Yawˇbaˆ 1:3 - Akha

³ Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Yawˇbaˆ 1:3 Iomraidhean Croise

Aˇ dahˬ 12:16

Saˬlehˇ baˬ da neh, sahˬ paˬ kʼoeˇ gʼaˬ Aˬbyaˬ-ahˇ yaw muiˬ paˬ-ehˇ caw ba nehˬ-awˇ, yawˇ yawˇ maꞈ maˬ ehˇ, ciꞈ myehꞈ ciꞈ maꞈ maˬ ehˇ, mawˇ neˇ mawˇ maꞈ maˬ ehˇ, mahˬ tahˬ laˆ deuˬ maˬ ehˇ, zaˬ kʼaˆ deuˬ maˬ ehˇ, law taw deuˬ maˬ ehˇ, biꞈ nehˬ-euˬ meh.

Aˇ dahˬ 12:5

Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 13:6

Aˬ nyaꞈ uiˬ zaˬ jeˬ zaˬ aˇ dzehˬ myaˬ dzeuˇ-eu miˇ neh, nyiˬ gʼaˬ luꞈ tiˬ gaˇ tehꞈ-ehˇ jawˇ-eu gʼaˇ duˬ, jeˬ zaˬ jawˇ kʼahˬ maˬ jeˇ-a.

Aˇ dahˬ 24:35

Sahˬpaˬ Miˬyehˇ-aˬ, ngaˬ-euˬ baw leˬ-ahˇ guiˬ lahˬ yaw kʼaˆ-ehˇ biꞈ-awˇ, smˇ muiˬ muiˬ dui dui-eu tsawˇ haˬ bi pyeuꞈ laˇ-euˬ meh. Myaˬ dui dui-eu yawˇ yawˇ maꞈ, ciˬ myehꞈ ciꞈ maꞈ hawˇ-eu, mawˇ neˇ mawˇ maꞈ deuˬ maˬ ehˇ, pyuˇ deuˬ shuiˇ deuˬ maˬ ehˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kʼaˆ deuˬ maˬ ehˇ, law taw hawˇ-eu mahˬ tahˬ laˆ deuˬ maˬ ehˇ, ngaˬ-euˬ baw leˬ-ahˇ aˬ yawꞈ biꞈ-euˬ meh.

Aˇ dahˬ 25:6

Aˬ yawꞈ-euˬ ma nyiˇ deuˬ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ laꞈ sawˬ biꞈ yaꞈ-euˬ meh. Kʼoeˇ naˇ, aˬ yawꞈ maꞈ-ahˇ Iˇtsaˆ jawˇ gaˇ neh bi doˆ-iˇ-awˇ, nahˇ ma doˆ kʼehˬ paw bi jawˇ-iˇ-euˬ meh.

Aˇ dahˬ 29:1

Kʼoeˇ naˇ, nahˇ ma doˆ kʼehˬ paw Yaˬkoˆ paˇ iˇ gʼeh-euˬ meh.

Aˇ dahˬ 32:14

Ciꞈ myehꞈ ciꞈ ma nyiˬ yaˇ ma, ciꞈ buˬ nyiˬ tseˇ mawˇ, yawˇ nyiˬ yaˇ ma, aˬ buˬ nyiˬ tseˇ mawˇ,

Aˇ dahˬ 34:23

Aˬ yawꞈ maꞈ kʼaˇ jawˇ-eu jeˬ zaˬ deuˬ hawˇ-eu, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ, aˬ dui-euˬ pyeuꞈ laˇ tehꞈ-a. Teu miˇ neh, aˬ yawꞈ maꞈ kʼaˇ ehˇ-eu loꞈ-ehˇ geuꞈ-awˇ, aˬ yawꞈ maꞈ-ahˇ aˬ dui maꞈ nehˬ-ehˇ bi jawˇ kaˇ-euˇ.”

2 Saˬmeuˬlaˆ 12:2

Smˇ muiˬ smˇ baw gʼaˬ mawˇ neˇ hawˇ-eu yawˇ gʼawˬ mya ni jawˇ-eu meh.

