Tiˇtuˆ 1:10 - Akha

¹⁰ Aˬ jeˬ miˇ neh ehˇ naˇ, ehˇ dawˬ maˬ naˇ haˬ-eu uˬ taꞈ, gaˇ dahˇ maˬ tsoeˬ-eu jeˬ ja-eu laꞈ kʼoeˇ aˬ cawˬ-ahˇ mehˇ shuiˇ shuiˇ-awˇ tsahˇ pyawˇ-eu tsawˇ haˬ gʼawˬ mya ni jawˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-aˬ, kʼaˆ kʼaˆ ni Yuˇdaˆ tsawˇ haˬ-euˬ zahˇ sahˇ kʼoꞈ tawˬ-awˇ Ka li zaˬ pyeuꞈ laˇ-euˬ kʼoeˇ deuˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, aqcawq-euq dawq maq narhaq-eu tsawrhaq ghawqmya’ni jawr-eu mae. Aqyawf maf-aq, gardanr maqtsoeq-eu dawq taef-aer ngaeq-eu uqtaf, jaqmyawf myawfmyawf-aer aqcawq-anr sheuqbanq luf-eu mae. Aqyawfmaf myaqni-aq, bawkhov maeqdzaq yaeq-eu tsawrhaq-euq lafkhoer keuq-eu mae.

Tiˇtuˆ 1:10 Iomraidhean Croise

Gʼaˬkʼehˇ 11:2

Beˬtuˆluˆ Yeˬluˇsaˬlehˬ meuˬ-ahˇ le ngeh, Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ baˆ kʼoˆ mehˬ dzaˬ bi yehˬ mawꞈ-eu nui ma ahˇ-eu deuˬ aˬ yawꞈ-ahˇ heu loꞈ-ehˇ iˬ baˇ taˬ-eu meh.

Gʼaˬkʼehˇ 15:1

Yuˇdaˆ miˇ kʼahˬ-ahˇ jawˇ-eu tsawˇ haˬ tiˬ paˆ na deuˬ Aˬdiˇawˬ meuˬ-ahˇ laˇ-awˇ, “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ baˆ kʼoˆ mehˬ dzaˬ maˬ yehˬ naˇ, naw maꞈ ka kʼoꞈ-eu jeˬ-ahˇ maˬ za nya-aˇ” lehˇ, jah-eu tsawˇ haˬ deuˬ-ahˇ mehˬ laˇ-euˬ meh.

Gʼaˬkʼehˇ 15:24

Nga maꞈ-euˬ tsawˇ haˬ tiˬ paˆ na deuˬ naw maꞈ jawˇ gaˇ laˇ-awˇ, naw maꞈ-euˬ nui ma suˬ saˬ-awˇ poˆ poˆ laˆ laˆ-ehˇ noeˬ ni mehˬ laˇ-euˬ gaˇ kawˆ ya gaˬ gʼaˬ-euˬ ma. Tsawˇ haˬ kʼoeˇ deuˬ-ahˇ nga maꞈ neh mehˬ-awˇ bi laˇ-euˬ maˬ ngeuˇ.

Gʼaˬkʼehˇ 20:29

Ngaˇ doˆ-iˇ dzeuˇ naˇ guˆ laˇ paˬ-ehˇ gʼeh-eu kʼaˬ yehˇ deuˬ oe-awˇ, yawˇ yawˇ maꞈ-ahˇ gʼawˬ shaˬ maˬ gaˬ ni laˆ cawˆ le tehꞈ-a lehˇ ngaˇ siˬ nya ma.

Gaˬlaˬtiˆ 2:4

Tiˬ paˆ na deuˬ-aˬ, aˬ yawꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh. Tsawˇ haˬ kʼoeˇ deuˬ Ka li-ahˇ jah-eu tsawˇ haˬ jahˇ geuꞈ-awˇ, nga maꞈ-euˬ aˇ muˇ laꞈ kʼoeˇ uˇ kʼoeˬ laˇ-awˇ, Yeˬsuˇ Ka li laꞈ kʼoeˇ nga maꞈ Zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh ni mˇ nya shaˇ nya-eu a kawˬ-aˬ za taˬ-euˬ gaˇ kawˆ-ahˇ kʼoeˬ sho haw laˇ-euˬ meh. Aˬ yawꞈ maꞈ-aˬ, nga maꞈ-ahˇ Zahˇ dawˬ kʼoꞈ dawˬ-euˬ zaˬ kʼaˆ bi geuꞈ mawꞈ-eu meh.

