Tiˇtuˆ 3:5 - Akha

⁵ Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ aqyawf, aqdui-anr kakhof naeqlaf-euq khoer-aq, aqdui tsaq-awr dawr-eu jeq mr-euq mirnae maqngeur-a. Aerkhawf, aqyawf, aqdui-anr ghawqshaq gaq-eu mirnae, Yawshawr Saflar-euq lafkhoer lavshuif-eu jeq hawr-eu daefpov daeqpar-eu jeq-anr taf-eu tsiqshawr-eu jeq baqda’nae, aqyawf, aqdui-anr bibuq-ir naeqlaf-euq mae.

Tiˇtuˆ 3:5 Iomraidhean Croise

Yawˇbaˆ 15:14

Shawˇ jehˆ ni gʼeh-eu tsawˇ haˬ maˇ maˇ ni jawˇ meh loˇ. Miˬyehˇ mehˬ shi tsaˬ-eu dawˇ-eu tsawˇ haˬ jawˇ meh loˇ.

Yawˇbaˆ 25:4

Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

Yawˇbaˆ 9:20

Ngaˇ-aˬ, iˬ baˇ maˬ mˇ-ehˇ saˇ jaˇ ziꞈ-eu tsawˇ haˬ pyeuꞈ kʼawꞈ, ngaˬ-euˬ dawˬ bahˬ leˇ-euˬ meh. Ngaˇ kʼaˇ ngehˬ kʼaˇ tmˇ-eu yawˬ jeˬ na luꞈ ngaˬ-euˬ kʼoeˇ taˆ yaw lehˬ yaw ca bi keuˆ le gaˇ duˇ-eu meh.

Jaceuq 130:7

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ-ahˇ gʼoe-awˬ. Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ nya-ehˇ, aˬ dui-ahˇ ka kʼoꞈ mawꞈ-eu nui ma jaˆ-eu miˇ neh, aˬ yawꞈ-ahˇ gʼoe-awˬ.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Jaceuq 51:10

Miˬyehˇ-oˇ, ngaˬ-ahˇ shawˇ jehˆ ni gʼeh-eu nui ma tiˬ siˬ beh ahˇ nehˬ laꞈ. Nawˬ-ahˇ saˇ jaˇ ziꞈ-eu nui loˆ bi ahˇ laꞈ.

Jaceuq 62:12

Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Luˇkaꞈ 1:50

Aˬ yawꞈ-ahˇ taˬ huiˬ-eu deuˬ-ahˇ, aˬ yawꞈ-euˬ gʼawˬ shaˬ gaˬ-eu jeˬ, mˬ maˬ maˬ byaˆ zaˇ ziˇ gmˬ meh.

Luˇkaꞈ 1:54

Poeˬ piˬ deuˬ-ahˇ dzaˬ taˬ yaꞈ-euˬ, saˇ jaˇ dawˬ-ahˇ aˬ yawꞈ ziꞈ-awˇ, zaˬ kʼaˆ Iˇsaˬleˬlaˆ jawˇ gaˇ, oe keuˆ-awˇ caw ba le-euˬ meh.

Luˇkaꞈ 1:72

Aˬ dui-euˬ poeˬ piˬ kʼoeˇ deuˬ-ahˇ, aˬ yawꞈ gʼawˬ shaˬ gaˬ-eu laꞈ kʼoeˇ, muiˬ-eu shawˇ-eu dawˬ ma saˇ jaˇ, noeˬ keuˆ ma lehˇ yawꞈ ehˇ-eu meh.

Luˇkaꞈ 1:78

Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,

Lormav 11:14

Ngaˇ kʼoeˇ loꞈ-ehˇ mˇ-eu miˇ neh ngaˬ-euˬ tsawˇ jeuˬ ngaˬ-ahˇ myaˆ naˆ-eu laꞈ kʼoeˇ, aˬ yawꞈ maꞈ tiˬ paˆ na deuˬ-ahˇ Miˬyehˇ ka kʼoꞈ nehˬ-eu duˇ.

Lormav 11:6

Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 3:20

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ gʼaˬ-euˬ tsawˇ haˬ maˬ pyeuꞈ laˇ nya-a siˬ. Zahˇ dawˬ kʼo dawˬ-aˬ, tsawˇ haˬ zaˬ-ahˇ yawˬ ha iˬ baˇ mˇ-euˬ gaˇ kawˆ bi siˬ leˇ-eu gʼaˇ duˬ tehꞈ meh.

