Yawˇbaˆ 1:6 - Akha

⁶ Mˬ taˆ gʼaˬ kʼehˇ deuˬ Sahˬpaˬ Miˬyehˇ jawˇ gaˇ ya uiˬ laˇ-eu aˇ nah keuˆ laˇ ngeh, nehꞈ Saˬdaˬ gʼaˬ kʼawꞈ laˇ taˬ-euˬ meh.

Yawˇbaˆ 1:6 Iomraidhean Croise

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

Aˇ dahˬ 6:4

Aˇ nah aˇ yamˬ kʼoeˇ yamˬ laꞈ kʼoeˇ maˬ ehˇ, kʼoeˇ sawˇ miˇ tsa dehꞈ ka leꞈ-euˬ aˇ nah aˇ yamˬ deuˬ laꞈ kʼoeˇ maˬ ehˇ, mˬ taˆ zaˬ yo deuˬ hawˇ-eu miˇ tsa zaˬ miˬ deuˬ sheuˬ dahˬ dzaˬ taꞈ-awˇ dehꞈ le-euˬ, aˇ gahˬ aˇ goˇ muiˬ dui dui-eu tsawˇ haˬ zaˬ deuˬ jawˇ-euˬ meh. Tsawˇ haˬ kʼoeˇ deuˬ-aˬ, huiˬ-eu gaˇ deuˬ mˇ-awˇ tsawˇ myahˇ doˆ dui dui-euˬ, aˇ hu ba-euˬ tsawˇ haˬ deuˬ pyeuꞈ-eu meh.

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

1 Laˬsaˬbaˬ 21:1

Saˬdaˬ-aˬ, Iˇsaˬleˬlaˆ tsawˇ haˬ deuˬ-ahˇ laˆ bahˬ mawꞈ-eu miˇ neh, miˇ kʼahˬ zaˬ-euˬ tsawˇ seˬ gʼoˆ-eu gʼaˇ duˬ Daˬbiˇ noeˬ tsehˆ laˇ ni jahˇ-euˬ meh.

2 Laˬsaˬbaˬ 18:20

Kʼoeˇ ngeh, yaw sahˇ tiˬ sahˇ mehˬ hu paw doˆ laˇ-awˇ, Sahˬpaˬ Miˬyehˇ-euˬ dawˬ peh le-awˇ, ‘Aˬ yawꞈ-ahˇ ngaˇ mehˇ shuiˇ shuiˇ-iˇ ma’ lehˇ ehˇ-eu meh. ‘Aˬ joˆ-ehˇ shuiˇ-iˇ nmˇ’ lehˇ aˬ yawꞈ-ahˇ Sahˬpaˬ Miˬyehˇ naˇ haˬ-euˬ meh.

Yawˇbaˆ 2:1

Mˬ taˆ gʼaˬ kʼehˇ deuˬ Sahˬpaˬ Miˬyehˇ mehˬ shi ya uiˬ laˇ-eu aˇ nah tiˬ poˆ paˇ keuˆ laˇ ngeh, nehꞈ Saˬdaˬ gʼaˬ kʼawꞈ laˇ taˬ-euˬ meh.

Yawˇbaˆ 2:3

Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 38:7

Kʼoeˇ ngeh nah uˬ bya bya laˇ ngeh, aˬ guiˇ deuˬ tiˬ kawˆ loꞈ-ehˇ caˇ dawˬ caˇ-awˇ, mˬ taˆ gʼaˬ kʼehˇ deuˬ laˬ kʼaˬ cehˇ-awˇ guˇ-euˬ meh.

Jaceuq 103:20

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, aˬ yawꞈ-euˬ ehˇ dawˬ naˇ haˬ-eu, gʼaˬ kʼaˆ-awˇ baoˬ huiˬ-eu mˬ taˆ gʼaˬ kʼehˇ deuˬ-oˇ, Sahˬpaˬ Miˬyehˇ-ahˇ ja ceuˬ-awˬ.

Daˬyeˬlaˇ 3:25

“Toˆ-ehˇ ngeuˇ naˇ, aˬ jeˬ miˇ neh miˬ dzaˬ laꞈ kʼoeˇ tsawˇ haˬ oeˬ gʼaˬ cah luꞈ-eu ngaˬ-ahˇ mawˇ laˇ ta. Aˬ yawꞈ maꞈ-ahˇ aˇ caˆ gʼeh maˬ paꞈ taˬ-ehˇ, miˬ dzaˬ lahˇ leˇ gaˇ jiˇ maˬ duˇ nga. Oeˬ gʼaˬ tiˬ gʼaˬ miˬ yehˇ-euˬ aˬ li-ahˇ duˇ nga” lehˇ, aˬ yawꞈ ehˇ-eu meh.

Zaˬkaˬliˇ 3:1

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Sahˬpaˬ Miˬyehˇ ngaˬ- ahˇ heu loꞈ-ehˇ paˇ bi mawˇ laꞈ-euˬ meh. Piˇ ma yaw huiˬ gʼaˬ pyeuꞈ-eu Yawˇshuˆ-aˬ, Sahˬpaˬ Miˬyehˇ-euˬ mˬ taˆ gʼaˬ kʼehˇ dawˬ peh yawꞈ luꞈ-awˇ, aˬ yawꞈ-euˬ dawˬ peh nehꞈ saˬdaˬ yawꞈ luꞈ-awˇ, aˬ yawꞈ-ahˇ yaˇ kʼaˬ ja-eu lehˇ gʼeh-eu meh.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Luˇkaꞈ 22:31

“Siˇmoˬ-oˇ, Siˇmoˬ-oˇ, haw taˬ-awˬ. Cehˇ baw shawˇ-eu loꞈ-ehˇ, yaw muiˬ yaw doeˇ siˬ duˬ laˇ ni naw maꞈ dawˬ tawˆ luꞈ-ahˇ lawˬ haw-eu gʼaˇ duˬ, nehꞈ Saˬdaˬ a kawˬ-aˬ za taˬ-euˬ meh.

Luˇkaꞈ 3:38

Iˇnoˆ, Seˬtaˆ, Aˬdaˬ, Miˬyehˇ.

Yoˇhaˬ 6:70

Yeˬsuˇ ehˇ-eu,“Naw maꞈ tseˇ nyiꞈ gʼaˬ-ahˇ ngaˬ neh tseˇ doˆ-euˬ maˬ ngeuˇ-a loˇ. Ehˇ kʼawꞈ, naw maꞈ laꞈ kʼoeˇ tiˬ gʼaˬ-aˬ, Nehꞈsahˬpaˬ meh.”