Piˇliˇpiˆ 3:13 - Akha

¹³ Aˬ yuiꞈ aˬ nyiˇ Ka li zaˬ deuˬ-oˇ, laꞈ sawˬ kʼoeˇ-ahˇ za gʼaˬ-euˬ ma lehˇ ngaˇ maˬ noeˬ. Ehˇ kʼawꞈ, ngaˇ mˇ luꞈ-eu tiˬ jeˬ-aˬ, naˇ kʼah paw mˇ dzeuˇ yaꞈ-euˬ jeˬ-ahˇ ngehˇ dzeh yaꞈ-awˇ, mehˬ hu paw mˇ paˬ-ehˇ jaˆ luꞈ-eu jeˬ-ahˇ miˇ leˇ ni leh jeh luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqyuif aqnyir deuq-or! Ngar nyaefza dzeur-euq ma laer sawx-eu maqngeur. Aerkhawf, ngar heu tiq jeq mrluf-eu ma. Narkhan paw dzeurlaf-euq deuq-anr ngaer-awr, maeqhu paw jav-eu deuq-anr taemir nya’ni laejae luf-eu ma.

Piˇliˇpiˆ 3:13 Iomraidhean Croise

Jaceuq 27:4

SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Jaceuq 45:10

Sahˬ paˬ-euˬ miˬ shuiꞈ-oˇ, ngaˇ ehˇ gaˇ naˇ haˬ sheˇ. Nawˬ-euˬ aˇ jeuˬ aˇ ca hawˇ-eu aˬ yuiꞈ aˬ nyiˇ deuˬ-ahˇ, nawˇ ya ngehˇ byoˆ jiˇ meh.

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Luˇkaꞈ 9:62

Yeˬsuˇ aˬ yawꞈ-ahˇ ehˇ nehˬ-eu, “Nyoˬ tsehˬ laꞈ yoeˬ-ahˇ tuˆ tehˬ-awˇ nahˇ gʼoꞈ gʼoꞈ haw-eu tsawˇ haˬ-aˬ, Miˬyehˇ Miˇkʼahˬ-ahˇ maˬ geuˇ-a.”

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Piˇliˇpiˆ 3:12

Ngaˇ heu loꞈ-ehˇ ehˇ-eu-aˬ, nymˬ-mˇ za gʼaˬ-euˬ ma lehˇ ehˇ-eu maˬ ngeuˇ. Byah laˇ gʼaˬ-euˬ ma lehˇ ehˇ-eu kʼawꞈ maˬ ngeuˇ. Yeˬsuˇ Ka li neh ngaˬ-ahˇ aˬ yawꞈ-euˬ tsawˇ haˬ bi pyeuꞈ laˇ-euˬ loꞈ-ehˇ, laꞈ sawˬ kʼoeˇ-ahˇ ngaˇ za nya ni leh jeh luꞈ-eu ma.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

HeˬByehˇ 6:1

Ka li-euˬ gaˇ kawˆ aˇ dahˬ beh gaˇ tehꞈ-ehˇ aˬ dui dzaw dzaw-ehˇ maˬ paˇ jawˇ ni, jah-eu laꞈ kʼoeˇ huiˬ loˆ laˇ-euˬ tsawˇ haˬ deuˬ loꞈ-ehˇ mehˬ hu paw dzaw daˆ leꞈ kaˇ-euˇ. Gaˇ dahˇ maˬ tsoeˬ-eu jeˬ-ahˇ maˬ mˇ ni byehˇ dzeh-eu hawˇ-eu, Miˬyehˇ-ahˇ jah-eu jeˬ-ahˇ aˇ dahˬ beh poˆ beh poˆ-ehˇ jawˇ yamˬ maˬ paˇ ngeuˇ meh.

2 Beˬtuˆluˆ 3:8

Ehˇ kʼawꞈ, ngaˇ gaˬ dui dui-eu cawˬ deuˬ-oˇ, naw maꞈ maˬ ngehˇ kʼmˬ-eu gaˇ kawˆ tiˬ hmˬ heu loꞈ-ehˇ jaˆ meh. Sahˬpaˬ Miˬyehˇ-euˬ mehˬ shi, tiˬ nah hawˇ-eu tiˬ heˇ kʼoꞈ beu gaˇ duˬ maˬ jaˆ-a. Aˬ yawꞈ tiˬ kawˆ meh.