Lormav 3:28

Tsawˇ haˬ tiˬ gʼaˬ Miˬyehˇ-ahˇ tsaˬ leˇ tsahˇ leˇ-eu kʼoeˇ-aˬ, Zahˇ dawˬ kʼoꞈ dawˬ mehˬ nah caw teh-eu baˬ da neh maˬ ngeuˇ-ehˇ, jah-eu baˬ da neh meh lehˇ aˬ dui tuˆ tehˬ taˬ-euˬ ma.

Lormav 4:5

Ehˇ kʼawꞈ, mˇ-eu shaˇ-eu jeˬ-ahˇ maˬ gʼoe-ehˇ, jah-eu jeˬ-ahˇ gʼoe-eu laꞈ kʼoeˇ, iˬ baˇ ahˇ-eu tsawˇ haˬ-ahˇ iˬ baˇ maˬ ahˇ-a lehˇ daˇ tsehˆ nya-eu gʼaˬ pyeuꞈ-eu Miˬyehˇ-ahˇ jah-eu tsawˇ haˬ-ahˇ, jah-eu jeˬ baˬ da neh Miˬyehˇ-ahˇ tsaˬ leˇ tsahˇ leˇ-euˬ tsawˇ haˬ lehˇ Miˬyehˇ sawˇ-eu meh.

Lormav 9:11

Miˬyehˇ neh noeˬ taˬ-euˬ jeˬ maˬ ya bi tsehˆ-iˇ ni, aˬ li kʼoeˇ nyiˬ li laꞈ kʼoeˇ tiˬ li-ahˇ tseˇ doˆ-eu gʼaˇ duˬ Miˬyehˇ lehˬ hmˬ taˬ-euˬ miˇ neh, “Aˬ yuiꞈ gʼaˬ-aˬ, aˬ nyiˇ gʼaˬ-euˬ zaˬ kʼaˆ ya geuꞈ tehꞈ-a” lehˇ, Leˬbehˇkaꞈ-ahˇ ehˇ nehˬ-euˬ meh. Aˬ yawꞈ nyaꞈ nmˇ maˬ dehꞈ le mi naˆ-ehˇ, kʼoeˇ loꞈ-ehˇ ehˇ taˬ-euˬ meh. Aˬ nyaꞈ nmˇ yaw muiˬ yaw doeˇ tiˬ jeˬ-iˬ maˬ mˇ nya laˇ mi naˆ-ehˇ ehˇ taˬ-euˬ dawˬ pyeuꞈ-eu meh. Kʼoeˇ miˇ neh, Miˬyehˇ neh tseˇ doˆ-euˬ lehˇ ehˇ-eu-aˬ, aˬ yawꞈ kuˇ mawꞈ-eu gʼaˬ-ahˇ kuˇ gaˇ ehˇ-eu meh. Aˬ nyaꞈ nmˇ neh mˇ-euˬ yaw muiˬ yaw doeˇ-ahˇ tiˬ jeˬ-iˬ maˬ taꞈ-a.

Lormav 9:16

Kʼoeˇ miˇ neh, yawˬ jeˬ na luꞈ tsawˇ haˬ zaˬ-euˬ nui kʼahˇ hawˇ-eu tsawˇ haˬ zaˬ neh mˇ-euˬ shaˇ-euˬ kʼoeˇ taˆ pyeuꞈ laˇ-eu maˬ ngeuˇ-a. Miˬyehˇ gʼawˬ shaˬ gaˬ-eu uˬ moˆ pyeuꞈ laˇ-eu tehꞈ meh.

Lormav 9:30

Aˬ dui heu loꞈ-ehˇ ehˇ nya meh. Miˬyehˇ-ahˇ tsaˬ lehˇ tsahˇ leˇ nya ni maˬ leh jeh-euˬ Yuˇdaˆ tsawˇ haˬ maˬ ngeuˇ-eu kʼoeˇ deuˬ kʼawꞈ, jah-eu baˬ da neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ pyeuꞈ laˇ-euˬ meh.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

Gaˬlaˬtiˆ 2:16

Ehˇ kʼawꞈ, tsawˇ haˬ tiˬ gʼaˬ-aˬ, Zahˇ dawˬ kʼoꞈ dawˬ-ahˇ mˇ byah-eu miˇ neh maˬ ngeuˇ-ehˇ, Yeˬsuˇ Ka li-ahˇ jah-eu baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh lehˇ aˬ dui siˬ nya ma. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ-ahˇ mˇ byah-awˇ Miˬyehˇ-ahˇ tsaˬ leˇ tsahˇ leˇ nya-eu tsawˇ haˬ tiˬ gʼaˬ-iˬ maˬ jawˇ-a.

