Tiˇtuˆ 2:8 - Akha

⁸ Nawˬ-ahˇ muiˇ-eu tsawˇ haˬ deuˬ aˬ dui-ahˇ ja bu ja doeˇ kʼaˇ maˬ za ni bi shaꞈ dawˇ-iˇ pa-ehˇ, yaw lehˬ maˬ poˆ doˆ nya-eu tsaˬ-eu muiˬ-eu dawˬ deuˬ zmˬ-awˇ mehˬ-awˬ tsoˆ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqcawq iqbax taqkhar maqza’ni, tsaq-awr tsanr-eu dawq taef-aer maeqnaeq-awq. Khoerlof-aer maeqnaeq nar-aq, lavtsoeq-eu tsawrhaq, nawmaf-anr yawdoer jeq aerkhar maqza-aer, ya shafdawr-ir taef-a.

Tiˇtuˆ 2:8 Iomraidhean Croise

Neˬhaˬmiˇ 5:9

Kʼoeˇ naˇ, ngaˇ heu loꞈ-ehˇ ehˇ-euˬ ma. “Naw maꞈ mˇ luꞈ-eu teu maˬ tsaˬ-a. Naw maꞈ Miˬyehˇ-ahˇ guˆ-awˇ yaw tsaˬ jeˬ mˇ-eu laꞈ kʼoeˇ, aˬ dui-ahˇ muiˇ-eu lawˇ ciꞈ zaˬ deuˬ neh bi ja doeˇ kʼaˇ maˬ za ni dehꞈ-eu tsaˬ meh.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Maˬkuˆ 12:17

Aˬ yawꞈ maꞈ-ahˇ Yeˬsuˇ ehˇnehˬ-eu, “Toˆ-ehˇ ngeuˇ naˇ, Loˇmaˆ Sahˬ paˬ-euˬ myawˬ Loˇmaˆ Sahˬ paˬ-ahˇ biꞈ-awˇ, Miˬyehˇ-euˬ myawˬ Miˬyehˇ-ahˇ biꞈ-awˬ.” Kʼoeˇ ngeh, aˬ yawꞈ maꞈ Yeˬsuˇ-ahˇ zahˬ dui dui leˇ-euˬ meh.

Maˬkuˆ 12:28

Kʼoeˇ ngeh, Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ kʼoeˇ gaˇ laˇ-awˇ, aˬ yawꞈ maꞈ tiˬ gʼaˬ tiˇ gʼaˬ kʼoeˇ loꞈ-ehˇ ja ceh ceh luꞈ gaˇ ya gaˬ-euˬ meh. Saˬduˬgehˇ deuˬ neh naˇ haˬ-euˬ dawˬ-ahˇ Yeˬsuˇ yaw muiˬ paˬ-ehˇ ehˇ kʼoꞈ nehˬ nya gaˇ aˬ yawꞈ ya mawˇ ngeh, aˬ yawꞈ kʼawꞈ heu loꞈ-ehˇ tiˬ dawˬ naˇ haˬ-euˬ meh. “Saˬ laˬ-oˇ, Zahˇ dawˬ kʼoꞈ dawˬ laꞈ kʼoeˇaˬ geu dawˬ aˬ cawˬ naˆ maˬ tseˇ huiˬ dzehˬ ta.”

Maˬkuˆ 12:32

Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ Yeˬsuˇ-ahˇ ehˇ nehˬ-eu, “Nawˇ ehˇ-eu tsaˬ meh saˬ laˬ-oˇ. Sahˬpaˬ Miˬyehˇ tehꞈ-ehˇ Miˬyehˇ pyeuꞈ-awˇ, miˬyehˇ nui gʼaˬ maˬ jawˇ-a lehˇ ehˇ-eu teu tsaˬ meh.

Maˬkuˆ 12:34

Tsawˇ haˬ kʼoeˇ gʼaˬ yaw muiˬ paˬ-ehˇ shaˇ noeˬ-awˇ kʼoeˇ loꞈ-ehˇ ehˇ gaˇ Yeˬsuˇ ya mawˇ ngeh, heu loꞈ-ehˇ ehˇ nehˬ-euˬ meh. “Nawˇ-aˬ, Miˬyehˇ Miˇkʼahˬ-ahˇ yaw kʼaˆ-ehˇ maˬ paˇ kaˬ ngaˇ.” Kʼoeˇ naˇ, tsawˇ haˬ tiˬ gʼaˬ-iˬ Yeˬsuˇ-ahˇ tiˬ jeˬ-iˬ maˬ paˇ naˇ haˬ peuˬ ni pyeuꞈ-iˇ-euˬ meh.

Luˇkaꞈ 13:17

Yeˬsuˇ kʼoeˇ loꞈ-ehˇ ehˇ ngeh, aˬ yawꞈ-ahˇ muiˇ-eu tsawˇ haˬ dawˬ tawˆ luꞈ shaꞈ dawˇ-iˇ-euˬ meh. Ehˇ kʼawꞈ, tsawˇ haˬ dawˬ tawˆ luꞈ Yeˬsuˇ neh kʼaˇ mˇ-euˬ zahˬ leˇ paˬ-ehˇ gʼeh-eu jeˬ-ahˇ laˬ kʼaˬ cehˇ-eu meh.

2 Teˇsaˬloˇni 3:14

Naw maꞈ jawˇ gaˇ boꞈ ahˇ laꞈ-euˬ sahˬ boꞈ heu taꞈ laꞈ kʼoeˇ, nga maꞈ neh mehˬ-euˬ dawˬ heu deuˬ-ahˇ maˬ naˇ haˬ geuꞈ-eu tsawˇ haˬ kʼawꞈ jawˇ-eu baw tehꞈ-a. Kʼoeˇ loꞈ-ehˇ gʼeh-eu tsawˇ haˬ-ahˇ noeˬ taˬ-awˇ, cawˬ maˬ cawˬ nehˬ ni bi shaꞈ dawˇ-awˬ.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

1 Tiˆmoˇseˬ 6:3

Aˬ dui-euˬ Sahˬpaˬ Yeˬsuˇ Ka li-euˬ dawˬ hawˇ-eu, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ mehˬ taˬ tsoˆ taˬ-euˬ gaˇ maˬ tsaˬ leˇ-eu, beu gaˇ-eu jah-eu jeˬ gaˇ kawˆ kʼaˇ mehˬ-eu tsawˇ haˬ deuˬ-aˬ,

Tiˇtuˆ 3:14

Maˇ maˇ ni loˬ gaˇ caw ba nehˬ nya-eu gʼaˇ duˬ, aˬ dui-euˬ tsawˇ haˬ deuˬyaw muiˬ jeˬ-ahˇ mˇ nya laˇ ni bi leh jeh-eu loˬ meh. Gaˇ dahˇ maˬ tsoeˬ ni maˬ ya bi dehꞈ-a.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 2:15

Aˬ jeˬ miˇ neh ehˇ naˇ, naw maꞈ neh mˇ-euˬ yaw muiˬ jeˬ baˬ da neh, aˬ dzawˬ aˇ gah deuˬ maˬ siˬ nya-ehˇ ngehˬ luꞈ-eu gaˇ dahˇ maˬ tsoeˬ-eu dawˬ deuˬ ciˬ cuˇ ni bi pyeuꞈ-iˇ-eu gʼaˇ duˬ, Miˬyehˇ mawꞈ-eu meh.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.