Piˇliˇpiˆ 4:17 - Akha

¹⁷ Ngaˇ pyuˇ daˬ za gaˇ tehꞈ-ehˇ shaˇ noeˬ-eu maˬ ngeuˇ. Naw maꞈ-euˬ jeˬ ma-ahˇ jiˇ jeuˬ ahˇ dzehˬ laˇ ni kʼawꞈ shaˇ noeˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Ngar lafsawq za’ni sharpov-eu maqngeur. Aerkhawf, nawmaf-euq jeqma-anr jirjeuq bijeuq larni sharpov luf-eu ma.

Piˇliˇpiˆ 4:17 Iomraidhean Croise

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Miˇkaˬ 7:1

Ngaˇ nui ma cawˆ dui dui miˇ-a. Aˇ siˬ tiˬ siˬ-iˬ maˬ ngeuˬ-eu aˇ siˬ aˇ bawˇ hawˇ-eu aˬ gaꞈ baw duˆ-ahˇ tahˬ puˬ le-euˬ mehꞈ-eu shuꞈ-eu tsawˇ haˬ tiˬ gʼaˬ-ahˇ duˇ miˇ-a. Aˬ gaꞈ aˇ siˬ hawˇ-eu kuiˇ dui dui-eu siˬ guˬ maˇ sheuˇ aˇ siˬ dawˬ tawˆ luꞈ pyaˆ cuˬ jiˇ taˬ-euˬ meh.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 15:8

Naw maꞈ aˇ siˬ siˬ dui dui le gaˇ haw-awˇ, ngaˬ Da-euˬ yaw shehꞈ kʼahˬ sehˇ-ahˇ aˬ cawˬ ya mawˇ tehꞈ-a. Kʼoeˇ ngeh jawˇ, naw maꞈ ngaˬ-euˬ zaˬ lahˇ pyeuꞈ laˇ-euˬ meh lehˇ ehˇ nya meh.

Lormav 15:28

Ngaˇ gaˇ heu hmˬ mˇ luiˆ gʼaˬ-awˇ aˬ yawꞈ maꞈ gʼaˇ duˬ kʼaˇ laˆ uiˬ taˬ-euˬ pyuˇ daˬ dawˬ tawˆ luꞈ aˬ yawꞈ maꞈ-euˬ aˬ laꞈ laꞈ kʼoeˇ a nehˬ yaꞈ gʼaˬ naˇ, Saˬbeˬ miˇkʼahˬ-ahˇ le ba jawˬ-ehˇ naw maꞈ jawˇ gaˇ laˇ ma.

2 Gawˇliˬtu 11:16

Ngaˇ tiˬ poˆ paˇ ehˇ-eu ma. Tsawˇ haˬ tiˬ gʼaˬ-iˬ ngaˬ-ahˇ aˬ dzawˬ nga lehˇ taˬ noeˬ nehˬ laꞈ. Naw maꞈ kʼoeˇ loꞈ-ehˇ maˇ diˇ noeˬ naˇ kʼawꞈ, ngaˇ gʼeh aˬ cawˬ loꞈ-ehˇ kʼahˬ sehˇ ui cuiˆ jehˆ nya paˬ-ehˇ aˬ dzawˬ tiˬ gʼaˬ loꞈ-ehˇ ha geuꞈ nehˬ laꞈ-awˬ.