Gaˬlaˬtiˆ 3:1

Gaˬlaˬtiˆ miˇ kʼahˬ-ahˇ jawˇ-eu dawˇ ga deuˬ-oˇ. Aˬ suˇ gʼaˬ neh naw maꞈ-ahˇ mehˇ shuiˇ paˇ bi shuiˇ tawˆ teˬ. Yeˬsuˇ Ka li laꞈ yaꞈ kʼoeˇ taˆ kamˇ shiˇ-euˬ gaˇ kawˆ naw maꞈ-euˬ myaˆ kʼeh yaw duˬ duˬ-ehˇ dzawˇ nehˬ gʼaˬ-euˬ maˬ ngeuˇ-a loˇ.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

1 Tiˆmoˇseˬ 1:4

Aˬ poeˬ dawˬ oeˇ kʼoeˇ deuˬ hawˇ-eu aˇ saˬ saˬ-eu maˬ baw-eu tsuiꞈ daˆ gui-eu kʼoeˇ deuˬ-ahˇ byehˇ dzeh-awˬ lehˇ, aˬ yawꞈ maꞈ-ahˇ ehˇ nehˬ-awˬ. Kʼoeˇ-aˬ, dawˬ ja myaˬ-awˇ tsawˇ pyehˇ pyehˇ-eu jeˬ oꞈ-eu tehꞈ meh. Aˬ dui jah-eu baˬ da neh siˬ nya laˇ-eu jeˬ pyeuꞈ-eu Miˬyehˇ-euˬ nui noeˬ maˬ doˆ laˇ-a.

1 Tiˆmoˇseˬ 1:6

Tsawˇ haˬ tiˬ paˆ na deuˬ heu deuˬ-ahˇ byehˇ dzeh yaꞈ-awˇ, gaˇ dahˇ maˬ tsoeˬ-eu jeˬ ja-eu paw iˇ pyawˇ taˬ-euˬ meh.

1 Tiˆmoˇseˬ 1:9

Ehˇ kʼawꞈ, zahˇ dawˬ kʼoꞈ dawˬ-aˬ, tsawˇ haˬ yaw muiˬ deuˬ gʼaˇ duˬ taˬ taˬ-euˬ maˬ ngeuˇ-a. Zahˇ dawˬ kʼoꞈ dawˬ-ahˇ mˇ bahˬ-eu tsawˇ haˬ, naˬ lehˬ lehˬ-eu tsawˇ haˬ, Miˬyehˇ-ahˇ yaw zeu maˬ baw-eu tsawˇ haˬ, iˬ baˇ mˇ-eu tsawˇ haˬ, uˬ duˬ tahˬ-eu zahˇ sahˇ kʼoꞈ hawˇ-eu guiˬ lahˬ saꞈ laˇ paw maˬ taˬ huiˬ-eu tsawˇ haˬ, aˬ da aˬ ma-ahˇ sehꞈ-eu tsawˇ haˬ, aˬ cawˬ-ahˇ sehꞈ-eu tsawˇ haˬ,

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

2 Tiˆmoˇseˬ 4:4

Yaw tsaˬ yaw dawˇ jeˬ-ahˇ aˬ yawꞈ maꞈ maˬ naˇ haˬ-ehˇ, aˬ poeˬ dawˬ oeˇ ja gaˇ tehꞈ-ehˇ naˇ haˬ tehꞈ-a.

Tiˇtuˆ 1:6

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu tsawˇ haˬ ya bi pyeuꞈ meh. Miˬ zaˬ tiˬ gʼaˬ tehꞈ-ehˇ ya bi baw-awˇ, aˬ yawꞈ-euˬ zaˬ deuˬ kʼawꞈ Ka li-ahˇ jah-eu tsawˇ haˬ ya bi pyeuꞈ meh. Ehˇ dawˬ maˬ naˇ haˬ-eu aˬ dzawˬ aˇ gah gah-eu zaˬ deuˬ maˬ ya bi pyeuꞈ-a.

Yaˬkoˆ 1:26

Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

1 Yoˇhaˬ 2:18

Ngaˇ gaˬ dui dui-eu zaˬ deuˬ-oˇ, aˇ saˬ saˬ-eu aˇ yamˬ peh le-euˬ meh. Ka li-ahˇ Muiˇ-eu Gʼaˬ oe luꞈ meh lehˇ ehˇ-eu naw maꞈ ya gaˬ taˬ-euˬ meh. Ka li-ahˇ muiˇ-eu gʼawˬ mya gʼaˬ nymˬ-mˇ doˆ le gʼaˬ-euˬ meh. Kʼoeˇ miˇ neh, aˇ saˬ saˬ-eu aˇ yamˬ keuˆ le-euˬ gaˇ kawˆ aˬ dui siˬ nya-eu ma.

1 Yoˇhaˬ 2:4

Tsawˇ haˬ tiˬ gʼaˬ na aˬ yawꞈ-ahˇ siˬ nya ma lehˇ ehˇ-eu kʼawꞈ, aˬ yawꞈ neh biꞈ taˬ-euˬ dawˬ deuˬ-ahˇ maˬ naˇ haˬ geuꞈ naˇ, jaˬ myawꞈ myawꞈ-eu tsawˇ haˬ pyeuꞈ-awˇ, aˬ yawꞈ-euˬ laꞈ kʼoeˇ yaw tsaˬ yaw dawˇ jeˬ maˬ ahˇ-a.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.

Panmaeq 2:6

Niˇgawˇla tsawˇ haˬ deuˬ mˇ luꞈ shaˇ luꞈ-eu jeˬ-ahˇ ngaˇ maˬ haw nahˇ-eu loꞈ-ehˇ, nawˇ kʼawꞈ maˬ haw nahˇ-a.