Tiˇtuˆ 2:10 - Akha

¹⁰ Kʼoeˇ uˬ taꞈ, baw leˬ deuˬ-euˬ myawˬ maˬ ya kʼoeˬ-eu uꞈ taꞈ, aˬ myah luꞈ muiˬ-awˇ saˇ jaˇ ziꞈ-eu gaˆ kawˆ ya dehꞈ mehˬ nehˬ meh lehˇ mehˬ nehˬ-awˬ. Aˬ yawꞈ maꞈ kʼaˇ mˇ kʼaˇ shaˇ-eu jeˬ laꞈ kʼoeˇ , aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ-euˬ gaˇ kawˆ mehˬ-eu tsoˆ-eu heu aˇ naˆ ni muiˬ-eu jeˬ pyeuꞈ-eu gaˇ kawˆ aˬ cawˬ mawˇ nya ni, kʼoeˇ loꞈ-ehˇ mehˬ nehˬ tsoˆ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Myawq maqkhoeq-aer, yawqjeq navluf-euq lafkhoer sarjax zif-awq laer khawf maeqnaeq-awq. Khoerlof-aer janr nar-aq, yawqjeq navluf-euq lafkhoer aqdui-euq Kakhof-eu ghaq pyeuf-eu Miqyaer-euq dawqmaeq dawqtsov-anr ciqpoeq ciqgor taef-a.

Tiˇtuˆ 2:10 Iomraidhean Croise

Jaceuq 101:6

Miˬyehˇ-ahˇ saˇ jaˇ ziꞈ-eu tsawˇ haˬ deuˬ-ahˇ ngaˇ nui kʼahˇ shiˇ-awˇ, ngaˬ-euˬ nymˇ nymˇ ma laꞈ kʼoeˇ bi jawˇ ma. Sui dui dawˇ dui dui-eu tsawˇ haˬ deuˬ-ahˇ ngaˬ-euˬ gaˇ bi mˇ ma.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Luˇkaꞈ 1:47

Ngaˬ-ahˇ Ka kʼoꞈ-eu gʼaˬ pyeuꞈ-eu, ngaˬ-euˬ Miˬyehˇ baˬ da baˇ neh, ngaˬ-euˬ saꞈ laˇ laˬ kʼaˬ cehˇ nya.

Luˇkaꞈ 1:80

Aˬ li kʼoeˇ li huiˬ laˇ-awˇ, nui ma gʼawˇ mawˇ nyiˬ jeˬ luꞈ huiˬ laˇ mahˇ laˇ luꞈ-eu meh. Iˇsaˬleˬlaˆ tsawˇ haˬ deuˬ mehˬ shi aˬ yawꞈ maˬ doˆ laˇ kʼoeˇ keuˆ ni, bawˇ tsahˬ bawˇ dahˇ-ahˇ jawˇ-euˬ meh.

Luˇkaꞈ 16:10

Gaˇ yaw nyiˇ laꞈ kʼoeˇ saˇ jaˇ ziꞈ-eu tsawˇ haˬ-aˬ, gaˇ yaw huiˬ laꞈ kʼoeˇ kʼawꞈ saˇ jaˇ ziꞈ tehꞈ-a. Gaˇ yaw nyiˇ laꞈ kʼoeˇ maˬ sui maˬ dawˇ-eu tsawˇ haˬ-aˬ, gaˇ yaw huiˬ laꞈ kʼoeˇ kʼawꞈ maˬ sui maˬ dawˇ-aˇ.

Yoˇhaˬ 12:6

Shaˬ zaˬ zahˬ zaˬ deuˬ gʼaˇ duˬ shaˇ noeˬ-awˇ aˬ yawꞈ kʼoeˇ loꞈ-ehˇ ehˇ-eu maˬ ngeuˇ-a. Aˬ yawꞈ smˇ kʼoeˬ tiˬ gʼaˬ miˇ neh, kʼoeˇ loꞈ-ehˇ gʼeh-eu dawˬ ngehˬ-eu meh. Aˬ yawꞈ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-awˇ, tiˬ poˆ na pyuˇ daˬ yuˇ-awˇ aˬ yawꞈ-euˬ gʼaˇ duˬ zmˬ-eu tsawˇ haˬ pyeuꞈ-eu meh.

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

1 Tiˆmoˇseˬ 1:1

Aˬ dui-ahˇ Ka kʼoꞈ-eu gʼaˬ pyeuꞈ-eu Miˬyehˇ hawˇ-eu, aˬ dui-euˬ noeˬ tmˬ duˬ pyeuꞈ-eu Yeˬsuˇ Ka li neh dawˬ biꞈ-euˬ baˬ da neh Yeˬsuˇ Ka li-euˬ gʼaˬ kʼehˇ geuꞈ luꞈ-eu ngaˇ Pawˇluˆ,

1 Tiˆmoˇseˬ 5:17

Ka li zaˬ aˇ muˇ-ahˇ sheuˬ gʼeh-eu gaˇ yaw muiˬ paˬ-ehˇ mˇ luꞈ-eu tsawˇ mawˬ tsawˇ kʼaˆ deuˬ-ahˇ nyiˬ bymˇ taˬ huiˬ nehˬ paˬ-ehˇ gʼeh tehꞈ-a. Aꞈ yawꞈ maꞈ laꞈ kʼoeˇ, dawˬ mehˬ mehˬ-eu hawˇ-eu mehˬ-eu tsoˆ-eu jeˬ-ahˇ yaw kʼaˆ-ehˇ leh jeh-awˇ mˇ-eu deuˬ-ahˇ, kʼoeˇ naˆ maˬ tseˇ taˬ huiˬ nehˬ paˬ-ehˇ gʼeh tehꞈ-a.

