Piˇliˇpiˆ 4:10 - Akha

¹⁰ Aˇ yamˬ ui cuiˆ myahˇ laˇ ngeh naw maꞈ ngaˬ-ahˇ nui ma keuˆ gaˇ paˇ ya mawˇ-euˬ miˇ neh, Sahˬpaˬ Yeˬsuˇ laꞈ kʼoeˇ ngaˇ laˬ kʼaˬ cehˇ dui dui-eu ma. Naw maꞈ ngaˬ-ahˇ nui ma maˬ keuˆ-eu maˬ ngeuˇ-a. Naw maꞈ gʼaˇ duˬ aˇ yamˬ maˬ laˆ yehꞈ nya-eu miˇ neh meh lehˇ ngaˇ siˬ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Dzeurlaf ngae, nawmaf, ngaq-anr noeqkeuv-eu khawf cawba-eu aryamq maqza-aq. Aerkhawf, nymq-mr par noeqkeuv naeqlaf-eu mirnae, ngar, Sanqpaq Miqyaer-euq lafkhoer laqkhaqcaer duidui nya.

Piˇliˇpiˆ 4:10 Iomraidhean Croise

2 Laˬsaˬbaˬ 31:8

Aˬ yawꞈ maꞈ neh yuˇ laꞈ-awˇ baꞈ gahˬ taˬ-euˬ laꞈ sawˬ kʼoeˇ deuˬ-ahˇ sahˬ paˬ Heˬsaˬgiˇ hawˇ-eu aˬ yawꞈ-euˬ yaw huiˬ yaw mahˇ deuˬ ya mawˇ ngeh, Sahˬpaˬ Miˬyehˇ hawˇ-eu Iˇsaˬleˬlaˆ tsawˇ haˬ deuˬ-ahˇ ja ceuˬ-euˬ meh.

Jaceuq 85:6

Nga maꞈ-ahˇ gʼaˬ yaw shuiꞈ biꞈ nehˬ laꞈ. Nawˬ-euˬ tsawˇ haˬ pyeuꞈ-eu nga maꞈ nawˬ-ahˇ ja ceuˬ ma.

Hawˇseˬ 14:7

Ngaˇ bo saˆ haw piˇ-eu uˬ moˆ. Aˬ yawꞈ maꞈ paˇ jawˇ poˆ laˇ-awˇ, dzaˬ la gʼo cehˇ paˇ ka poˆ-awˇ, aˬ gaꞈ siˬ dui dui-eu loꞈ-ehˇ, baw dui za dui dui le tehꞈ-a. Leˬbaˬnoˬ gawˬ jawˬ-ahˇ doˆ-eu, muiˬ-eu aˬ gaꞈ dzaˇ uiˇ loꞈ-ehˇ, aˬ yawꞈ maꞈ tsawˇ myahˇ doˆ tehꞈ-a.

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

2 Gawˇliˬtu 6:7

maˇ jawˆ ni gʼeh-eu gʼoeˇ-eu gaˬ-eu jeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ-euˬ baoˬ-ahˇ gʼoe-eu laꞈ kʼoeˇ maˬ ehˇ, kʼoeˇ loꞈ-ehˇ bi mawˇ leˇ-euˬ ma. Nga maꞈ-euˬ guiˇ deuˆ-eu keu ka pyeuꞈ-eu yaw tsaˬ yaw dawˇ jeˬ-ahˇ, aˇ caˇ aˇ maˇ nyiˬ laꞈ luꞈ tuˆ tehˬ taˬ-euˬ ma.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Gaˬlaˬtiˆ 6:6

Miˬyehˇ dawˬ kawˬ dzaw luꞈ-eu tsawˇ haˬ-aˬ, yawˬ ha kʼaˇ jaˆ-eu yaw muiˬ jeˬ dawˬ tawˆ luꞈ yawˬ ha-ahˇ mehˬ nehˬ laꞈ-eu gʼaˬ-ahˇ biˇ nehˬ-eu tsaˬ meh.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Piˇliˇpiˆ 1:3

Naw maꞈ-ahˇ ngaˇ kʼaˇ noeˬ mawˇ ngeh, naw maꞈ gʼaˇ duˬ ngaˬ-euˬ Miˬyehˇ-euˬ guiˬ lahˬ-ahˇ ja ceuˬ-eu ma.

Piˇliˇpiˆ 2:30

Aˬ jeˬ miˇ neh ehˇ naˇ, naw maꞈ maˬ caw ba nehˬ laꞈ nya-eu jeˬ aˬ yawꞈ ngaˬ-ahˇ caw ba-eu gʼaˇ duˬ, Ka li-euˬ gaˇ mˇ-eu laꞈ kʼoeˇ shiˇ taw tehˬ ni aˬ yawꞈ leh jeh dui dui-euˬ meh.