Piˇliˇpiˆ 4:9 - Akha

⁹ Ngaˬ neh ngehˬ-euˬ tmˇ-euˬ hawˇ-eu mˇ-euˬ shaˇ-euˬ jeˬ laꞈ kʼoeˇ naw maꞈ neh haw geuꞈ taˬ-euˬ jeˬ mˇ doˆ shaˇ doˆ laꞈ-awˬ. Aˬ dui-ahˇ nui saˇ oꞈ-eu jeˬ biꞈ laꞈ-eu gʼaˬ pyeuꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawmaf, ngaq-anr nae dzaw-awr hageuf-euq deuq hawr-eu, yagaq-awr ya’mawr-euq deuq, heudeuq dawqtawv luf-anr nawmaf mrghae-awq. Khoerlof-aer mr nar-aq, nuisar bif-eu Miqyaer, nawmaf naeq-aer jawr taef-a.

Piˇliˇpiˆ 4:9 Iomraidhean Croise

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 7:21

“Ngaˬ-ahˇ ‘Sahˬ paˬ-oˇ, Sahˬ paˬ-oˇ’ lehˇ kʼaˇ kuˇ-eu tsawˇ haˬ yawˬ gʼaˬ na luꞈ, mˬ taˆ Miˇkʼahˬ-ahˇ ya uˇ leˇ-eu maˬ ngeuˇ-a. Mˬ kʼoeˇ taˆ jawˇ-eu ngaˬ Da nui ma tsaˬ-eu jeˬ mˇ-eu tsawˇ haˬ deuˬ tehꞈ-ehˇ ya uˇ leˇ-eu meh.

Luˇkaꞈ 6:46

“Ngaˬ neh ehˇ taˬ-euˬ loꞈ-ehˇ naw maꞈ maˬ mˇ gaˇ neh, aˬ jeˬ miˇ neh ngaˬ-ahˇ ‘Sahˬpaˬ-o, Sahˬpaˬ-oˇ’ lehˇ kuˇ te.

Luˇkaꞈ 8:21

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ dawˬ kawˬ-ahˇ gaˬ-awˇ naˇ haˬ geuꞈ-eu tsawˇ haˬ deuˬ-aˬ, ngaˬ ma hawˇ-eu ngaˬ-euˬ mehˇ nmˇ pyeuꞈ-eu ma.”

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”

Lormav 15:33

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ yawˬ gʼaˬ na luꞈ nehˬ-ehˇ jawˇ luꞈ-uˇ. Aˬ miˬ.

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

1 Gawˇliˬtu 10:31

Kʼoeˇ miˇ neh, dzaˬ-eu maˬ ehˇ, dawˇ-eu maˬ ehˇ, kʼaˇ mˇ kʼaˇ shaˇ-eu yawˬ jeˬ na luꞈ Miˬyehˇ-euˬ yaw shehꞈ kʼahˬ sehˇ doˆ laˇ ni mˇ-awˬ.

1 Gawˇliˬtu 14:33

Aˬ jeˬ miˇ neh ehˇ naˇ, aˬ dui maˬ tsaˬ maˬ dzoeˇ leˇ-eu jeˬ-ahˇ Miˬyehˇ maˬ geuꞈ mawꞈ-a. Tsaˬ leˇ dzoeˇ leˇ-eu jeˬ-ahˇ aˬ yawꞈ geuꞈ mawꞈ-eu meh. Miˬyehˇ-euˬ tsawˇ haˬ deuˬ-euˬ Ka li zaˬ aˇ muˇ yawˬ muˇ na luꞈ mˇ luꞈ-eu loꞈ-ehˇ,

1 Gawˇliˬtu 4:16

Kʼoeˇ miˇ neh, ngaˬ-ahˇ dzaw geuꞈ-eu gʼaˇ duˬ naw maꞈ-ahˇ ngaˇ shaˇ-eu ma.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Dawˬmehˬ 5:1

Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ ehˇ nehˬ-eu, “Iˇsaˬleˬlaˆ tsawˇ haˬ deuˬ-oˇ, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ-awˇ dzaw geuꞈ-eu laꞈ kʼoeˇ, yaw muiˬ paˬ-ehˇ caw teh-awˬ.

