Yawˇbaˆ 1:20 - Akha

²⁰ Kʼoeˇ ngeh, Yawˇbaˆ tsawˬ tuˇ laˇ-awˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-euˬ meh. Aˬ yawꞈ uˬ jehˆ jehˆ dzeh-awˇ, miˇ tsaˬ-ahˇ moꞈ tsahˬ-ehˇ yuꞈ-euˬ meh.

Yawˇbaˆ 1:20 Iomraidhean Croise

Aˇ dahˬ 37:29

Lah duˬ-ahˇ Luˇbeˬ haw-iˇ ngeh, Yoˇsehˆ-ahˇ maˬ paˇ ya mawˇ-euˬ miˇ neh, noeˬ shaˬ dui dui-eu laꞈ kʼoeˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

Aˇ dahˬ 37:34

Yaˬkoˆ-aˬ, noeˬ shaˬ dui dui-eu miˇ neh, aˬ yawꞈ dm luꞈ-eu mehˬ tsoeˬ cehˬ pyaˬ cehˬ shaˇ jiˇ-awˇ, noeˬ shaˬ ngeh dm-eu guˬ daˇ pehˇ zeuˇ mehˬ tsoeˬ dm-awˇ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ meh.

2 Sahˬpaˬ 2:12

Kʼoeˇ loꞈ-ehˇ sheuˬ kʼoꞈ daˆ gʼeh luꞈ gaˇ Eˇliˇshehˇ ya mawˇ-awˇ, Eˇliˇyaˆ-ahˇ, “Ngaˬ da-oˇ, Iˇsaˬleˬlaˆ miˇ kʼahˬ-ahˇ haw piˇ-eu gʼaˬ pyeuꞈ-eu baoˬ huiˬ-eu ngaˬ da-oˇ, nawˇ ngaˬ-ahˇ taꞈ yaꞈ-euˬ ma loˇ” lehˇ, guˇ guˇ-ehˇ ehˇ-eu meh. Kʼoeˇ ngeh neh naˇ, Eˇliˇyaˆ-ahˇ aˬ yawꞈ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Eˇliˇshehˇ noeˬ shaˬ-eu laꞈ kʼoeˇ, aˬ yawꞈ-euˬ pehˇ kʼahˬ pehˇ mahˇ lehˆ-awˇ, nyiˬ paˆ cehˬ paˆ doˆ gʼeh-euˬ meh.

2 Laˬsaˬbaˬ 7:3

Mˬ kʼoeˇ taˆ neh miˬ dzaˬ ga le-awˇ, Uˬ duˬ tahˬ nymˇ nymˇ ma laꞈ kʼoeˇ yaw shehꞈ bya gaˇ Iˇsaˬleˬlaˆ tsawˇ haˬ deuˬ ya mawˇ ngeh, miˇ tsa awˆ byaˆ-awˇ, Miˬyehˇ-ahˇ uˬ duˬ tahˬ-eu laꞈ kʼoeˇ, aˬ yawꞈ-euˬ guiˬ lahˬ hawˇ-eu mˬ maˬ maˬ byaˆ zaˇ ziˇ ziꞈ-eu aˬ yawꞈ-euˬ gʼoeˇ-eu gaˬ-eu jeˬ-ahˇ ja ceuˬ-euˬ meh.

Eˇzaˬlaˬ 9:3

Gaˇ kawˆ kʼoeˇ ngaˇ ya gaˬ ngeh, nui ma cawˆ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, uˬ duˬ tsehˇ kahˇ hawˇ-eu mehˬ mahˬ gʼawˇ doˆ-awˇ dzuˇ-euˬ ma.

Yawˇbaˆ 1:19

Kʼoeˇ ngeh, kʼaˇ shuiꞈ deh yaˇ paw neh jaˬ lehˇ lehˇ ma baw gʼeh laꞈ-awˇ, nymˇ kʼoeˇ nymˇ baw coˬ-awˇ, aˬ yawꞈ maꞈ dawˬ tawˆ luꞈ shiˇ jiˇ-euˬ meh. Gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Yawˇbaˆ 2:12

Aˬ yawꞈ maꞈ maˬ iˇ keuˆ mi naˆ-ehˇ, ui cuiˆ gaˇ mahˇ kaˬ ngeh neh Yawˇbaˆ-ahˇ ya mawˇ-euˬ kʼawꞈ, maˬ haw siˬ nya-a. Yawˇbaˆ-ahˇ haw siˬ ngeh jawˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, kʼoeˇ taˆ paw kʼaˬ lehˇ byaˆ byaˆ-ehˇ yawˬ ha-euˬ uˬ duˬ-ahˇ byaˆ daˆ-awˇ, guˇ guˇ-ehˇ ngoeˇ-euˬ meh.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Maꞈtehˬ 26:39

Aˬ yawꞈ ui cuiˆ iˇ jiˆ-awˇ, baˬ ba miˇ tsa tuˆ ni awˆ byaˆ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ dzeuˇ-iˇ nya naˇ, bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ. Nawˬ-euˬ nui noeˬ bi pyeuꞈ-awˬ.”

Dawˬmehˬ 9:18

Kʼoeˇ naˇ, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ-euˬ mehˬ shi ngaˇ awˆ byaˆ-awˇ, maˬ dzaˬ maˬ dawˇ ni jawˇ-euˬ ma. Naw maꞈ Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ nui ma pehˇ ni jahˇ-euˬ baˬ da neh, ngaˇ kʼoeˇ loꞈ-ehˇ jawˇ-euˬ ma.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

1 Beˬtuˆluˆ 5:6

Miˬyehˇ neh noeˬ taˬ-euˬ aˇ yamˬ tsaˬ laˇ ngeh, aˬ cawˬ kʼoeˇ taˆ naw maꞈ-ahˇ ciˬ huiˬ ciˬ mahˇ nehˬ laꞈ ni, Miˬyehˇ-euˬ baoˬ huiˬ-eu aˬ laꞈ uˬ moˆ naw maꞈ nui ma nahˬ yu ni taˬ-awˬ.