Eˇpeˇsu 2:4

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ myaˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ huiˬ dui dui-eu meh.

Eˇpeˇsu 4:23

Guiˬ lahˬ saꞈ laˇ paw naw maꞈ-euˬ nui ma yaw shuiꞈ bi paˇ laˇ-awˬ.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.

Gawˇlawˇsehˇ 3:10

Nui ma yaw shuiꞈ-ahˇ naw maꞈ dm paˇ gʼaˬ-euˬ meh. Heu-aˬ, Beh-euˬ yaw sahˇ pyeuꞈ-eu Miˬyehˇ-ahˇ naw maꞈ tiˬ byah tiˬ loꞈ bi siˬ nya laˇ-eu gʼaˇ duˬ, aˬ yawꞈ-euˬ aˇ gʼehˇ-ahˇ duˇ laˇ ni aˬ myah luꞈ yaw shuiꞈ bi paˇ laˇ luꞈ-eu tsawˇ haˬ yaw shuiꞈ pyeuꞈ-eu meh.

2 Tiˆmoˇseˬ 1:9

Aˬ dui neh mˇ-euˬ shaˇ-euˬ jeˬ baˬ da neh, aˬ yawꞈ aˬ dui-ahˇ ka kʼoꞈ-awˇ aˬ yawꞈ-euˬ zaˬ bi pyeuꞈ laˇ-euˬ maˬ ngeuˇ-a. Aˬ yawꞈ neh noeˬ taˬ-euˬ jeˬ hawˇ-eu aˬ yawꞈ-euˬ guiˬ lahˬ yaw dzahˇ baˬ da neh bi pyeuꞈ laˇ-euˬ meh. Mˬ hawˇ-eu miˇ maˬ seu le mi naˆ-ehˇ, Yeˬsuˇ Ka li-ahˇ gʼoe-awˇ guiˬ lahˬ yaw dzahˇ kʼoeˇ biꞈ taˬ leꞈ-euˬ meh.

Tiˇtuˆ 3:4

Ehˇ kʼawꞈ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ-euˬ gʼawˬ shaˬ gaˬ-eu jeˬ hawˇ-eu gʼoeˇ-eu gaˬ-eu jeˬ aˬ dui-ahˇ pah mehˬ nehˬ laꞈ ngeh, aˬ yawꞈ aˬ dui-ahˇ ka kʼoꞈ nehˬ laꞈ-euˬ meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

HeˬByehˇ 6:6

Kʼoeˇ sawˇ miˇ tsa, jah-eu jeˬ-ahˇ aˬ yawꞈ maꞈ byehˇ dzeh-euˬ meh. Iˬ baˇ noeˬ poˆ-eu tsahˇ-ahˇ aˬ yawꞈ maꞈ-ahˇ paˇ bi gʼoꞈ poˆ laˇ-eu gʼaˇ duˬ maˬ paˇ awˬ meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-euˬ Zaˬmaˇ-ahˇ laꞈ yaꞈ kʼoeˇ taˆ paˇ taꞈ tehˬ poˆ-awˇ, miˇ kʼahˬ zaˬ mehˬ shi paˇ bi shaꞈ dawˇ poˆ-eu jeˬ mˇ luꞈ-eu meh.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

1 Beˬtuˆluˆ 2:10

Yaw beh-aˬ, naw maꞈ Miˬyehˇ-euˬ tsawˇ haˬ maˬ ngeuˇ-a. Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ pyeuꞈ laˇ-euˬ meh. Yaw beh Miˬyehˇ gʼawˬ shaˬ gaˬ-eu jeˬ-ahˇ naw maꞈ maˬ siˬ nya-aˬ. Ehˇ kʼawꞈ, nymˬ-mˇ aˬ yawꞈ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.