Tiˇtuˆ 1:9 - Akha

⁹ Jah-eu jeˬ-ahˇ tsaˬ-eu jah coeˇ paˬ-ehˇ gʼeh-eu Miˬyehˇ dawˬ kawˬ-ahˇ ziꞈ dah ni ya tuˆ tehˬ taˬ-eu meh. Kʼoeˇ loꞈ-ehˇ tuˆ tehˬ taˬ-eu laꞈ kʼoeˇ, maˇ maˇ ni tsaˬ-eu jeˬ mehˬ-awˇ aˬ cawˬ-ahˇ gʼaˬ biꞈ nehˬ nya-eu uˬ taꞈ, maˬ naˇ haˬ geuꞈ-eu tsawˇ haˬ deuˬ-ahˇ aˬ yawꞈ maꞈ-euˬ yaw lehˬ mawˇ leˇ ni toeˬ mehˬ nya-eu tsawˇ haˬ ya bi pyeuꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Sarjax zif-eu dawq maeqmaeq-aer, aqcawq-anr ghaq bifnya-eu uqtaf, tsawrpyaer pyaer-eu tsawrhaq-anr maeqghaq nya’ni, aqyawf nae yadzaw-euq tsaq-awr tsanr-eu dawqmaeq dawqtsov-anr zifdanni nyaeftaeq taq-euq tsawrhaq khawf yapyeuf-eu mae.

Tiˇtuˆ 1:9 Iomraidhean Croise

Yawˇbaˆ 2:3

Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 27:6

Ngaˇ yaw tsaˬ ma lehˇ ngaˇ ehˇ luꞈ-eu heu maˬ paˇ pyehˬ dzeh ma. Ngaˇ kʼaˇ dehꞈ kʼoeˇ keuˆ ni ngaˬ-euˬ nui ma shawˇ jehˆ ni jaˆ ma.

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Gʼaˬkʼehˇ 18:28

Aˬ jeˬ miˇ neh ehˇ naˇ, miˇ kʼahˬ zaˬ gʼawˬ mya ni mehˬ shi aˬ yawꞈ Jaˇli -ahˇ gʼoe gʼoe-ehˇ Yuˇdaˆ tsawˇ haˬ nehˬ-ehˇ yaw kʼaˆ kʼaˆ-ehˇ ja-awˇ, Yeˬsuˇ Meˬsiˇya pyeuꞈ-eu gaˇ kawˆ ja gʼaˬ-euˬ meh.

1 Gawˇliˬtu 14:24

Ehˇ kʼawꞈ, yawˬ gʼaˬ na luꞈ Miˬyehˇ dawˬ kawˬ mehˬ luꞈ ngeh, Ka li-ahˇ maˬ jah-eu tsawˇ haˬ deuˬ hawˇ-eu maˬ siˬ nya-eu tsawˇ haˬ uˇ laˇ zaˬ naˇ, dawˬ kʼoeˇ-ahˇ ya gaˬ-eu baˬ da neh yawˬ ha-euˬ iˬ baˇ gaˇ kawˆ noeˬ siˬ leˇ-awˇ, aˬ yawꞈ neh kʼaˇ ya gaˬ-euˬ jeˬ aˬ yawꞈ-ahˇ yaˇ kʼaˬ daˇ tehꞈ-a.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

2 Teˇsaˬloˇni 2:15

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, jah-eu laꞈ kʼoeˇ ziꞈ dah ni dehꞈ-awˇ, nga maꞈ dawˬ mehˬ mehˬ-awˇ maˬ ehˇ, sahˬ boꞈ boꞈ-awˇ maˬ ehˇ, naw maꞈ-ahˇ mehˬ nehˬ tsoˆ nehˬ-euˬ yaw tsaˬ yaw dawˇ dawˬ-ahˇ ziꞈ dah ni tuˆ tehˬ taˬ-awˬ.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

1 Tiˆmoˇseˬ 1:15

Iˬ baˇ zaˬ-ahˇ ka kʼoꞈ-eu gʼaˇ duˬ Yeˬsuˇ Ka li miˇ tsaˬ kʼoeˇ taˆ oe-euˬ meh lehˇ ehˇ taˬ-euˬ kʼoeˇ-aˬ, tiˬ byah tiˬ loꞈ ha geuꞈ-awˇ jah paˬ-ehˇ gʼeh-eu dawˬ pyeuꞈ-eu meh. Iˬ baˇ zaˬ deuˬ laꞈ kʼoeˇ aˬ cawꞈ naˆ maˬ tseˇ iˬ baˇ huiˬ dzehˬ-eu gʼaˬ-aˬ, ngaˇ ma.

