Piˇliˇpiˆ 4:1 - Akha

¹ Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ gaˬ dui dui-awˇ, noeˬ mawˇ dui dui luꞈ ma. Naw maꞈ baˬ da neh ngaˇ laˬ kʼaˬ cehˇ dui dui-awˇ, naw maꞈ gaˇ kawˆ ngaˇ kʼahˬ sehˇ jehˆ luꞈ ma. Ngaˇ gaˬ-eu aˬ yuiꞈ aˬ nyiˇ deuˬ-oˇ, Sahˬpaˬ Yeˬsuˇ laꞈ kʼoeˇ, kʼoeˇ loꞈ-ehˇ ziꞈ dah ni dehꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoermirnae, ngar zawr gaq-awr, mawrmawf duidui-eu aqyuif aqnyir deuq-or! Nawmaf-aq, ngaq-euq laqkhaq caerduq hawr-eu ngaq-euq shuir uqkhov ma. Ngar gaq-eu cawqdeuq-or! Nawmaf, Sanqpaq Miqyaer-euq lafkhoer zifdanni yawf-awq.

Piˇliˇpiˆ 4:1 Iomraidhean Croise

Yawˇbaˆ 31:36

dawˬ kʼoeˇ deuˬ-ahˇ ngaˬ-euˬ baꞈ pu-ahˇ ngaˇ shaꞈ-awˇ, shuiˇ uˬ kʼoˆ loꞈ-ehˇ jahˇ-awˇ uˬ duˬ-ahˇ kʼoˆ ma.

Jaceuq 125:1

Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Yoˇhaˬ 8:31

Kʼoeˇ naˇ, Yeˬsuˇ-ahˇ jah-eu tsawˇ haˬ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ naˇ, maˇ maˇ ni ngaˬ-euˬ zaˬ lahˇ ma.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

1 Gawˇliˬtu 16:13

Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

2 Gawˇliˬtu 1:14

Nga maꞈ-euˬ gaˇ kawˆ naw maꞈ tsaˬ tsaˬ ni gʼoˆ shaw gʼaˬ taˬ-euˬ meh. Kʼoeˇ miˇ neh, aˬ dui-euˬ Sahˬpaˬ Yeˬsuˇ zaꞈ le ngeh nah naw maꞈ gʼaˇ duˬ nga maꞈ kʼahˬ sehˇ jehˆ kʼaˇ za-eu loꞈ-ehˇ, nga maꞈ gʼaˇ duˬ kʼawꞈ naw maꞈ kʼahˬ sehˇ jehˆ kʼaˇ za tehꞈ-a.

Gaˬlaˬtiˆ 5:1

Aˬ dui buˬ-iˇ-euˬ tsawˇ haˬ pyeuꞈ laˇ ni, Ka li neh aˬ dui-ahˇ bi buˬ-iˇ laꞈ-euˬ meh. Kʼoeˇ miˇ neh, buˬ-iˇ-euˬ tsawˇ haˬ loꞈ-ehˇ ziꞈ dah ni jawˇ-awˬ. Zaˬ kʼaˆ taˬ paˇ geuꞈ.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 1:8

Ngaˇ naw maꞈ-ahˇ gaˬ dui dui-eu heu-aˬ, Yeˬsuˇ Ka li-euˬ nui ma-ahˇ neh doˆ le-euˬ gʼoeˇ-eu gaˬ-eu jeˬ neh gaˬ-eu ma lehˇ ngaˇ ehˇ-eu heu tsaˬ-eu gaˇ kawˆ, Miˬyehˇ ngaˬ-euˬ gʼaˇ duˬ saˇ kiˇ pyeuꞈ-eu ma.

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

Piˇliˇpiˆ 2:26

Aˬ yawꞈ naw maꞈ yawˬ gʼaˬ na luꞈ-ahˇ gʼoꞈ haw mawˇ laˇ mawꞈ dui dui meh. Aˬ yawꞈ naˇ-eu gaˇ kawˆ naw maꞈ jawˇ gaˇ gaˬ keuˆ leˇ-euˬ miˇ neh nui ma tiˬ pawꞈ-iˬ maˬ saˇ-a.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

2 Teˇsaˬloˇni 2:15

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, jah-eu laꞈ kʼoeˇ ziꞈ dah ni dehꞈ-awˇ, nga maꞈ dawˬ mehˬ mehˬ-awˇ maˬ ehˇ, sahˬ boꞈ boꞈ-awˇ maˬ ehˇ, naw maꞈ-ahˇ mehˬ nehˬ tsoˆ nehˬ-euˬ yaw tsaˬ yaw dawˇ dawˬ-ahˇ ziꞈ dah ni tuˆ tehˬ taˬ-awˬ.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

HeˬByehˇ 10:23

Aˬ dui neh jah duˬ taˬ-euˬ noeˬ tmˬ-eu jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ loꞈ-ehˇ mˇ byah nehˬ laꞈ tehꞈ-a lehˇ aˬ dui jah-eu ma.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

2 Beˬtuˆluˆ 3:17

Ehˇ kʼawꞈ cawˬ deuˬ oˇ, naw maꞈ-aˬ, gaˇ kawˆ heu siˬ nya taˬ-euˬ tsawˇ haˬ meh. Kʼaˇ dehꞈ mawꞈ-eu dehꞈ-eu tsawˇ haˬ deuˬ neh bi tsahˇ pyawˇ-awˇ, yawˬ ha ziꞈ dah ni yawꞈ luꞈ-eu maˬ ya coˬ-iˇ ni yaw kʼaˆ kʼaˆ-ehˇ yahˇ-awˬ.