Tiˇtuˆ 1:6 - Akha

⁶ Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu tsawˇ haˬ ya bi pyeuꞈ meh. Miˬ zaˬ tiˬ gʼaˬ tehꞈ-ehˇ ya bi baw-awˇ, aˬ yawꞈ-euˬ zaˬ deuˬ kʼawꞈ Ka li-ahˇ jah-eu tsawˇ haˬ ya bi pyeuꞈ meh. Ehˇ dawˬ maˬ naˇ haˬ-eu aˬ dzawˬ aˇ gah gah-eu zaˬ deuˬ maˬ ya bi pyeuꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tsawrhaq tiqghaqnav, iqbax taqkhar maqza-eu, miqzaq tiq ghaq taef-aer baw-eu, zaqdeuq khawf Sanqpaq Yeqsur-anr jan-awr, aqcawq aerkhar maqza’ni yawmuiq yawshawr shawr-aer daef-eu uqtaf, zaqdeuq aerdawq narhaq-eu ngeur nar-aq, nawr khoerghaq-anr aqyuif aqtsu bigeuf-awq.

Tiˇtuˆ 1:6 Iomraidhean Croise

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Dawqdaq 28:7

Miˇ kʼahˬ zahˇ sahˇ kʼoꞈ-ahˇ yaw muiˬ paˬ-ehˇ caw teh-eu zaˬ guˬ-aˬ, tsawˇ gahˇ ahˇ-eu meh. Gaˇ dahˇ maˬ tsoeˬ-eu deuˬ nehˬ-ehˇ cawˬ cawˬ-eu gʼaˬ-aˬ, aˬ da-euˬ nui ma-ahˇ laˆ shaˬ nehˬ-eu meh.

Yeˬsaˬgeˬlaˇ 44:22

Aˬ cawˬ-euˬ miˬ kʼoꞈ-ahˇ maˬ ya sheuˬ-a. Iˇsaˬleˬlaˆ tsawˇ jeuˬ miˬ daꞈ hawˇ-eu, piˇ ma-euˬ miˬ coeˬ miˬ ma-ahˇ tehꞈ-ehˇ ya sheuˬ meh.

Uˬ duˬ 21:14

Miˬ coeˬ miˬ ma-ahˇ maˬ ehˇ, miˬ kʼoꞈ-ahˇ maˬ ehˇ, meh maˬ laˇ geuꞈ haw-euˬ zaˬ miˬ zaˬ-ahˇ maˬ ehˇ, aˬ yawꞈ maˬ ya sheuˬ-a. Kʼaˬ dzeˇ zaˬ neh maˬ bi toeˬ ciˆ haw-euˬ aˬ yawꞈ-euˬ aˇ jeuˬ aˇ ca pyeuꞈ-eu miˬ daꞈ-ahˇ tehꞈ-ehˇ aˬ yawꞈ ya sheuˬ dahˬ dzaˬ meh.

Uˬ duˬ 21:7

Meh maˬ laˇ geuꞈ haw-euˬ zaˬ miˬ zaˬ-ahˇ maˬ ehˇ, kʼaˬ dzeˇ zaˬ neh bi toeˬ ciˆ gʼaˬ-euˬ miˬ daꞈ-ahˇ maˬ ehˇ, miˬ kʼoꞈ-ahˇ maˬ ehˇ, piˇ ma geuꞈ-eu gʼaˬ maˬ ya sheuˬ-a. Aˬ jeˬ miˇ neh ehˇ naˇ, piˇ ma-aˬ, muiˬ-eu shawˇ-eu tsawˇ haˬ meh.

Maˬlaˬkiˇ 2:15

Nyiˬ gʼaˬ-euˬ tiˬ mawˇ do tehꞈ-ehˇ pyeuꞈ-awˇ, nui ma tiˬ siˬ tehꞈ-ehˇ taꞈ ni Miˬyehˇ jahˇ-euˬ maˬ ngeuˇ-a loˇ. Aˬ yawꞈ-euˬ noeˬ tmˬ duˬ aˬ joˆ-ehˇ jaˆ ta. Naw nyaꞈ o neh jeuˬ le o le-euˬ zaˬ deuˬ Miˬyehˇ-euˬ tsawˇ haˬ maˇ maˇ ni pyeuꞈ laˇ gaˇ noeˬ tmˬ-euˬ maˬ ngeuˇ-a loˇ. Kʼoeˇ miˇ neh, naw maꞈ tiˬ gʼaˬ-iˬ yawˬ ha-euˬ miˬ zaˬ-ahˇ saˇ jaˇ taˬ puiˬ.

