Tiˇtuˆ 1:7 - Akha

⁷ Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Tiˇtuˆ 1:7 Iomraidhean Croise

Aˇ dahˬ 49:6

Aˬ yawꞈ nyaꞈ bawˬ dzaˬ kʼoeˬ gaˇ ngaˇ maˬ iˇ. Aˬ yawꞈ nyaꞈ mehˬ bawˬ mˇ gaˇ ngaˇ maˬ ahˇ. Aˬ jeˬ miˇ neh ehˇ naˇ, tsawˇ haˬ-ahˇ sehꞈ-awˇ, mawˇ neˇ kuiˇ guˬ yuˇ niˇ gʼa gaˇ keuˆ ni, aˬ yawꞈ nyaꞈ nui ma pehˇ-eu meh.

Dawqdaq 14:17

Nui ma yaw suˬ deuˬ aˬ laꞈ kawˇ-awˇ, tsawˇ gahˇ byah-eu deuˬ nui ma yaw mahˇ meh.

Dawqdaq 15:18

Nui ma yaw suˬ deuˬ iˬ dehˬ iˬ ceh laˆ doˆ-awˇ, nui ma yaw mahˇ deuˬ nui jaˆ laˆ byoˆ-eu meh.

Dawqdaq 16:32

Oˇ dzeuˇ nya-eu jeˬ-aˬ, aˬ cawˬ-ahˇ gʼaˬ leˇ-eu jeˬ naˆ maˬ tseˇ muiˬ-awˇ, meuˬ meuˬ lah-ehˇ deuˆ gʼaˬ-eu naˆ maˬ tseˇ, yawˬ ha-euˬ nui ma-ahˇ gʼaˬ leˇ-eu poeˬ dzehˬ meh.

Dawˬ tsoˆ 7:9

Nui ma pehˇ-eu taˬ tehˬ. Nui pehˇ-euˬ jawˇ duˬ-aˬ, aˬ dzawˬ aˇ gah-euˬ bawˇ kʼahˇ meh.

Iˇsaˬyaˇ 28:7

Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ, jiˇ baˬ yehꞈ-awˇ yawꞈ lawꞈ gʼaˇ laˇ-ehˇ cah-eu meh. Aˬ yawꞈ maꞈ jiˇ baˬ yehꞈ dui dui-eu miˇ neh, tiˬ jeˬ-iˬ maˬ duˬ maˬ ciˇ-a. Miˬyehˇ gʼaˇ duˬ ngehˬ dah-eu deuˬ jiˇ baˬ yehꞈ-eu miˇ neh, Miˬyehˇ pah mehˬ-eu jeˬ-ahˇ maˬ mawˇ duˬ nya-a. Piˇ ma deuˬ jiˇ baˬ yehꞈ-eu baˬ da neh, yaw tsaˬ yaw dawˇ dawˇ-ehˇ yaˇ kʼaˬ maˬ daˇ nya-a.

Yeˬsaˬgeˬlaˇ 44:21

Laꞈ kʼoeˇ pu kaˬ-ahˇ uˇ leˇ-eu lehˇ gʼeh ngeh, aˬ gaꞈ dzaˇ uiˇ maˬ ya dawˇ-a.

Uˬ duˬ 10:9

“Nawˇ hawˇ-eu nawˬ-euˬ aˬ li deuˬ, aˬgaꞈ dzaˇ uiˇ maˬ ehˇ, bi yehꞈ laˇ-eu dzaˇ uiˇ tiˬ jeˬ na maˬ ehˇ dawˇ gʼaˬ naˇ, ngaˇ jawˇ-euˬ Sehˬ gʼawˆ laꞈ kʼoeˇ maˬ ya uˇ laˇ-a. Uˇ laˇ naˇ, naw maꞈ ya shiˇ tehꞈ-a. Heu-aˬ, nawˬ-euˬ zaˬ nawˬ-euˬ uˆ dawˬ tawˆ luꞈ ya caw teh-eu zahˇ pyeuꞈ-eu meh.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Tiˇtuˆ 1:5

Maˬ mˇ luiˆ dah-euˬ gaˇ deuˬ mˇ luiˆ-eu gʼaˇ duˬ maˬ ehˇ, iˇ jaw lahˇ laꞈ kʼoeˇ jaˆ-eu meuˬ yawˬ meuˬ na luꞈ laꞈ kʼoeˇ Ka li zaˬ aˇ muˇ-ahˇ sheuˬ gʼeh nehˬ-eu aˬ yuiꞈ aˬ tsu deuˬ tseˇ doˆ nehˬ-eu gʼaˇ duˬ maˬ ehˇ, Gaˬlaˬdeˬ iˇ jaw lahˇ laꞈ kʼoeˇ nawˬ-ahˇ ngaˇ bi jawˇ yaꞈ-euˬ ma.

Tiˇtuˆ 2:3

Kʼoeˇ loꞈ-ehˇ duˇ ni, tsawˇ kʼaˆ kʼaˆ laˇ-euˬ zaˬ miˬ zaˬ deuˬ-ahˇ kʼawꞈ, muiˬ-eu shawˇ-eu zaˬ miˬ zaˬ deuˬ loꞈ-ehˇ dehꞈ nya jawˇ nya ni mehˬ nehˬ-awˬ. A cawˬ gaˇ kawˆ ja bu ja doeˇ-eu tsawˇ haˬ hawˇ-eu aˬ gaꞈ dzaˇ uiˇ-euˬ zaˬ kʼaˆ maˬ ya bi pyeuꞈ ni, yaw muiˬ jeˬ mehˬ-eu tsoˆ-eu tsawˇ haˬ ya bi pyeuꞈ meh.

1 Beˬtuˆluˆ 4:10

Tiˬ gʼaˬ tiˇ gʼaˬ za taˬ-euˬ Miˬyehˇ neh biꞈ laꞈ-euˬ laꞈ sawˬ deuˬ-ahˇ yaw muiˬ paˬ-ehˇ jeˬ hmˬ-awˇ, aˬ cawˬ gʼaˇ duˬ gaˇ dahˇ tsoeˬ ni zmˬ-awˬ.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.

2 Beˬtuˆluˆ 2:10

Jawꞈ dui dui-eu shiˬ shaˬ jiˇ-euˬ nui kʼahˇ mehˬ nah caw teh-awˇ Miˬyehˇ uˆ lahˇ-eu jeˬ-ahˇ yehˬ bawˬ sehˇ lu-ehˇ ehˇ-eu deuˬ-ahˇ-aˬ, aˬ cawˬ-ahˇ naˆ maˬ tseˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ Miˬyehˇ siˬ nya meh. Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, guˆ-eu nui ma maˬ ahˇ ni, kʼaˬ duˬ ni mehˬ-eu tsoˆ-eu meh. Mˬ kʼoeˇ taˆ yaw shehꞈ kʼahˬ sehˇ huiˬ-eu deuˬ-ahˇ kʼawꞈ yaw zeu maˬ baw-eu uˬ taꞈ, yehˬ bawˬ sehˇ lu-ehˇ ehˇ-eu meh.