Yawˇbaˆ 1:1 - Akha

¹ Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Yawˇbaˆ 1:1 Iomraidhean Croise

Aˇ dahˬ 10:23

Aˬlamˬ-euˬ zaˬ deuˬ uˆ deuˬ-aˬ, Uˇzaˆ tsawˇ jeuˬ, Huˇlaˆ tsawˇ jeuˬ, Geˬdeuˬ tsawˇ jeuˬ, Meˬshehˆ tsawˇ jeuˬ, heu deuˬ pyeuꞈ-eu meh.

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 22:12

“Aˬ li-ahˇ tiˬ jeˬ-iˬ taˬ paˇ jahˇ. Nawˇ Miˬyehˇ-ahˇ guˆ-eu gaˇ kawˆ nymˬ-mˇ ngaˇ ya siˬ duˬ-euˬ ma. Aˬ jeˬ miˇ neh ehˇ naˇ, aˬ li tiˬ gʼaˬ tehꞈ miˇ neh Miˬyehˇ-ahˇ maˬ lawˇ nehˬ peuˬ nya lehˇ nawˇ maˬ ehˇ-a” lehˇ, mˬ taˆ gʼaˬ kʼehˇ kʼoeˇ gʼaˬ Aˬbyaˬhaˬ-ahˇ ehˇ nehˬ-euˬ meh.

Aˇ dahˬ 36:28

Diˇshaˬ-aˬ, Uˇzaˆ aˇ jeuˬ hawˇ-eu Aˬlaˬ aˇ jeuˬ-euˬ aˬ da yaw dzahˇ pyeuꞈ-eu meh.

Aˇ dahˬ 42:18

Smˬ nah byah laˇ ngeh, aˬ ha mehˇ nmˇ-ahˇ Yoˇsehˆ heu loꞈ-ehˇ ehˇ nehˬ-euˬ meh. “Ngaˇ-aˬ, Miˬyehˇ-ahˇ guˆ-eu tsawˇ haˬ ma. Teu miˇ neh, ngaˬ neh kʼaˇ ehˇ-euˬ loꞈ-ehˇ naw maꞈ jahˇ naˇ, shiˇ gaˇ maˬ keuˆ ni bi dzeuˇ-iˇ ma.

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

1 Laˬsaˬbaˬ 1:17

Sheˬmaˆ-euˬ aˬ li deuˬ pyeuꞈ-eu Eˇlamˬ, Aˬshuˇlaˆ, Aˬpaˬshaˇ, Luˇdaˆ, Aˬlamˬ, Uˇzaˆ, Huˇlaˆ, Gaˬdeuˬ, Meˬshehˆ heu deuˬ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ meh.

Yawˇbaˆ 1:8

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ Yawˇbaˆ-ahˇ nawˇ siˬ nya ma loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh.”

Yawˇbaˆ 2:3

Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Yawˇbaˆ 4:6

Miˬyehˇ-ahˇ nawˇ uˬ duˬ tahˬ-awˇ, iˬ baˇ maˬ mˇ ni dehꞈ-euˬ meh. Kʼoeˇ miˇ neh nawˇ nui ma kʼaˬ duˬ ni taˬ-awˇ, noeˬ tmˬ-eu jeˬ bi jaˆ-eu tsaˬ meh.

Yawˇbaˆ 9:21

Ngaˇ iˬ baˇ maˬ-ahˇ. Ehˇ kʼawꞈ, yawˬ ngehꞈ meh. Yaw dehꞈ maˬ paˇ dehꞈ nahˇ miˇ-a.

Doˆ-iˇ 18:21

Kʼoeˇ uˬ taꞈ, tsawˇ haˬ heu deuˬ-ahˇ bi haw bi pyaˆ-eu gʼaˇ duˬ, gʼeh nya-eu deuˬ tseˇ doˆ-awˇ, aˇ heˇ gʼaˬ kʼoeˇ taˆ aˬ yuiꞈ geuꞈ-eu deuˬ, aˇ yaˇ gʼaˬ kʼoeˇ taˆ aˬ yuiꞈ geuꞈ-eu deuˬ, ngaˬ tseˇ gʼaˬ kʼoeˇ taˆ aˬ yuiꞈ geuꞈ-eu deuˬ hawˇ-eu, tseˇ gʼaˬ kʼoeˇ taˆ aˬ yuiꞈ geuꞈ-eu deuˬ lehˇ bi baw-eu tsaˬ tehꞈ-a. Aˬ yuiꞈ aˬ tsu geuꞈ-eu tsawˇ haˬ kʼoeˇ deuˬ-aˬ, Miˬyehˇ-ahˇ guˆ-awˇ, jah coeˇ paˬ-ehˇ gʼeh-eu uˬ taꞈ, pyuˇ shuiˇ myaˆ pyawˬ-ahˇ maˬ haw-eu yaw tsaˬ yaw dawˇ tsawˇ haˬ deuˬ ya bi pyeuꞈ tehꞈ-a.