Luˇkaꞈ 1:5

Yuˇdaˆ miˇ kʼahˬ-ahˇ sahˬ paˬ Heˬloˆ uˆ lahˇ ngeh, Aˬbiˇyaˬ aˇ jeuˬ laꞈ kʼoeˇ, Zaˬkaˬliˇ lehˇ myahˇ-euˬ piˇ ma tiˬ gʼaˬ jawˇ-eu meh. Aˬ yawꞈ-euˬ miˬ zaˬ-aˬ, Aˬloˬ-euˬ aˇ jeuˬ pyeuꞈ-awˇ, Eˇliˇsaˬbehˆ lehˇ myahˇ-euˬ meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.

1 Tiˆmoˇseˬ 1:9

Ehˇ kʼawꞈ, zahˇ dawˬ kʼoꞈ dawˬ-aˬ, tsawˇ haˬ yaw muiˬ deuˬ gʼaˇ duˬ taˬ taˬ-euˬ maˬ ngeuˇ-a. Zahˇ dawˬ kʼoꞈ dawˬ-ahˇ mˇ bahˬ-eu tsawˇ haˬ, naˬ lehˬ lehˬ-eu tsawˇ haˬ, Miˬyehˇ-ahˇ yaw zeu maˬ baw-eu tsawˇ haˬ, iˬ baˇ mˇ-eu tsawˇ haˬ, uˬ duˬ tahˬ-eu zahˇ sahˇ kʼoꞈ hawˇ-eu guiˬ lahˬ saꞈ laˇ paw maˬ taˬ huiˬ-eu tsawˇ haˬ, aˬ da aˬ ma-ahˇ sehꞈ-eu tsawˇ haˬ, aˬ cawˬ-ahˇ sehꞈ-eu tsawˇ haˬ,

1 Tiˆmoˇseˬ 3:12

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ-aˬ, miˬ zaˬ tiˬ gʼaˬ tehꞈ-ehˇ baw-awˇ, yawˬ ha-euˬ nymˇ jiˇ hawˇ-eu zaˬ deuˬ-ahˇ yaw muiˬ paˬ-ehˇ gʼaˬ leˇ-eu tsawˇ haˬ ya bi pyeuꞈ meh.

Tiˇtuˆ 1:10

Aˬ jeˬ miˇ neh ehˇ naˇ, ehˇ dawˬ maˬ naˇ haˬ-eu uˬ taꞈ, gaˇ dahˇ maˬ tsoeˬ-eu jeˬ ja-eu laꞈ kʼoeˇ aˬ cawˬ-ahˇ mehˇ shuiˇ shuiˇ-awˇ tsahˇ pyawˇ-eu tsawˇ haˬ gʼawˬ mya ni jawˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-aˬ, kʼaˆ kʼaˆ ni Yuˇdaˆ tsawˇ haˬ-euˬ zahˇ sahˇ kʼoꞈ tawˬ-awˇ Ka li zaˬ pyeuꞈ laˇ-euˬ kʼoeˇ deuˬ meh.

1 Saˬmeuˬlaˆ 2:11

Kʼoeˇ naˇ, Laˬmahˇ meuˬ-ahˇ Eˇlaˬkaˬnaˬ gʼoꞈ-iˇ-euˬ meh. Ehˇ kʼawꞈ, aˬ li Saˬmeuˬlaˆ gʼaˬ Shiˇloˬ meuˬ-ahˇ jawˇ yaꞈ-awˇ, piˇ ma Eˇliˆ-euˬ laꞈ oˆ Sahˬpaˬ Miˬyehˇ-euˬ gaˇ mˇ-euˬ meh.

1 Saˬmeuˬlaˆ 2:22

Nymˬ-mˇ poˆ jawˇ, Eˇliˆ tsawˇ mawˬ mawˬ dui dui laˇ taˬ-euˬ meh. Aˬ yawꞈ-euˬ aˬ li deuˬ Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ luꞈ-eu gaˇ kawˆ hawˇ-eu, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ gaˇ mˇ luꞈ-eu zaˬ miˬ zaˬ deuˬ nehˬ-ehˇ yuꞈ taꞈ gaˇ keuˆ ni aˬ yawꞈ maꞈ dehꞈ cawˆ taˬ-euˬ gaˇ kawˆ-ahˇ, Eˇliˆ maˬ tsehˆ leˇ ni ya gaˬ luꞈ-eu meh.