Yawˇbaˆ 1:2 - Akha

² Aˬ yawꞈ-aˬ, aˬ li shiꞈ li jawˇ-awˇ, aˬ buˇ smˬ buˇ jawˇ-eu meh.

Yawˇbaˆ 1:2 Iomraidhean Croise

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

Yawˇbaˆ 13:13

Ciˬ cuˇ ni jawˇ-awˇ ngaˇ ja gaˇ naˇ haˬ sheˇ. Ngaˬ-euˬ kʼoeˇ taˆ kʼaˇ keuˆ le-eu jeˬ, ehˬ-ehˇ keuˆ le luꞈ-uˇ.

Yawˇbaˆ 42:10

Kʼoeˇ naˇ, aˬ yawꞈ-euˬ cawˬ kʼoeˇ smˇ gʼaˬ gʼaˇ duˬ Yawˇbaˆ guiˬ lahˬ shaˇ gʼaˬ ngeh, Sahˬpaˬ Miˬyehˇ neh aˬ yawꞈ-ahˇ baw le za le-eu guiˬ lahˬ paˇ biꞈ nehˬ-awˇ, yaw beh myaˆ maˬ tseˇ nyiˬ bymˇ paˇ bi jaˆ dzehˬ laˇ-euˬ meh.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Yawˇbaˆ 42:13

Aˬ yawꞈ-aˬ, aˬ li shiꞈ li hawˇ-eu aˬ buˇ smˬ buˇ-euˬ aˬ da meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Jaceuq 128:3

Nawˬ-euˬ miˬ zaˬ-aˬ, nawˬ-euˬ nymˇ-ahˇ dehꞈ-eu aˇ siˬ sahˇ-eu aˬ gaꞈ baw duˆ-ahˇ duˇ-awˇ, Nawˬ-euˬ aˬ li deuˬ-aˬ, nawˬ-euˬ hawˬ jeh tiˬ jawˬ dehꞈ-eu saˬ loˬ kahˬ zaˬ-ahˇ duˇ tehꞈ-a.