Tiˇtuˆ 2:2 - Akha

² Tsawˇ mawˬ tsawˇ kʼaˆ deuˬ-ahˇ, nui ma taˬ nya ni maˬ ehˇ, aˬ cawˬ yaw zeu baw paˬ-ehˇ dehꞈ nya ni maˬ ehˇ, yawˬ ha-euˬ nui ma-ahˇ gʼaˬ leˇ ni maˬ ehˇ, tsaˬ-eu muiˬ-eu jah-eu jeˬ ahˇ laˇ ni maˬ ehˇ, gʼoeˇ-eu gaˬ-eu jeˬ ahˇ laˇ ni maˬ ehˇ, daˬ coeˇ oˇ coeˇ-eu nui ma ahˇ laˇ ni maˬ ehˇ, mehˬ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqbawr tsawrmawq deuq-anr yawqha-euq nuima-anr ghaqlerni, aqcawq yawzeu bawni, nuima taqnya’ni maeqnaeq tsovnaeq-awq. Jan-eu jeq, gaq-eu jeq hawr-eu daqcoer orcoer-eu jeq, tiqbyan tiqlof anrlarni khawf maeqnaeq-awq.

Tiˇtuˆ 2:2 Iomraidhean Croise

Yawˇbaˆ 12:12

“Aˇ kʼoꞈ kʼawˆ laˇ-euˬ deuˬ nehˬ-ehˇ zaˬ siˬ tsawˇ gahˇ jawˇ-awˇ, dehꞈ myahˇ laꞈ-euˬ deuˬ nehˬ-ehˇ noeˬ siˬ noeˬ mawˇ nya-eu jeˬ jaˆ-eu meh.

Jaceuq 92:14

aˬ myah luꞈ nyoeˇ jawꞈ ni jaˆ-awˇ, bawˇ mawˬ mawˬ laˇ ngeh keuˆ ni aˇ siˬ siˬ-eu aˇ bawˇ kʼoeˇ deuˬ-ahˇ duˇ tehꞈ-a.

Dawqdaq 16:31

Yaw tsaˬ yaw dawˇ tsawˇ haˬ ziˇ baw-awˇ, uˬ duˬ dehꞈ pyuˇ-eu jeˬ yaw shehꞈ kʼahˬ sehˇ tiˬ jeˬ meh.

Iˇsaˬyaˇ 65:20

Zaˬ nahˬ aˬ coeˇ dawˇ zaˬ deuˬ shiˇ-eu maˬ baw-ehˇ, tsawˇ haˬ dawˬ tawˆ ziˇ ya dehꞈ jiˇ tehꞈ-a. Aˇ kʼoꞈ tiˬ yaˇ byah-eu tsawˇ haˬ zaˬ guˬ-ahˇ duˇ leˇ-awˇ, kʼoeˇ gaˇ maˬ dehꞈ keuˆ ni shiˇ-eu jeˬ-aˬ, ngaˬ neh kʼehˬ nehˬ-euˬ saˇ kiˇ meh.

Uˬ duˬ 19:32

“Tsawˇ mawˬ tsawˇ kʼaˆ deuˬ-ahˇ yaw zeu baw-awˇ, taˬ huiˬ taˬ mahˇ-awˬ.

Maˬkuˆ 5:15

Aˬ yawꞈ maꞈ Yeˬsuˇ jawˇ gaˇ laˇ keuˆ ngeh, yaw beh nehꞈ yaw jawꞈ uˇ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ nuiˇ luꞈ gaˇ ya mawˇ-awˇ, guˆ dui dui-iˇ-euˬ meh.

Luˇkaꞈ 8:35

Tsawˇ haˬ gʼawˬ mya ni aˬ joˆ-ehˇ pyeuꞈ laˇ-euˬ gaˇ haw le-eu lehˇ oe-awˇ, Yeˬsuˇ-euˬ dawˬ peh oe keuˆ ngeh, nehꞈ bi teh doˆ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ Yeˬsuˇ-euˬ aˬ kuiˇ dawˬ peh nuiˇ luꞈ gaˇ ya mawˇ-euˬ miˇ neh, aˬ yawꞈ maꞈ guˆ dui dui-iˇ-euˬ meh.