1 Sahˬpaˬ 4:30

Nahˇ ma doˆ kʼehˬ paw jawˇ-eu tsawˇ gahˇ ahˇ-eu deuˬ hawˇ-eu, Iˇjiˇtuˆ miˇ kʼahˬ-ahˇ jawˇ-eu tsawˇ gahˇ ahˇ-eu tsawˇ haˬ deuˬ naˆ maˬ tseˇ, Sawˇlaˬmoˬ-euˬ tsawˇ gahˇ dzehˬ-eu meh.

2 Sahˬpaˬ 15:20

Meˬnaˇheˬ-aˬ, Iˇsaˬleˬlaˆ tsawˇ haˬ smˇ muiˬ smˇ baw deuˬ-ahˇ, tiˬ gʼaˬ-euˬ pyuˇ ngaˬ tseˇ byaˆ taꞈ uiˬ-awˇ, Aˬshuˇliˆ sahˬ paˬ-ahˇ biꞈ-euˬ meh. Kʼoeˇ ngeh, Tiˇgaˬlaˇpaˬleˬsaˬ gʼaˬ aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh.

2 Sahˬpaˬ 3:4

Mawˇbaˆ sahˬ paˬ Meˬshaˬ-aˬ, yawˇ cu-eu tsawˇ haˬ pyeuꞈ-awˇ, tiˬ kʼoꞈ-euˬ yawˇ zaˬ tiˬ seh mawˇ maˬ ehˇ, yawˇ tiˬ seh mawˇ-ahˇ tehˬ uiˬ-euˬ yawˇ caꞈ hm deuˬ maˬ ehˇ, Iˇsaˬleˬlaˆ sahˬ paˬ-ahˇ ya biꞈ-eu meh.

1 Laˬsaˬbaˬ 27:30

Iˇshaˬmeˬlaˇ tsawˇ jeuˬ Awˇbiˇlaˆ-aˬ, law taw deuˬ-ahˇ haw-eu pyaˆ-eu gʼaˬ geuꞈ-euˬ meh. Meˬlawˇnawˆ meuˬ-ahˇ jawˇ-eu Yeˬdehˇyaˬ-aˬ, mahˬ tahˬ laˆ deuˬ-ahˇ haw-eu pyaˆ-eu gʼaˬ geuꞈ-euˬ meh.

2 Laˬsaˬbaˬ 26:10

Deh ga doe ni kʼawꞈ, ziꞈ dah ni gʼeh-eu loꞈ-eu nymˇ goˇ deuˬ tsoˆ taˬ-awˇ, iˇ cuꞈ lah gʼawˬ mya ni duˬ taˬ-euˬ meh. Aˬ jeˬ miˇ neh ehˇ naˇ, nahˇ ma ga kʼehˬ paw gawˬ jawˬ dawˬ dahˬ hawˇ-eu deh ga deuˬ-ahˇ, aˬ yawꞈ jeˬ zaˬ gʼawˬ mya ni cu taˬ-euˬ meh. Ka dzaˬ ka dawˇ-eu paw aˬ yawꞈ nui ma ahˇ-eu loꞈ-ehˇ gawˬ jawˬ gawˬ duˇ doe ni aˬ gaꞈ yaˇ kmˇ mˇ-eu gʼaˇ duˬ maˬ ehˇ, miˇ muiˬ muiˬ-eu miˇ tsaˬ deuˬ yawꞈ ngehꞈ-ehˇ maˬ bi jaˆ ni mˇ dzaˬ-eu gʼaˇ duˬ maˬ ehˇ, miˇ kʼahˬ zaˬ deuˬ-ahˇ aˬ yawꞈ gʼaˬ biꞈ-euˬ meh.

2 Laˬsaˬbaˬ 32:29

Kʼoeˇ uˬ taꞈ, yawˇ deuˬ, mawˇ neˇ deuˬ hawˇ-eu pyuˇ shuiˇ myawˬ gahˬ gʼawˬ mya ni Miˬyehˇ neh aˬ yawꞈ-ahˇ paˇ biꞈ-euˬ miˇ neh, meuˬ gʼawˬ mya meuˬ aˬ yawꞈ tsoˆ-euˬ meh.