1 Tiˆmoˇseˬ 6:1

Miˬyehˇ-euˬ tsawˇ myahˇ-ahˇ maˬ ehˇ, aˬ dui neh mehˬ-euˬ tsoˆ-euˬ jeˬ-ahˇ maˬ ehˇ, tsawˇ haˬ tiˬ gʼaˬ-iˬ yaw doeˇ maˬ ya ehˇ ni, aˬ cawˬ-euˬ zaˬ kʼaˆ kʼaˇ geuꞈ luꞈ-eu tsawˇ haˬ dawˬ tawˆ luꞈ yawˬ ha-euˬ baw leˬ-ahˇ yaw zeu ya baw-eu gaˇ kawˆ siˬ nya paˬ-ehˇ gʼeh-eu meh.

1 Tiˆmoˇseˬ 6:3

Aˬ dui-euˬ Sahˬpaˬ Yeˬsuˇ Ka li-euˬ dawˬ hawˇ-eu, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ mehˬ taˬ tsoˆ taˬ-euˬ gaˇ maˬ tsaˬ leˇ-eu, beu gaˇ-eu jah-eu jeˬ gaˇ kawˆ kʼaˇ mehˬ-eu tsawˇ haˬ deuˬ-aˬ,

Tiˇtuˆ 1:3

Kʼoeˇ naˇ, aˇ yamˬ aˇ law tsaˬ laˇ ngeh, aˬ yawꞈ-euˬ guiˬ lahˬ dawˬ laꞈ kʼoeˇ dehꞈ-eu jeˬ kʼoeˇ pah mehˬ nehˬ laꞈ-euˬ meh. Gaˇ kawˆ kʼoeˇ ja mehˬ-eu gʼaˇ duˬ ngaˬ-ahˇ a nehˬ laꞈ taˬ-euˬ loꞈ-ehˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ neh dawˬ kʼaˇ biꞈ laꞈ-euˬ loꞈ-ehˇ ngaˇ mehˬ luꞈ-eu meh.

Tiˇtuˆ 3:4

Ehˇ kʼawꞈ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ-euˬ gʼawˬ shaˬ gaˬ-eu jeˬ hawˇ-eu gʼoeˇ-eu gaˬ-eu jeˬ aˬ dui-ahˇ pah mehˬ nehˬ laꞈ ngeh, aˬ yawꞈ aˬ dui-ahˇ ka kʼoꞈ nehˬ laꞈ-euˬ meh.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.

2 Yoˇhaˬ 1:9

Ka li neh mehˬ nehˬ tsoˆ nehˬ taˬ-euˬ jeˬ-euˬ laꞈ kʼoeˇ paw maˬ jawˇ ni aˇ dzeuˇ iˇ dzeuˇ-eu tsawˇ haˬ deuˬ-aˬ, Miˬyehˇ-ahˇ maˬ za-a. Mehˬ nehˬ tsoˆ nehˬ taˬ-euˬ laꞈ kʼoeˇ kʼaˇ jawˇ-eu tsawˇ haˬ-aˬ, Aˬda Miˬyehˇ-ahˇ maˬ ehˇ, Zaˬ maˇ Miˬyehˇ-ahˇ maˬ ehˇ, za-eu meh.

1 Saˬmeuˬlaˆ 22:14

Aˬhiˇmaˬlehˇ ehˇ-eu, “Daˬbiˇ-aˬ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, nawˬ-ahˇ saˇ jaˇ ziꞈ dui dui-eu tiˬ gʼaˬ meh. Aˬ yawꞈ-aˬ, nawˬ-euˬ aˬ zaˬ pyeuꞈ-awˇ, nawˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu uˬ taꞈ, sahˬ paˬ-euˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ yaw zeu baw dui dui-eu meh.

1 Saˬmeuˬlaˆ 26:23

Saˇ jaˇ ziꞈ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ Sahˬpaˬ Miˬyehˇ guiˬ lahˬ biꞈ-eu meh. Iˬ nah nawˬ-ahˇ ngaˬ-euˬ aˬ laꞈ laꞈ kʼoeˇ aˬ yawꞈ a nehˬ laꞈ gʼaˬ-euˬ meh. Ehˇ kʼawꞈ, Sahˬpaˬ Miˬyehˇ neh tseˇ doˆ taˬ-euˬ gʼaˬ pyeuꞈ-eu miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ-aˬ.