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Lormav 12:3

Miˬyehˇ neh ngaˬ-ahˇ gʼawˬ shaˬ gaˬ-eu laꞈ kʼoeˇ biꞈ laꞈ-euˬ laꞈ sawˬ baˬ da neh, naw maꞈ yawˬ gʼaˬ na luꞈ-ahˇ ngaˇ heu loꞈ-ehˇ ehˇ-eu ma. Naw maꞈ yawˬ haˇ yawˬ ha aˇ dzehˬ dzeuˇ ni taˬ noeˬ huiˬ. Tsaˬ tsaˬ ni tehꞈ-ehˇ noeˬ-awˬ. Miˬyehˇ neh biꞈ laꞈ-euˬ jah-eu jeˬ aˇ myaˆ ni ahˇ-eu nya lehˇ shaˇ sawˇ-awˇ, yawˬ haˇ yawˬ ha siˬ nya-awˬ.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

1 Gawˇliˬtu 9:25

Tiˬ kʼehˇ laˇ kʼehˬ tehꞈ-ehˇ gmˬ-eu aˇ yehˆ neh jahˇ-euˬ shuiˇ uˬ kʼoˆ laꞈ sawˬ za-eu gʼaˇ duˬ, niˇ gʼa-eu tsawˇ haˬ yawˬ gʼaˬ na luꞈ yawˬ ha-euˬ nui ma-ahˇ ziꞈ dah ni nyehꞈ tehˬ taˬ-awˇ leh jeh leh jeh-ehˇ ya niˇ gʼa dzaw-eu meh. Aˬ dui-aˬ, mˬ maˬ maˬ byaˆ zaˇ ziˇ maˬ cawˆ-iˇ nya-eu jeˬ-ahˇ za nya ni leh jeh luꞈ-eu ma.

2 Gawˇliˬtu 5:13

Nga maꞈ uˬ-iˇ-euˬ nga loˇ. Uˬ-iˇ-euˬ ngeuˇ naˇ, Miˬyehˇ hawˇ-eu nga maꞈ-euˬ yaw kaˬ-ahˇ jaˆ luꞈ-uˇ. Nga maꞈ maˬ uˬ-iˇ ngaˬ loˇ. Maˬ uˬ-iˇ-euˬ ngeuˇ naˇ kʼawꞈ, naw maꞈ gʼaˇ duˬ guiˬ lahˬ baw luꞈ-uˇ.

Gaˬlaˬtiˆ 5:23

nui nahˬ nui yu ahˇ-eu, yawˬ ha-euˬ nui ma-ahˇ gʼaˬ leˇ-eu, heu deuˬ meh. Heu deuˬ-ahˇ laˆ tsoeˬ-eu zahˇ dawˬ kʼoꞈ dawˬ tiˬ dawˬ-iˬ maˬ jaˆ-a.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

1 Teˇsaˬloˇni 5:6

Kʼoeˇ miˇ neh, aˬ cawˬ yuꞈ kʼaˆ-eu loꞈ-ehˇ maˬ yuꞈ kʼaˆ ni jawˇ kaˇ-euˇ.

1 Teˇsaˬloˇni 5:8

Ehˇ kʼawꞈ, aˬ dui-aˬ, nah gʼahˇ-euˬ zaˬ pyeuꞈ-eu miˇ neh, yawˬ ha-euˬ nui ma-ahˇ nyehꞈ tehˬ taˬ-eu tsaˬ meh. Jah-eu jeˬ hawˇ-eu gʼoeˇ-eu gaˬ-eu jeˬ-ahˇ guiˇ deuˆ ngeh kʼahˬ-ahˇ dehˬ daˬ-eu shmˇ byaˆ dm-eu loꞈ-ehˇ dm-awˇ, noeˬ tmˬ-eu jeˬ-ahˇ uˬ duˬ-ahˇ tsahˬ-eu shmˇ uˬ kʼoˆ loꞈ-ehˇ tsahˬ kaˇ-euˇ.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.

1 Tiˆmoˇseˬ 1:2

Jah-eu jeˬ laꞈ kʼoeˇ maˇ maˇ ni ngaˬ li-ahˇ duˇ-eu Tiˆmoˇseˬ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

1 Tiˆmoˇseˬ 1:5

Aˬ yawꞈ maꞈ-ahˇ kʼoeˇ loꞈ-ehˇ maˬ mehˬ ni bi naˬ-eu gʼaˇ duˬ aˬ dui dawˬ biꞈ-eu heu-aˬ, shawˇ jehˆ ni gʼeh-eu nui ma laꞈ kʼoeˇ neh doˆ laˇ-euˬ gʼoeˇ-eu gaˬ-eu jeˬ maˬ ehˇ, shawˇ jehˆ ni gʼeh-eu siˬ nya-eu nui ma maˬ ehˇ, maˇ jawˆ ni gʼeh-eu jah-eu jeˬ maˬ ehˇ, aˬ yawꞈ maꞈ laꞈ kʼoeˇ bi dehꞈ laˇ-eu gʼaˇ duˬ pyeuꞈ-eu ma.