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Yawˇbaˆ 1:4

Yawˇbaˆ-euˬ aˬ li deuˬ-aˬ, tiˬ gʼaˬ tiˬ poˆ tiˬ poˆ-ehˇ, yawˬ ha-euˬ nymˇ laꞈ kʼoeˇ dawˬ tawˆ luꞈ-ahˇ hawˬ byawˇ lawˇ-awˇ, aˬ yawꞈ maꞈ-euˬ dmˇ ma deuˬ-ahˇ kʼawꞈ kuˇ-awˇ bi dzaˬ bi dawˇ-eu meh.

Yawˇbaˆ 21:28

Yaw haiˬ jeˬ mˇ-euˬ, tsawˇ myahˇ doˆ-eu tsawˇ haˬ kʼoeˇ gʼaˬ-euˬ nymˇ aˬ geu gaˇ jaˆ ta lehˇ naw maꞈ naˇ haˬ-eu meh.

Yawˇbaˆ 29:25

Aˬ yawꞈ maꞈ-ahˇ ngaˇ sheuˬ gʼeh-awˇ, ngehˬ tsehˆ ehˇ tsehˆ-eu gʼaˬ geuꞈ-euˬ ma. Guiˇ maꞈ-ahˇ sheuˬ gʼeh-eu sahˬ paˬ loꞈ-ehˇ aˬ yawꞈ maꞈ-ahˇ ngaˇ sheuˬ gʼeh-awˇ, nui ma cawˆ ngeh gʼaˬ biꞈ nehˬ-euˬ ma.

Yawˇbaˆ 31:25

ngaˬ-euˬ pyuˇ shuiˇ-ahˇ ngaˇ nui ma maˬ huiˬ haw-aˬ.

Yawˇbaˆ 31:37

Ngaˬ neh kʼaˇ mˇ kʼaˇ shaˇ-euˬ yawˬ jeˬ na luꞈ Miˬyehˇ-ahˇ ngaˇ dzawˇ nehˬ-awˇ, aˬ yawꞈ-euˬ mehˬ shi ngaˬ-euˬ uˬ duˬ mˇ jeh haw nehˬ ma.

Yawˇbaˆ 42:10

Kʼoeˇ naˇ, aˬ yawꞈ-euˬ cawˬ kʼoeˇ smˇ gʼaˬ gʼaˇ duˬ Yawˇbaˆ guiˬ lahˬ shaˇ gʼaˬ ngeh, Sahˬpaˬ Miˬyehˇ neh aˬ yawꞈ-ahˇ baw le za le-eu guiˬ lahˬ paˇ biꞈ nehˬ-awˇ, yaw beh myaˆ maˬ tseˇ nyiˬ bymˇ paˇ bi jaˆ dzehˬ laˇ-euˬ meh.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Yeˬlaˬmiˇ 49:28

Geˬdaˬ tsawˇ jeuˬ gaˇ kawˆ hawˇ-eu Baˬbuˇloˬ sahˬ paˬ Neˬbuˬkaˬneˬzaˬ neh deuˆ gʼaˬ-euˬ miˇ kʼahˬ pyeuꞈ-eu, Haˬzawˇ meuˬ uˆ lahˇ-eu uˬ moˆ jawˇ-eu gahˬ kaˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Geˬdaˬ tsawˇ jeuˬ-ahˇ guiˇ deuˆ-awˇ. Nahˇ ma doˆ kʼehˬ paw jawˇ-eu tsawˇ jeuˬ kʼoeˇ jeuˬ-ahˇ laˆ cawˆ nehˬ-awˬ.

Bawˇtsahˬ 23:7

Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ ehˇ-eu meh. “Mawˇbaˆ sahˬ paˬ-aˬ, Suˇliˆ miˇ kʼahˬ-ahˇ neh ngaˬ-ahˇ sheuˬ laꞈ-euˬ meh. Nahˇ ma doˆ kʼehˬ paw jaˆ-eu gawˬ jawˬ deuˬ-ahˇ neh, aˬ yawꞈ ngaˬ-ahˇ sheuˬ laꞈ-euˬ meh. Aˬ yawꞈ gʼaˇ duˬ dawˬ ngehˬ-eu laꞈ kʼoeˇ, ‘Iˇsaˬleˬlaˆ tsawˇ haˬ deuˬ-ahˇ yaˬ kʼehˇ yaˬ laˇ-awˬ’ lehˇ, aˬ yawꞈ ngaˬ-ahˇ ehˇ-eu meh.

