ gaˇ-iˬ maˬ iˇ-aˬ” lehˇ aˬ yawꞈ ehˇ kʼoꞈ nehˬ-euˬ meh.

Yawˇbaˆ 2:2

“Nawˇ aˬ gaˇ iˇ teˬ” lehˇ Saˬdaˬ-ahˇ Sahˬpaˬ Miˬyehˇ naˇ haˬ ngeh, “Miˇ tsaˬ tahˬ kʼawˇ doe ni cah cah-ehˇ jawˇ luꞈ-eu ma” lehˇ Saˬdaˬ ehˇ-eu meh.

Zaˬkaˬliˇ 6:7

Mahˬ mahˬ byaꞈ kʼoeˇ deuˬ doˆ laˇ ngeh, mehˬ hu paw maˬ iˇ mawꞈ ni, miˇ tsaˬ tahˬ kʼawˇ doe ni pyehˆ tseˇ-eu lehˇ gʼeh-awˇ, “Miˇ tsaˬ tahˬ kʼawˇ doe ni pyehˆ tseˇ-iˇ-awˬ” lehˇ mˬ taˆ gʼaˬ kʼehˇ kʼoeˇ gʼaˬ ehˇ nehˬ ngeh, aˬ yawꞈ maꞈ pyehˆ tseˇ-iˇ-euˬ meh.

Maꞈtehˬ 12:43

“Tsawˇ haˬ tiˬ gʼaˬ laꞈ kʼoeˇ jawˇ-eu nehꞈ yaw jawꞈ tiˬ mawˇ doˆ-iˇ-awˇ, gui coˇ ni gʼeh-eu miˇ kʼahˬ-ahˇ gʼaˬ naˬ naˬ duˬ poˆ-iˇ ngeh, maˬ poˆ mawˇ nya-a.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Panmaeq 20:8

Aˬ yawꞈ doˆ-iˇ-awˇ, miˇ ma oeˬ coeˇ oeˬ pyawˬ-ahˇ jawˇ-eu Gawˇgaˆ hawˇ-eu Maˬgawˇgaˆ tsawˇ jeuˬ deuˬ-ahˇ jaˬ myawꞈ mehˇ shuiˇ shuiˇ tehꞈ-a. Nehꞈ Saˬdaˬ-aˬ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu aˬ yawꞈ maꞈ-ahˇ guiˇ deuˆ-eu gʼaˇ duˬ sheuˬ uiˬ laꞈ tehꞈ-a.