Piˇliˇpiˆ 4:12 - Akha

¹² Iˇ shaˬ iˇ taw loꞈ-ehˇ kʼawꞈ jawˇ nya-awˇ, smˇ muiˬ smˇ baw loꞈ-ehˇ kʼawꞈ jawˇ nya ma. Aˬ joˆ-ehˇ gʼeh-eu jawˇ duˬ-ahˇ maˬ ehˇ, aˬ joˆ-ehˇ gʼeh-eu aˇ yamˬ-ahˇ maˬ ehˇ, mehꞈ-eu shuꞈ-eu maˬ kaˬ, ya dzaˬ ya dawˇ dehˆ-eu maˬ kaˬ, gʼawˬ mya ni jaˆ-eu maˬ kaˬ, ui cuiˆ tehꞈ-ehˇ jaˆ-eu maˬ kaˬ, nui kʼahˇ shiˇ-awˇ dehꞈ nya ni zaꞈ taˬ-euˬ jeˬ-ahˇ ngaˇ za-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar, nym ngae khawf daefnya-awr, javmyaq ngae khawf daefnya ma. Daev ngae khawf, maef ngae khawf, yaw’aw tiv-anr khawf, yawgor tiv-anr khawf, yawqgar navluf hawr-eu yawqjeq navluf-euq lafkhoer, ngar aqjox-aer yadaef-a laer siqnya ma.

Piˇliˇpiˆ 4:12 Iomraidhean Croise

Neˬhaˬmiˇ 9:20

Muiˬ-eu jaˬ-eu nawˬ-euˬ Yaw sahˇ, aˬ yawꞈ maꞈ mˇ paˬ-ehˇ gʼeh-eu jeˬ mehˬ-euˬ meh. Aˬ yawꞈ maꞈ-ahˇ nawˇ maˬ naˆ kaˬ muˇ biꞈ nehˬ-awˇ, dawˇ-eu iˇ cuꞈ kʼawꞈ biꞈ-euˬ meh.

Iˇsaˬyaˇ 8:11

Sahˬpaˬ Miˬyehˇ-aˬ, huiˬ dui dui-eu aˬ yawꞈ-euˬ baoˬ-ahˇ gʼoe-awˇ, tsawˇ haˬ kʼoeˇ deuˬ kʼaˇ dehꞈ-eu loꞈ-ehˇ maˬ ya dehꞈ ni, ngaˬ-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh.

Yeˬlaˬmiˇ 31:19

Nawˬ-ahˇ byehˇ dzeh-awˇ gʼoˆ doˆ-iˇ-euˬ kʼawꞈ, nymˬ-mˇ nga maꞈ noeˬ poˆ-euˬ ma. Nawˇ nga maꞈ-ahˇ kʼehˬ nehˬ laꞈ ngeh, nui ma zahˇ tsui ni shaˬ-euˬ ma. Zaˬ guˬ pyeuꞈ ngeh mˇ lehˬ-euˬ iˬ baˇ baˬ da neh, daˬ ga-awˇ shaꞈ dawˇ dui dui nya.

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Maꞈtehˬ 13:52

Aˬ yawꞈ ehˇ-eu, “Dawˬ tsuiꞈ-aˬ, heu loꞈ-ehˇ meh. Mˬtaˆ Miˇkʼahˬ-euˬ zaˬ lahˇ pyeuꞈ laˇ-euˬ Zahˇ dawˬ kʼoꞈ dawˬ mehˬ-eu saˬ laˬ aˬ geu gʼaˬ maˬ kaˬ, kuˆ lawˆ laꞈ kʼoeˇ jeˬ hmˬ taˬ-euˬ myawˬ yaw shuiꞈ hawˇ-eu yaw oeˇ yuˇ doˆ laꞈ-eu nymˇ sahˇ aˬ da tiˬ gʼaˬ-ahˇ duˇ-eu meh.”

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 10:10

“Pawˇluˆ neh boꞈ-euˬ sahˬ boꞈ-aˬ, kah dui dui-awˇ gʼaˬ kʼaˆ dui dui meh. Ehˇ kʼawꞈ, aˬ yawꞈ-euˬ gʼawˇ mawˇ nga maꞈ nehˬ-ehˇ jawˇ naˇ, nahˬ jawˆ ni gʼeh-awˇ, aˬ yawꞈ neh ngehˬ-euˬ dawˬ baoˬ tiˬ pawꞈ-iˬ maˬ ahˇ-a” lehˇ, tsawˇ haˬ tiˬ paˆ na deuˬ ehˇ tehꞈ-a.

2 Gawˇliˬtu 11:27

Gaˇ mˇ dui dui-awˇ shaˬ dui dui-eu laꞈ kʼoeˇ, uˬ ciꞈ maˬ yuꞈ ni gʼawˬ mya poˆ leh jeh haw-euˬ ma. Hawˬ mehꞈ-eu, iˇ cuꞈ mehꞈ-eu, dzaˬ dzaˬ dawˇ dawˇ maˬ jaˆ-ehˇ ya dzahˬ-eu, dm gʼaˬ dm lmˇ maˬ jaˆ-ehˇ yaw gaˆ gaˆ-eu, heu deuˬ-ahˇ daˬ dzeuˇ yaꞈ-euˬ ma.

2 Gawˇliˬtu 11:7

Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ nehˬ-euˬ aˇ poeˬ, ngaˇ naw maꞈ-ahˇ tiˬ jeˬ-iˬ maˬ shaˇ haw-aˬ. Naw maꞈ-ahˇ taˬ huiˬ-eu gʼaˇ duˬ, ngaˬ-euˬ gʼawˇ mawˇ-ahˇ ngaˇ taˬ nyiˇ-euˬ ma. Ngaˇ kʼoeˇ loꞈ-ehˇ mˇ-euˬ lehˬ ta loˇ.

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

Dawˬmehˬ 32:10

“Jaˬ lehˇ neh bi hehˇ dzaˬ jiˇ-euˬ, kʼaˇ shuiꞈ deh yaˇ bawˇ tsahˬ laꞈ kʼoeˇ, yawꞈ maꞈ shaˬ luꞈ gaˇ ya mawˇ-awˇ, yawˬ ha gʼawˇ mawˇ loꞈ-ehˇ sawˇ-awˇ, yawꞈ maꞈ-ahˇ bo saˆ nehˬ-euˬ meh.