Dawqdaq 14:16

Tsawˇ gahˇ ahˇ-eu deuˬ yaw haiˬ jeˬ yahˇ dzeuˇ nya kʼawꞈ, dawˇ ga deuˬ maˬ noeˬ duˬ mi naˆ-ehˇ aˬ laꞈ keuˆ leˇ-eu meh.

Dawqdaq 14:2

Yaw sui yaw dawˇ deuˬ Sahˬpaˬ Miˬyehˇ-ahˇ guˆ-awˇ, maˬ sui maˬ dawˇ-eu deuˬ aˬ yawꞈ-ahˇ yaw zeu maˬ baw-a.

Dawqdaq 16:17

Tsawˇ muiˬ-euˬ gaˇ jawˬ yaw haiˬ-ahˇ gaˇ jaw jaw-awˇ, yawˬ ha gaˇ ma yawˬ ha yahˇ-awˇ cah naˇ, yawˬ ha-euˬ saꞈ laˇ-ahˇ haw piˇ gaˇ duˇ-eu meh.

Dawqdaq 16:6

Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.

Dawqdaq 20:7

Aˬ da yaw sui yaw dawˇ, zaˬ oeˬ jeˬ biˇ guiˬ lahˬ.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Yeˬlaˬmiˇ 25:20

aˬ yawꞈ maꞈ nehˬ-ehˇ kʼaˇ jawˇ-euˬ aˬ cawˬ tsawˇ jeuˬ deuˬ, Uˇzaˆ miˇ kʼahˬ laꞈ kʼoeˇ kʼaˇ jawˇ-eu sahˬ paˬ deuˬ, Piˇliˇtiˆ miˇ kʼahˬ laꞈ kʼoeˇ jaˆ-eu Aˬshaˇgaˬloˇ meuˬ, Gaˬzaˬ meuˬ, Eˇkaˬloˬ meuˬ heu deuˬ-euˬ sahˬ paˬ deuˬ hawˇ-eu, Aˬshaˬdoˇ meuˬ-ahˇ kʼaˇ dzeˇ-eu tsawˇ haˬ deuˬ,

Ngoeˇ dawˬ 4:21

Eˬdoˬ miˇ kʼahˬ zaˬ deuˬ hawˇ-eu, Uˇzaˆ miˇ kʼahˬ tsawˇ haˬ deuˬ-oˇ, naw maꞈ uiˇ nya ngeh uiˇ tawˬ-awˬ. Naw maꞈ gʼeh shaˬ zahˬ ya mˇ-awˇ, neˇ myawˆ ni ya shaꞈ dawˇ-eu jeˬ, gʼawˬ myahˇ maˬ gʼeh-ehˇ keuˆ le meh.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 14:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, yawˬ ha-euˬ uˬ kʼawˇ taꞈ-ehˇ dzeuˇ naˇ, yawˬ ha-euˬ zaˬ-ahˇ keuˆ ni maˬ ka kʼoꞈ nehˬ nya-aˇ lehˇ ehˇ tsehˆ-eu ma. Aˬ yawꞈ maꞈ neh mˇ-euˬ yaw muiˬ jeˬ-aˬ, yawˬ haˇ yawˬ ha ka kʼoꞈ nehˬ nya-eu tehꞈ meh.”

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Dawˬmehˬ 18:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi iˬ baˇ taˬ kʼaˇ maˬ za ni dehꞈ-awˬ.”

Yaˬkoˆ 5:11

Aˬ yawꞈ maꞈ daˬ dzeuˇ oˇ dzeuˇ nya-euˬ miˇ neh guiˬ lahˬ huiˬ-eu tsawˇ haˬ lehˇ aˬ dui kuˇ-eu ma. Yawˇbaˆ aˬ joˆ-ehˇ oˇ-euˬ gaˇ kawˆ hawˇ-eu, aˇ saˬ saˬ ngeh Sahˬpaˬ Miˬyehˇ aˬ yawꞈ-ahˇ guiˬ lahˬ aˬ joˆ-ehˇ biꞈ nehˬ-euˬ gaˇ kawˆ naw maꞈ siˬ nya meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, gʼawˬ shaˬ gaˬ-eu jeˬ tiˬ byah ni ahˇ-eu meh.

1 Beˬtuˆluˆ 3:11

Yaw haiˬ jeˬ mˇ-eu byehˇ dzeh-awˇ, yaw muiˬ jeˬ ya mˇ daˆ leꞈ meh. Aˬ cawˬ-ahˇ tsaˬ leˇ dzoeˇ leˇ ni, nui ma keuˆ-awˇ ya leh jeh meh.