1 Tiˆmoˇseˬ 3:11

Zaˬ miˬ zaˬ deuˬ kʼawꞈ, aˬ cawˬ yaw zeu baw-eu tsawˇ haˬ ya bi pyeuꞈ meh. Aˬ cawˬ-euˬ gaˇ kawˆ ja ja-ehˇ cah-eu tsawˇ haˬ maˬ ya bi pyeuꞈ-a. Noeˬ dahˇ doe-awˇ, yawˬ jeˬ na luꞈ laꞈ kʼoeˇ saˇ jaˇ jawˇ-eu tsawˇ haˬ ya bi pyeuꞈ meh.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 3:4

Yawˬ ha-euˬ nymˇ jiˇ-ahˇ yaw muiˬ paˬ-ehˇ gʼaˬ leˇ-awˇ, zaˬ deuˬ yawˬ ha-euˬ ehˇ dawˬ naˇ haˬ-awˇ yaw zeu baw-eu tsawˇ haˬ ya bi pyeuꞈ-eu meh.

1 Tiˆmoˇseˬ 3:8

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ deuˬ kʼawꞈ, aˬ cawˬ yaw zeu baw-awˇ nui ma dawˇ-eu tsawˇ haˬ ya bi pyeuꞈ meh. Aˬ gaꞈ dzaˇ uiˇ aˇ dzehˬ maˬ dawˇ dzeuˇ-ehˇ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

1 Tiˆmoˇseˬ 5:1

Tsawˇ mawˬ tsawˇ kʼaˆ-ahˇ dehˬ dehˬ-ehˇ taˬ mehˬ. Yawˬ ha-euˬ aˬ da loꞈ-ehˇsawˇ-awˇ nahˬ yu ni mehˬ nehˬ tsoˆ nehˬ-awˬ. Zaˬ guˬ deuˬ-ahˇ yawˬ ha-euˬ mehˇ nmˇ loꞈ-ehˇ sawˇ-awˬ.

Tiˇtuˆ 1:13

Kʼoeˇ loꞈ-ehˇ ehˇ taˬ-euˬ kʼoeˇ tsaˬ-eu meh. Kʼoeˇ miˇ neh, aˬ yawꞈ maꞈ jah-eu ziꞈ laˇ nya ni yaw kʼaˆ kʼaˆ-ehˇ dehˬ-awˇ mehˬ nehˬ-awˬ.

Tiˇtuˆ 1:8

Daˬ yah-ahˇ yaw muiˬ-ehˇ ha-awˇ, muiˬ-eu jaˬ-eu jeˬ-ahˇ gaˬ-eu tsawˇ haˬ ya bi pyeuꞈ meh. Nui ma taˬ nya-eu, nui ma dawˇ-eu, muiˬ-eu shawˇ-eu, yawˬ ha-euˬ nui ma-ahˇ gʼaˬ leˇ-eu, heu loꞈ-ehˇ gʼeh-eu tsawˇ haˬ ya bi pyeuꞈ meh.

Tiˇtuˆ 2:7

Yawˬ jeˬ na luꞈ laꞈ kʼoeˇ, nawˬ-ahˇ aˬ cawˬ yaw muiˬ jeˬ dzaw geuꞈ paˬ-ehˇ dehꞈ mehˬ jawˇ mehˬ nehˬ-awˬ. Nawˇ mehˬ nehˬ tsoˆ nehˬ ngeh, nui ma keuˆ-eu laꞈ kʼoeˇ dawˇ coe ni mehˬ nehˬ-awˬ.

Piˇleˇmoˬ 1:9

Ehˇ kʼawꞈ, ngaˇ nawˬ-ahˇ gaˬ-eu miˇ neh, dawˬ biꞈ-eu jeˬ-ehˇ maˬ ngeuˇ ni, nahˬ yu ni shaˇ ju-eu ma. Ngaˇ-aˬ, Yeˬsuˇ Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu Pawˇluˆ pyeuꞈ-eu uˬ taꞈ, aˬ yawꞈ-euˬ gʼaˇ duˬ nymˬ-mˇ tawˬ-ahˇ uˇ luꞈ-eu tsawˇ haˬ pyeuꞈ kʼawꞈ, nawˬ-ahˇ dawˬ maˬ biꞈ ni shaˇ ju-eu jeˬ pyeuꞈ-eu ma.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

2 Beˬtuˆluˆ 1:6

Zaˬ siˬ tsawˇ gahˇ kʼoeˇ taˆ yawˬ ha-euˬ nui ma-ahˇ gʼaˬ leˇ-eu jeˬ bi lahˬ laˇ-awˬ. Yawˬ ha-euˬ nui ma-ahˇ gʼaˬ leˇ-eu jeˬ kʼoeˇ taˆ daˬ coeˇ oˇ coeˇ-eu jeˬ bi lahˬ laˇ-awˬ. Daˬ coeˇ oˇ coeˇ-eu jeˬ kʼoeˇ taˆ Miˬyehˇ-ahˇ yaw zeu baw-eu jeˬ bi lahˬ laˇ-awˬ.