Piˇliˇpiˆ 4:15 - Akha

¹⁵ Kʼoeˇ ngeh, ngaˇ Laˬ kʼaˬ cehˇ-eu Guiˬ lahˬ dawˬ mehˬ dahˬ beh ngeh, Maˬgeˬdawˇniˆˆ miˇ kʼahˬ-ahˇ neh ngaˇ gʼoꞈ ka le gaˇ caw ba nehˬ laꞈ-euˬ-aˬ, naw maꞈ-euˬ Ka li zaˬ aˇ muˇ tiˬ muˇ tehꞈ meh. Ngaˬ nehˬ-ehˇ jeˬ ma taꞈ-eu tsawˇ haˬ-aˬ, naw maꞈ tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Pirlirpiv-anr jawr-eu deuq-or! Ngar, Maqgeqdawrniv mirkhanq-anr nae dov-ir-awr guiqlanqdawq maeqbae bae-ir ngae, pyur yurnya’ni bifnaeq laf-euq-aq, nawmaf maqngeur nar-aq, Kalizaq armur nuideuq maq bifnaeq laf-aq laer nawmaf siqnya-eu mae.

Piˇliˇpiˆ 4:15 Iomraidhean Croise

2 Sahˬpaˬ 5:16

Eˇliˇshehˇ ehˇ-eu, “Aˬ cawˬ neh biꞈ laˬ-euˬ laꞈ sawˬ-ahˇ ngaˇ maˬ ha geuꞈ lehˇ, ngaˇ uˬ duˬ tahˬ luꞈ-eu dehꞈ luꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ ngaˇ kamˬ-eu ma.” Neˬmaˬ gʼaˬ, “Ha geuꞈ nehˬ laꞈ-awˬ” lehˇ shaˇ kʼawꞈ, aˬ yawꞈ maˬ ha geuꞈ nehˬ-a.

2 Sahˬpaˬ 5:20

Eˇliˇshehˇ-euˬ zaˬ kʼaˆ Geˬhaˬziˇ yawˬ haˇ yawˬ ha ehˇ-eu, “Ngaˬ-euˬ yaw sahˇ gʼaˬ Neˬmaˬ-ahˇ tiˬ jeˬ-iˬ maˬ shaˇ ni bi gʼoꞈ leˇ-euˬ nga. Suˇliˆ tsawˇ haˬ kʼoeˇ gʼaˬ neh biꞈ yaꞈ-euˬ jeˬ aˬ yawꞈ ha geuꞈ-eu tsaˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-euˬ mehˬ nah ngaˇ caw teh leˇ-awˇ, tiˬ jeˬ paˬ shaˇ geuꞈ ma.”

Gʼaˬkʼehˇ 16:40

Pawˇluˆ hawˇ-eu Siˬlaˆ aˬ nyaꞈ tawˬ-ahˇ neh doˆ-iˇ-awˇ, Lu diˇ-euˬ nymˇ-ahˇ le-euˬ meh. Jah-eu tsawˇhaˬ deuˬ-ahˇ kʼoeˇ gaˇ tahˬ dzoeˇ-awˇ gʼaˬ biꞈ nehˬ yaꞈ-euˬ meh. Kʼoeˇ naˇ, meuˬ kʼoeˇ meuˬ-ahˇ neh aˬ yawꞈ nyaꞈ doˆ-iˇ-euˬ meh.

Lormav 15:26

Aˬ jeˬ miˇ neh ehˇ naˇ, Yeˬluˇsaˬlehˬ meuˬ-ahˇjawˇ-eu Miˬyehˇ-euˬ tsawˇ haˬ deuˬ laꞈ kʼoeˇ shaˬ-eu zahˬ-eu deuˬ-ahˇ caw ba nehˬ-eu gʼaˇ duˬ, Maˬgeˬdawˇniˆˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu Ka li zaˬ aˇ muˇ deuˬ pyuˇ daˬ biꞈ nehˬ-eu lehˇ noeˬ tsehˆ taˬ-euˬ meh.

Piˇliˇpiˆ 1:12

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ya daˬ luꞈ-eu heu-aˬ, Laˬ kʼaˬ cehˇ-eu Guiˬ lahˬ dawˬ bi gaˬ doe-iˇ-eu gʼaˇ duˬ gaˇ dahˇ tsoeˬ-eu gaˇ kawˆ naw maꞈ bi siˬ nya mawꞈ miˇ-a.

Piˇliˇpiˆ 1:16

Kʼoeˇ deuˬ-aˬ, gʼoeˇ-eu gaˬ-eu laꞈ kʼoeˇ mˇ-eu meh. Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu heu maˇ maˇ ni tsaˬ-eu jeˬ pyeuꞈ-eu gaˇ kawˆ bi doˆ laˇ ni mˇ-eu gʼaˇ duˬ, Miˬyehˇ ngaˬ-ahˇ kʼehˇ-euˬ meh lehˇ aˬ yawꞈ maꞈ siˬ nya meh.

Piˇliˇpiˆ 1:5

Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu gaˇ laꞈ kʼoeˇ, aˇ dahˬ beh ngeh neh iˬ nah keuˆ ni naw maꞈ ngaˬ-ahˇ caw ba nehˬ laꞈ-euˬ meh.

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.