Yawˇbaˆ 1:10 - Akha

¹⁰ Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Yawˇbaˆ 1:10 Iomraidhean Croise

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Aˇ dahˬ 30:30

Ngaˇ maˬ laˇ keuˆ mi naˆ-ehˇ nawˬ-euˬ jeˬ zaˬ ui cuiˆ tehꞈ-ehˇ jawˇ-euˬ kʼawꞈ, nymˬ-mˇ myaˬ dui dui laˇ taˬ-euˬ meh. Ngaˇ kʼaˇ iˇ kʼaˇ laˇ, kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-eu meh. Nymˬ-mˇ poˆ jawˇ-aˬ, ngaˇ kʼawꞈ nymˇ dahˬ dahˬ doˆ-iˇ-awˇ, yawˬ ha-euˬ miˬ sawˇ zaˬ deuˬ-ahˇ mˇ cu-eu aˇ yamˬ tsaˬ laˇ-euˬ meh.”

Aˇ dahˬ 30:43

Kʼoeˇ miˇ neh, Yaˬkoˆ smˇ muiˬ muiˬ dui dui laˇ-awˇ, yawˇ maˬ ehˇ, ciꞈ myehꞈ maˬ ehˇ, zaˬ kʼaˆ maˬ ehˇ, law taw maˬ ehˇ, mahˬ tahˬ laˆ maˬ ehˇ, jawˇ myaˬ dui dui laˇ-euˬ meh.

Aˇ dahˬ 39:5

Iˇjiˇtuˆ tsawˇ haˬ kʼoeˇ gʼaˬ-euˬ nymˇ jiˇ-ahˇ Yoˇsehˆ haw pyaˆ dahˬ beh ngeh nah neh, Yoˇsehˆ baˬ da neh nymˇ kʼoeˇ nymˇ-ahˇ Sahˬpaˬ Miˬyehˇ guiˬ lahˬ biꞈ-eu loꞈ-ehˇ, nymˇ laꞈ kʼoeˇ laꞈ nyiˇ kʼaˇ jaˆ-eu tsawˇ haˬ kʼoeˇ gʼaˬ-euˬ pyuˇ shuiˇ myawˬ gahˬ deuˬ myaˬ laˇ luꞈ-eu meh.

Aˇ dahˬ 49:25

Nawˬ da-euˬ Miˬyehˇ nawˬ-ahˇ caw ba tehꞈ-a. Nawˬ-ahˇ guiˬ lahˬ yaw dzahˇ biꞈ-eu yaw sahˇ Baoˬ huiˬ-eu Miˬyehˇ-aˬ, Mˬ kʼoeˇ taˆ neh yoeˇ le-euˬ uˬ yehˇ iˇ cuꞈ hawˇ-eu Miˇ tsaˬ dawˬ dah neh doˆ laˇ-euˬ iˇ cuꞈ biꞈ nehˬ laꞈ tehꞈ-a. Zaˬ oeˬ sahˇ-awˇ jeˬ zaˬ behˇ ni, aˬ yawꞈ guiˬ lahˬ biꞈ laꞈ tehꞈ-a.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Yawˇbaˆ 29:2

“Ngaˇ yaw dehꞈ dehꞈ-eu heu, dzeuˇ laˇ ngeh Miˬyehˇ haw piˇ laꞈ ngeh loꞈ-ehˇ, paˇ ya dehꞈ poˆ law nmˇ duˇ nya.

Yawˇbaˆ 29:6

Mawˇ neˇ aˬ coeˇ hawˇ-eu ciꞈ myehꞈ aˬ coeˇ tiˬ byah jaˆ-awˇ, kʼaˬ lo lo gahˬ-ahˇ saˬ loˬ yaˇ jaˆ-euˬ ma.

Yawˇbaˆ 31:25

ngaˬ-euˬ pyuˇ shuiˇ-ahˇ ngaˇ nui ma maˬ huiˬ haw-aˬ.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Jaceuq 34:7

Yawꞈ-ahˇzeu-eu deuˬ-euˬtiˬjawˬ, mˬtaˆgʼaˬkʼehˇloꞈpiˇle-awˇ, guˆgaˆlaꞈkʼoeˇka kʼoꞈ-eu meh.

Jaceuq 5:12

SahˬpaˬMiˬyehˇ, nawˬ-euˬehˇdawˬ, naˇhaˬgeuꞈ-eu tsawˇhaˬdeuˬ-ahˇ, nawˇguiˬlahˬshehˬnehˬlawˇnehˬ-awˬ. Nawˬ-euˬgʼoeˇ-eu gaˬ-eu jeˬ-aˬ, guiˇdeuˆ-eu dehˬdaˬduˬloꞈ-ehˇ, yawꞈmaꞈ-ahˇ loꞈpiˇnehˬ-eu meh.

Jaceuq 71:21

Dzeuˇ laˇ ngeh naˆ maˬ tseˇ ciˬ huiˬ ciˬ mahˇ nehˬ laꞈ-eu laꞈ kʼoeˇ, nawˇ ngaˬ-ahˇ nui ma paˇ bi saˇ laˇ tehꞈ-a.

