Piˇliˇpiˆ 3:7 - Akha

⁷ Ehˇ kʼawꞈ, ngaˬ-euˬ gʼaˇ duˬ jiˇ jeuˬ ahˇ ma lehˇ ngaˬ neh kʼaˇ sawˇ taˬ-euˬ kʼoeˇ deuˬ dawˬ tawˆ luꞈ, Ka li-euˬ gʼaˇ duˬ smˬ-eu jeˬ pyeuꞈ law hawˇ ngaˬ lehˇ, nymˬ-mˇ sawˇ duˬ gʼaˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, dzeurlaf ngae, ngaq-euq gharduq jirjeuq ma laer sawxtaq-euq deuq-aq, nymq-mr ngar, Kali-euq baqda’nae smq-eu jeq laer sawx-eu ma.

Piˇliˇpiˆ 3:7 Iomraidhean Croise

Aˇ dahˬ 19:17

“Naw maꞈ ya buˬ-iˇ ni cehˆ dzeuˇ tehˇ tehˬ-awˬ. Nahˇ gʼoꞈ taˬ paˇ gʼoꞈ haw. Deh ga heu maˬ cehˆ li kʼoeˇ keuˆ ni tiˬ gaˇ-iˬ taˬ naˬ. Naw maꞈ maˬ shiˇ-ehˇ ya dzeuˇ-iˇ ni, gawˬ jawˬ paw cehˆ daˆ leꞈ-awˬ” lehˇ, mˬ taˆ gʼaˬ kʼehˇ tiˬ gʼaˬ aˬ yawꞈ maꞈ-ahˇ ehˇ nehˬ-euˬ meh.

Aˇ dahˬ 19:26

Ehˇ kʼawꞈ, Lawˇtaˬ-euˬ miˬ zaˬ-aˬ, naˇ kʼah nahˇ gʼoꞈ gʼoꞈ haw-euˬ miˇ neh, saˬ deuꞈ kʼawˇ zeuˇ pyeuꞈ-iˇ-euˬ meh.

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Dawqdaq 13:8

Smˇ muiˬ deuˬ pyuˇ shuiˇ neh uˬ kʼawˇ ya shaˬ piˇ kʼawꞈ, iˇ shaˬ zaˬ-ahˇ muiˇ-eu gʼaˬ maˬ jawˇ-a.

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Dawˬ tsoˆ 3:6

Byaˇ tawꞈ-eu yamˬ baw-eu loꞈ-ehˇ, dehˬ dzeh-eu yamˬ kʼawꞈ baw-eu meh. Jeˬ hmˬ-eu yamˬ baw-eu loꞈ-ehˇ, biˬ dzeh-eu yamˬ kʼawꞈ baw-eu meh.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maˬkuˆ 10:50

Tsawˇ haˬ kʼoeˇ gʼaˬ pehˇ kʼahˬ biˬ dzeh-awˇ, tsawˬ tuˇ-awˇ Yeˬsuˇ jawˇ gaˇ laˇ-euˬ meh.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Luˇkaꞈ 14:33

Kʼoeˇ loꞈ-ehˇ duˇ ni, naw maꞈ aˬ geu gʼaˬ maˬ kaˬ, yawˬ ha kʼaˇ jaˆ-eu jeˬ dawˬ tawˆ luꞈ-ahˇ maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-aˇ.

Luˇkaꞈ 16:8

Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.

Gʼaˬkʼehˇ 27:38

Yawˬ gʼaˬ na luꞈ dzaˬ gʼaˬ ngeh, saˇ baoˬ yaw pyaˇ bi pyaˇ laˇ-eu gʼaˇ duˬ, kʼaˇ tawˬ luꞈ-eu cehˇ dawˬ tawˆ luꞈ iˬ ma laˆ shaˆ-ahˇ shehˆ puꞈ jiˇ-euˬ meh.

HeˬByehˇ 11:26

Ka li-euˬ gʼaˇ duˬ daˬ ga-eu jeˬ-ahˇ ya daˬ-eu-aˬ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ naˆ maˬ tseˇ poeˬ dui lawˬ dui dui ma lehˇ aˬ yawꞈ jah duˬ taˬ-euˬ meh. Aˬ jeˬ miˇ neh ehˇ naˇ, aˬ kaˇ za-eu laꞈ sawˬ-ahˇ aˬ yawꞈ noeˬ tsoˆ taˬ-euˬ meh.