Yaˇ kʼaˬ daˇ 6:3

Iˇsaˬleˬlaˆ tsawˇ haˬ deuˬ siˬ yoeˬ kʼaˇ sehˬ ngeh, Miˇdiˬyaˬ tsawˇ haˬ deuˬ bawˇ tsahˬ bawˇ dahˇ-ahˇ jawˇ-eu Aˬmaˬlehˇ tsawˇ haˬ deuˬ nehˬ-ehˇ oe-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

Yaˇ kʼaˬ daˇ 6:5

Aˬ yawꞈ maꞈ-aˬ, aˬ yawꞈ maꞈ-euˬ jeˬ zaˬ teh-awˇ, aˬ yawꞈ maꞈ-euˬ sehˬ gʼawˆ tawˬ-awˇ oe ngeh, nyehˇ bahˇ baˬ maꞈ loꞈ-ehˇ myaˬ dui dui-eu meh. Aˬ yawꞈ maꞈ hawˇ-eu aˬ yawꞈ maꞈ-euˬ law taw deuˬ maˬ gui jiˇ coeˇ-a. Aˬ yawꞈ maꞈ oe-awˇ miˇ kʼahˬ kʼoeˇ kʼahˬ-ahˇ laˆ luˬ laˆ seˇ-euˬ meh.

Yaˇ kʼaˬ daˇ 7:12

Miˇdiˬyaˬ tsawˇ haˬ, Aˬmaˬlehˇ tsawˇ haˬ hawˇ-eu, nahˇ ma doˆ kʼehˬ paw jawˇ-eu tsawˇ jeuˬ deuˬ, deh kʼawꞈ kʼawꞈ lah ni nyehˇ bahˇ baˬ maꞈ uiˬ leˇ taˬ-euˬ loꞈ-ehˇ jawˇ byah taˬ-awˇ, aˬ yawꞈ maꞈ-euˬ law taw deuˬ kʼawꞈ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu meh.

Yaˇ kʼaˬ daˇ 8:10

Zeˬbah hawˇ-eu Zaˬlaˬmoˇnaˬ aˬ nyaꞈ-aˬ, aˬ yawꞈ nyaꞈ-euˬ guiˇ maꞈ deuˬ nehˬ-ehˇ Kaˬkawˬ meuˬ-ahˇ jawˇ luꞈ-eu meh. Nahˇ ma doˆ kʼehˬ paw jawˇ-eu tsawˇ jeuˬ deuˬ-euˬ guiˇ guiˇ maꞈ maꞈ lah ni laꞈ kʼoeˇ, tiˬ seh nyiˬ muiˇ gʼaˬ bi sehꞈ-awˇ, tiˬ muiˇ ngaˬ heˇ gʼaˬ tehꞈ-ehˇ dzeˇ yaꞈ-euˬ meh.

1 Saˬmeuˬlaˆ 25:2

Maˬoˬ meuˬ laꞈ kʼoeˇ smˇ muiˬ muiˬ dui dui-eu tsawˇ haˬ tiˬ gʼaˬ jawˇ-eu meh. Gaˬlaˬmeˬlaˇ meuˬ laꞈ kʼoeˇ, aˬ yawꞈ-euˬ deh yaˇ hawˇ-eu mˇ myawˬ gʼawˬ mya ni jaˆ-eu meh. Yawˇ smˬ heˇ mawˇ hawˇ-eu ciꞈ myehꞈ tiˬ heˇ mawˇ jawˇ-awˇ, Gaˬlaˬmeˬlaˇ meuˬ-ahˇ aˬ yawꞈ yawˇ caꞈ hm tehˬ luꞈ-eu meh.

1 Saˬmeuˬlaˆ 27:9

Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ-ahˇ aˬ yawꞈ maꞈ sehꞈ-awˇ, yawˇ, mawˇ neˇ, mahˬ tahˬ laˆ, law taw heu deuˬ tsahˇ geuꞈ-euˬ uˬ taꞈ, dm gʼaˬ dm lmˇ-ahˇ keuˆ ni yuˇ-awˇ, Aˬkiˇ jawˇ gaˇ gʼoꞈ leˇ-euˬ meh.