Piˇliˇpiˆ 3:17

Aˬ yuiꞈ aˬ nyiˇ Ka li zaˬ deuˬ-oˇ, ngaˇ yaw dehꞈ dehꞈ gaˇ dzaw geuꞈ-awˬ. Naw maꞈ bi caw teh-eu gʼaˇ duˬ nga maꞈ neh mehˬ taˬ yaꞈ-euˬ jeˬ-ahˇ caw teh luꞈ-eu tsawˇ haˬ deuˬ-ahˇ haw geuꞈ-awˬ.

Piˇliˇpiˆ 4:7

Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

1 Teˇsaˬloˇni 1:6

Nga maꞈ-ahˇ maˬ ehˇ, Sahˬpaˬ Yeˬsuˇ-ahˇ maˬ ehˇ, naw maꞈ dzaw geuꞈ-euˬ meh. Shaˬ-eu zahˬ-eu jeˬ-ahˇ naw maꞈ ya daˬ dui dui-euˬ kʼawꞈ, Muiˬ-eu shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬtiˬ byah ni ahˇ-eu laꞈ kʼoeˇ, guiˬ lahˬ dawˬ-ahˇ naw maꞈ ha geuꞈ-euˬ meh.

1 Teˇsaˬloˇni 2:14

Nga maꞈ-euˬ aˬ yuiꞈ aˬ nyiˇ Ka li zaˬ deuˬ-oˇ, Yuˇdaˆ miˇkʼahˬ laꞈ kʼoeˇ jawˇ-eu Ka li zaˬ aˇ muˇ deuˬ hawˇ-eu kʼoeˇ gaˇ jawˇ-eu Yeˬsuˇ Ka li-euˬ tsawˇ haˬ deuˬ koeˇ taˆ keuˆ le-euˬ jeˬ, nymˬ-mˇ naw maꞈ kʼoeˇ taˆ keuˆ le-euˬ meh. Yuˇdaˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ loꞈ-ehˇ, naw maꞈ kʼawꞈ, yawˬ ha nehˬ-ehˇ tiˬ kʼahˬ-ahˇ jawˇ luꞈ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ ya daˬ-euˬ meh.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

2 Teˇsaˬloˇni 3:4

Nga maꞈ naw maꞈ-ahˇ nui ma taˬ coeˇ ni Sahˬpaˬ Yeˬsuˇ caw ba nehˬ laꞈ-awˇ, nga maꞈ neh kʼaˇ ehˇ nehˬ-euˬ loꞈ-ehˇ naw maꞈ mˇ daˆ shaˇ daˆ leꞈ tehꞈ-a lehˇ jah-eu ma.

2 Tiˆmoˇseˬ 4:22

Nawˬ-euˬ nui ma laꞈ kʼoeˇ Sahˬpaˬ Yeˬsuˇ jawˇ luꞈ-uˇ. Miˬyehˇ-euˬ guiˬ lahˬ yaw dzahˇ naw maꞈ dawˬ tawˆ luꞈ kʼoeˇ taˆ jaˆ luꞈ-uˇ.

Yaˬkoˆ 1:22

Aˬ yawꞈ-euˬ dawˬ-ahˇ naˬ bawˇ tehꞈ-ehˇ gaˬ-awˇ, yawˬ haˇ yawˬ ha jaˬ myawꞈ myawꞈ-eu tsawˇ haˬ taˬ bi pyeuꞈ. Naˇ haˬ geuꞈ-eu tsawˇ haˬ bi pyeuꞈ-awˬ.

2 Beˬtuˆluˆ 1:10

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.

1 Yoˇhaˬ 3:22

Aˬ yawꞈ-euˬ dawˬ-ahˇ aˬ dui naˇ haꞈ geuꞈ-awˇ, aˬ yawꞈ nui kʼahˇ shiˇ-eu jeˬ aˬ dui mˇ-eu miˇ neh, aˬ yawꞈ-ahˇ kʼaˇ shaˇ-eu jeˬ aˬ dui za-eu ma.