2 Gawˇliˬtu 9:5

Kʼoeˇ miˇ neh, ngaˬ-euˬ gʼawˇ mawˇ naw maꞈ jawˇ gaˇ maˬ oe mi naˆ-ehˇ, naw maꞈ neh damˬ ma lehˇ ehˇ taˬ-euˬ loꞈ-ehˇ bi laˆ dah taˬ jiˇ-eu gʼaˇ duˬ, aˬ nyiˇ heu deuˬ-ahˇ jeˬ huˬ kʼehˇ gʼeh leꞈ-eu tsaˬ-eu duˇ lehˇ ngaˇ noeˬ-eu ma. Kʼoeˇ miˇ neh, ngaˇ oe keuˆ ngeh naw maꞈ laˆ uiˬ gʼaˬ jiˇ-awˇ, aˬ cawˬ ehˇ-eu miˇ neh damˬ-eu maˬ ngeuˇ-ehˇ, yawˬ ha nui ma keuˆ-awˇ damˬ-euˬ jeˬ pyeuꞈ-eu gaˇ kawˆ aˬ cawˬ-ahˇ mawˇ leˇ tehꞈ-a.

Piˇliˇpiˆ 1:11

Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ taˬ huiˬ-awˇ Miˬyehˇ-ahˇ ja ceuˬ laˇ gaˇ keuˆ ni Yeˬsuˇ Ka li tehꞈ-ehˇ jahˇ nehˬ nya-eu maˇ maˇ ni muiˬ-eu jeˬ kʼoeˇ, naw maꞈ yaw dehꞈ dehꞈ-eu laꞈ kʼoeˇ byah laˇ tehꞈ-a.

Piˇliˇpiˆ 4:11

Naw maꞈ ngaˬ-ahˇ byehˇ dzeh nehˬlaꞈ-euˬ meh lehˇ noeˬ-eu baˬ da neh ngaˇ heu loꞈ-ehˇ ehˇ-eu maˬ ngeuˇ. Aˬ jeˬ miˇ neh ehˇ naˇ, ngaˇ-aˬ, yawˬ ha kʼaˇ jaˆ-eu myaˆ ni tehꞈ-ehˇ kʼawꞈ dehꞈ nya jawˇ nya laˇ-euˬ tsawˇ haˬ ma.

1 Teˇsaˬloˇni 2:5

Naw maꞈ-ahˇ nga maꞈ maˬ ja poeˬ-ehˇ, yawˬ ha gʼaˇ duˬ jiˇ jeuˬ doˆ laˇ ni maˬ ngehˬ maˬ tmˇ-euˬ gaˇ kawˆ naw maꞈ siˬ duˬ luꞈ meh. Miˬyehˇ-aˬ, nga maꞈ-euˬ saˇ kiˇ ma.

1 Tiˆmoˇseˬ 3:3

Aˬ gaꞈ dzaˇ uiˇ dawˇ yehꞈ-eu tsawˇ haˬ hawˇ-eu, aˬ cawˬ-ahˇ dawꞈ-eu ceh-eu tsawˇ haˬ maˬ ya bi pyeuꞈ-ehˇ, nui nahˬ nui yu ahˇ-awˇ aˬ cawˬ-ahˇ maˬ coeˬ maˬ ciˆ-eu uˬ taꞈ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.

Tiˇtuˆ 1:7

Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.

Tiˇtuˆ 3:14

Maˇ maˇ ni loˬ gaˇ caw ba nehˬ nya-eu gʼaˇ duˬ, aˬ dui-euˬ tsawˇ haˬ deuˬyaw muiˬ jeˬ-ahˇ mˇ nya laˇ ni bi leh jeh-eu loˬ meh. Gaˇ dahˇ maˬ tsoeˬ ni maˬ ya bi dehꞈ-a.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.

2 Beˬtuˆluˆ 2:15

Gaˇ ma yaw dawˇ-ahˇ byehˇ dzeh-awˇ, gaˇ bahˬ bahˬ-iˇ-euˬ tsawˇ haˬ pyeuꞈ-eu meh. Maˬ tsaˬ-eu jeˬ mˇ-awˇ za-euˬ pyuˇ shuiˇ-ahˇ nui kʼahˇ jaˆ-eu gʼaˬ pyeuꞈ-eu Beˬyoˇ-euˬ aˬ li Baˬlamˬ-euˬ pehˬ zaˇ-ahˇ caw teh luꞈ-eu meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.