Jaceuq 80:12

Aˬ jeˬ miˇ neh baw duˆ kʼoeˇ duˆ-ahˇ mˇ jawˬ taˬ-euˬ yaˇ kmˇ-ahˇ nawˇ ngawˬ pyaˆ teˬ. Nymˬ-mˇ poˆ jawˇ kʼaˇ iˇ kʼaˇ laˇ tsehˆ-eu tsawˇ haˬ deuˬ aˬ gaꞈ aˇ siˬ pyaˆ kʼoeˬ dzaˬ nya-eu meh.

Jaceuq 90:17

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ guiˬ lahˬ yaw dzahˇ bi keuˆ le-awˬ. Nga maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, guiˬ lahˬ bi baw le-awˬ.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Iˇsaˬyaˇ 5:2

Aˬ yawꞈ yaˇ kmˇ duˬ ngeh kʼaˬ lo gʼoˆ dzeh jiˇ-awˇ, muiˬ dui dui-eu aˬ gaꞈ ciˇ ni deuˬ ka-euˬ meh. Aˬ gaꞈ yaˇ kmˇ-ahˇ loꞈ-eu yaˇ cmˇ cmˇ goˇ tsoˆ-awˇ, aˬ gaꞈ dzaˇ uiˇ lehˬ duˬ jahˇ gʼaˬ taˬ-awˇ, Aˬ gaꞈ aˇ siˬ awꞈ laˇ jiˇ ngeh keuˆ ni loꞈ keuˆ-euˬ meh. Ehˇ kʼawꞈ, aˬ gaꞈ aˇ siˬ dawˬ tawˆ luꞈ yaw cehˇ meh.

Iˇsaˬyaˇ 5:5

Ngaˬ-euˬ aˬ gaꞈ yaˇ kmˇ-ahˇ ngaˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ naw maꞈ-ahˇ ngaˇ ehˇ nehˬ nyaˇ. Aˬ gaꞈ baw duˆ mˇ lahˇ taˬ-euˬ pyaˆ dzeh nehˬ-awˇ, bawˇ tsahˬ jeˬ zaˬ neh bi dzaˬ jiˇ ma. Aˬ gaꞈ yaˇ kmˇ mˇ jawˬ taˬ-euˬ ngawˬ paˆ doˆ-awˇ, jeˬ zaˬ neh bi nawˬ byoˆ leꞈ ma.

Zaˬkaˬliˇ 2:5

Sahˬpaˬ Miˬyehˇ-euˬ mawˇ do miˬ dzaˬ kaˇ pyawˇ loꞈ-ehˇ meuˬ-ahˇ haw piˇ-eu uˬ taꞈ, aˬ yawꞈ-euˬ yaw shehꞈ kʼahˬ sehˇ dawˬ tawˆ luꞈ pi-awˇ kʼoeˇ gaˇ jawˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh lehˇ ehˇ nehˬ-awˬ.”

Zaˬkaˬliˇ 2:8

“Naw maꞈ-ahˇ kʼaˇ laˆ ciˆ-eu tsawˇ haˬ ngaˬ-euˬ myaˆ nuiˆ myaˆ naˆ-ahˇ laˆ ciˆ laˇ gaˇ duˇ tehꞈ-a” lehˇ Sahˬpaˬ Miˬyehˇ ehˇ-eu meh. Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ smˇ kʼoeˬ tahˇ joe joe-euˬ tsawˇ jeuˬ deuˬ jawˇ gaˇ, Baoˬ huiˬ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.

Dawˬmehˬ 33:11

Yawꞈ maꞈ tsawˇ jeuˬ gʼaˬ kʼaˆ laˇ ni, Sahˬpaˬ Miˬyehˇ caw ba nehˬ-awˬ. Yawꞈ maꞈ mˇ gaˇ nui ma tsaˬ-awˇ, muiˇ-eu deuˬ-ahˇ laˆ cawˆ nehˬ-awˇ, maˬ tuˇ laˇ coeˇ ni kʼehˬ nehˬ-awˬ.”

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

Dawˬmehˬ 7:13

Naw maꞈ tsawˇ haˬ myaˬ laˇ-awˇ, zaˬ oeˬ sahˇ jawˇ le ni, aˬ yawꞈ naw maꞈ-ahˇ gaˬ-awˇ guiˬ lahˬ biꞈ laꞈ tehꞈ-a. Dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, naw maꞈ-euˬ deh yaˇ hawˇ-eu yaˇ kmˇ deuˬ-ahˇ aˬ yawꞈ guiˬ lahˬ biꞈ laꞈ tehꞈ-a. Mawˇ neˇ hawˇ-eu yawˇ myaˬ laˇ behˇ laˇ ni, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Naw maꞈ-ahˇ biꞈ-eu gʼaˇ duˬ naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ guiˬ lahˬ heu deuˬ, aˬ yawꞈ naw maꞈ-ahˇ biꞈ nehˬ laꞈ tehꞈ-a.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

1 Saˬmeuˬlaˆ 25:16

Nga maꞈ aˬ yawꞈ maꞈ nehˬ-ehˇ jawˇ-awˇ yawˇ bo luꞈ ngeh, uˬ ciꞈ nah gʼahˇ maˬ ehˇ, nga maꞈ-ahˇ haw piˇ nehˬ laꞈ-euˬ meh.