1 Tiˆmoˇseˬ 1:19

Nawˬ-euˬ jah-eu jeˬ hawˇ-eu shawˇ jehˆ ni gʼeh-eu siˬ nya-eu nui ma-ahˇ tuˆ tehˬ taˬ-awˬ. Tsawˇ haˬ tiˬ paˆ na deuˬ-aˬ, yawˬ ha-euˬ siˬ nya-eu nui ma-euˬ ehˇ dawˬ maˬ naˇ haˬ-eu miˇ neh, yawˬ ha-euˬ jah-eu jeˬ-ahˇ laˆ cawˆ-eu meh.

1 Tiˆmoˇseˬ 4:9

Dawˬ heu dawˬ-aˬ, yaw muiˬ paˬ-ehˇ naˇ haˬ geuꞈ-awˇ jah paˬ-ehˇ gʼeh-eu tsaˬ dui dui-eu dawˬ meh.

1 Tiˆmoˇseˬ 6:3

Aˬ dui-euˬ Sahˬpaˬ Yeˬsuˇ Ka li-euˬ dawˬ hawˇ-eu, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ mehˬ taˬ tsoˆ taˬ-euˬ gaˇ maˬ tsaˬ leˇ-eu, beu gaˇ-eu jah-eu jeˬ gaˇ kawˆ kʼaˇ mehˬ-eu tsawˇ haˬ deuˬ-aˬ,

2 Tiˆmoˇseˬ 1:13

Ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ nawˇ dzaw geuꞈ-awˇ caw teh-eu laꞈ kʼoeˇ, ziꞈ dah ni tuˆ tehˬ taˬ-awˇ, Yeˬsuˇ Ka li laꞈ kʼoeˇ aˬ dui za taˬ-euˬ jah-eu jeˬ hawˇ-eu gʼoeˇ-eu gaˬ-eu jeˬ laꞈ kʼoeˇ jawˇ-awˬ.

2 Tiˆmoˇseˬ 2:2

Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

2 Tiˆmoˇseˬ 2:25

Yawˬ ha-ahˇ nui ma maˬ tsaˬ-eu tsawˇ haˬ deuˬ-ahˇ nui ma gʼawˬ mahˇ ni taˬ-awˇ mehˬ paˇ tsoˆ paˇ nya-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, Miˬyehˇ aˬ yawꞈ maꞈ-ahˇ bi noeˬ paˇ-awˇ, yaw tsaˬ yaw dawˇ jeˬ-ahˇ bi siˬ nya laˇ gaˇ noeˬ tmˬ kʼaˇ za-eu meh.

2 Tiˆmoˇseˬ 3:14

Ehˇ kʼawꞈ nawˇ-aˬ, nawˬ-ahˇ mehˬ nehˬ-euˬ loꞈ-ehˇ ziꞈ dah ni jah duˬ taˬ-euˬ yaw tsaˬ yaw dawˇ jeˬ-ahˇ maˬ byehˇ dzeh ni tuˆ tehˬ taˬ-awˬ. Nawˬ-ahˇ mehˬ nehˬ tsoˆ nehˬ-euˬ tsawˇ haˬ deuˬ aˬ suˇ gʼaˬ-a lehˇ nawˇ siˬ nya meh.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

Tiˇtuˆ 1:11

Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

Tiˇtuˆ 2:1

Ehˇ kʼawꞈ, nawˇ-aˬ, tsaˬ-eu muiˬ-eu jah-eu jeˬ-ahˇ tsaˬ leˇ-eu jeˬ ya mehˬ ya tsoˆ meh.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.

Panmaeq 2:25

Ehˇ kʼawꞈ, ngaˇ oe ngeh keuˆ ni naw maꞈ kʼaˇ jaˆ luꞈ-eu jeˬ-ahˇ ziꞈ dah ni tuˆ tehˬ taˬ-awˬ.

Panmaeq 3:11

Ngaˇ yaw kawˇ-ehˇ oe ma. Naw maꞈ-euˬ gʼaˬ leˇ-eu laꞈ sawˬ-ahˇ tsawˇ haˬ tiˬ gʼaˬ-iˬ maˬ bi lu doˆ geuꞈ-eu gʼaˇ duˬ, naw maꞈ jaˆ luꞈ-eu jeˬ-ahˇ yaw muiˬ paˬ-ehˇ jeˬ hmˬ taˬ-awˬ.

Panmaeq 3:3

Nawˬ-ahˇ mehˬ nehˬ tsoˆ nehˬ-euˬ jeˬ hawˇ-eu nawˬ neh ya gaˬ taˬ-euˬ jeˬ-ahˇ noeˬ keuˆ-awˬ. Kʼoeˇ-ahˇ naˇ haˬ geuꞈ-awˇ, iˬ baˇ-ahˇ byehˇ dzeh-awˬ. Nawˇ maˬ noeˬ laˇ naˇ, smˇ kʼoeˬ oe-eu loꞈ-ehˇ nawˇ jawˇ gaˇ ngaˇ oe-awˇ, ngaˇ oe-eu aˇ yamˬ nawˇ maˬ ya siˬ-aˇ.